COUNG" NGHEI 125
1 Aseing moo: loem khau: nyid bang: gi khanham we' thoin dei gyeig ayu: da"
Ziun boem yhang: ti" dajo, jo.
2 Boem joem gi Yerusalem ri lheung khoem to" ziyo' dakhyoo" ti"
Aseing we" nya: byumyu" yiri akhid" mo wigi
pyaid didu moo: ju" sho' dalheung khoem to".
3 Akhyeung" bang: gi deingmain" mo, da" mougmyid tho' moo
khanham we' yo" vhoeb khang nyid boem wa zi anghoid.
Nyangnu" gi dato' yo" vhoebkhang" nghoid rigi
deingmain" mo, nyangnu" we' ashoeb da" moo" ri bo zei: ca" boem wa.
4 Aseing we"- gi mo, yo' re" da" amyeing" dang: joem ri cang nyid bang: ri
ge lho' da" khyoo: ri byid: we'.
5 Nghoid loug we' akhyeing" ashoeb bang: ri nang dam kaid byid: nyid da" uri
re" khyoo: mo vhang: loo" mo, ri we' dam bo kaid we'.
Ngei pyo: myenjham" khyoo: gi Israela yo' dage" dajo, jo, baja" o".