COUNG" NGHEI 13
1 O" Aseing we" ngoo ri
kha: yo, ju" sho' to" myhed pyam wa lha".
Khanham we' ajang" jha" to" myhed pyam wa la".
Khayo, kha: khyeing" ju" sho nga" jhang
mo re" myonhoo: gooshoid shu: loo" wa la".
2 Ngoo gi kha: yo, ju" sho'
noo phyoo" kham zeung: ngu" nyid wa lha".
Kha: nyid" ju" sho' nyid" ri myen" ri
kougshu: nyid wa lha". Kha: nyid: ju" sho'
nyid" ri myen" ri kougshu: nyid wa lha".
Nga" da" gyivoo joem gi- kha: yo, ju" sho
ngoo re: ung: zo: nyid boem wa lha".
3 O" Aseing nga" Mangsoo we"-
ngoo ri yu" lho: tu" kaid we'.
Ngoo ri yoem: so' yo' doem byeung" loo nhang: we'.
Ngoo ri ahain: shid: loo" nhang: shi"
4 Nga" da" gyivoo joem gi" ?Ngoonu"
nyang: ri yo" oung: pyam bye:? ga: tid wa akhang" nyangnu" ri: abyid.
Ngoo leung soem" loo" yoomo nyangnu" yo" gau yi wa akhang" abyid.
5 Ngoo gi re" da" jheddab nheug khyeug khyoo: ri daloem nyid.
Nang gi ngoo ri khyoid yu wa nghoid yoomo
ngoo gi gau, yi ngei pyoo: wa zi nghoid.
6 O" Aseing we" nang gi nga" tho moo: gi koid nyid yoomo
Ngoo gi nang ri coung" nghei lakhyang yhang: nyid wa.