COUNG" NGHEI 128
1 Aseing ri gyoug phau" lho: wigi nya: da" amyeing" dang: joem yo'
dakhyoo" ti" kangso' dei nyid mo, gi ngilho' boem.
2 Re" da" lo, moo" gi nang ca" yo nyid da" khyoo: joem ri
pang" thoug loo wa zi nghoid.
Nang gi ngei pyo: gau yi lho: yo" loo se' loo wa.
3 Re" da" yhoem: seing: myhi' gi
re" yhoem: khoug: moo ashi" zei: da" zabyid nei yhang: ti" du wa nghoid.
re" da" zooshang: yigi zhainloin: seig zoo: gam, joem yhang: ti"
re" da" zoobui" loem: lheing khab, moo nyid nyid boem wa nghoid.
4 Aseing moo: tam" gyo: lho: cang loo" su: gi
hid: yhang: te" da" mainkaid jeju" ri
deing deing shoug" kham: yu wa zi nghoid.
5 Aseing gi nang ri Ziun mo wigi mainkaid byid: nyid baja".
nang dei nyid da" bidnyid dangain" jang" moo
Yerusalem da" nyid gi nyid de khyoo: ri nang shau" myang baja".
6 Re" da" myid: zoo: yiri we' nang dei nyid shi" uri
shau" myang baja".
Ngei pyo: myenjham" khyoo: gi Israela yo'
dage" dajo, jo, baja".