COUNG" NGHEI 116
1 Aseing gi nga" da" thui: ri tam" gyoo: byid: yoomo
ngoo nyang: ri jheddab nyid.
Nyang: gi nga" akyu" mho' dang: ri tam" gyoo: byid: nyid.
2 Ngoo gi nyang: ri ayo, loem: khang" moo" moo yoid khe: nyid
3 Shid: su: da" gyoug ci' khyoo: gi
ngoo ri: lheung khoem to" wigi moo: vo, moug: mo
byoodain byoo sho" khyo: joem gi nga" nam, moo: tain" loo bye:-
ngoo gi gyoug ziyo' amyen akhyoid phu" zo: zi shau" nyid bye:.
4 ?Houg: lang" ngoo gi Aseing we" ngoo nang ri: mho' yoid nyid
ngoo ri khyoid yu we'? ein: Aseing ri mho' yoid bye:.
5 Aseing gi nheug khyeug ziyo' gi su: nghoid nyid-
ngoonu" da" Mangsoo gi nheug se' khyeug su: nghoid.
6 Aseing gi pang" thoug wa byu aboo bang: ri lhoug zung" nyid
ngoo gi gyoug noem thoung" shoug" nyid uri
nyang: gi ngoo ri khyoid yu byid: bye:.
7 Nga" da" emyed we' Aseing gi nga" da" atho' moo
ge da" jeju" ri toin" shed byid: bye: yoomo
loem khed" nheugshid: nyid we'.
8 Aseing gi ngoo ri shid: bye: jang" mo khyoid yu lo yu" bye:-
toin" shed byid: bye: yoomo loem khed" nheugshid: nyid we'.
9 Houg: yoomo kangso' dei nyid mo, nyid da" mougmyid moo ngoo gi
Aseing shidkhoin" moo: so" nyid wa zi nghoid.
10 Ngoo gi bain" sho' nyang: ne, mhoin' pyam zi
shau" nyid bye: ein: tid nyid uri lang"
ngoo gi khyang" khyang: daloem" jeung" nyid.
11 Ngoo gyoug ci zi shoug" nyid yoomo
loem ge" byu dayug we' anyid, ein: tid uri we' ngoo loem khau: nyid.
12 Ngoo ri: byid: da" ge lho khyoo: joem dangain" ziri ngoo ce: ja: yo'
Aseing da" jeju" ri yo" oung: tho' coung" byid: loo: wa lha".
13 Ngoo ri: khyoid yu byid: yoomo Aseing ri jeju" boin: coung" byid: wa shid re"
ngoo gi zabyid xoin" ri re" jhang khyoo: ci: re" loo wa nghoid.
14 Nya: da" byumyu" yi dangain" bang: da" mo, phung: gung moo
ngoo dangsoo" byid: to" ziyo' dakhyoo" ti" zei: pyeung wa zi nghoid.
15 Nya: da" byumyu" mo dayug shid: lo" nghoid ri
hau: zigi Aseing shid mo khayhi' no lho:
soem" lo" khyoo: nghoid lha".
16 Aseing we"- ngoo gi re" da" deizoo: phoo nghoid-
nga" myhi' zei: lho: doo" zho" yhang: ti"
ngoo nang ri dei byid: wa nghoid.
Nang gi ngoo ri shid: lo" jang" mo khyoid yu bye:.
17 Jeju" boin: da" xoin" yo' ngoo nang ri shug byid: wa nghoid.
Nga" akyu" mho' da" dang: thui: yo' nang byid: wa nghoid.
18-19 Re" da" byumyu" yi dangain" bang: da" mo, phung: moo: we'
Yerusalem mo re" da" gyeung" shang: Noku Yhoem: Moo" moo: we'
Ngoo nang ri dangsoo" khoin" byid: to" ziyo' dakhyoo" ti"
ngoo zei: pyeung wa zi nghoid.