COUNG" NGHEI 113
1 Aseing ri coung" byid: nyid ge'. Aseing da" deizoo: yi we'
nya: myeing khyang" ri coung" nghei nyid we'.
2 Aseing da" myeing khyang" ri akhid" mo wigi
pyaid didu moo: ju" sho' coung" nghei nyid goo" baja".
3 Bid thu re" jang" mo zi bidvang lo" jang" moo: ju" sho'
Aseing da" myeing khyang" ri coung" nghei nyid we'.
4 Aseing gi byumyu" yi dangain" bang: da" atho' moo vhoebkhang" nyid
nya: myonhoo: phung" yoeb gi mougkhung: tho' moo: doug bang jo, da".
5 Ngoonu" da" Mangsoo Aseing yo' du goo" su: dayug we' anyid.
Nyang: gi myhang: thang da" joyoo atho' moo: nyid nyid.
6 Nghoid loug we' nyang: gi mougkhung: mougdi yo'
mougmyid yoosoo" ri yo" myang wa shid re" goeb yu" nyid.
7 Nyang: gi asho" ajhen: bang: ri myidzhoo" phei" mo lang: tu: yu wigi
ca" yo nyid mo, ri nyangnu" da" yau: khe" khyoo: mo nyang: vu, to' yu nyid.
8 Hau: thang: moo: nyang: gi khokham zoo: yi yo' nya: byumyu" da"
Khokham zoo: yi da" bidnoem joem bui" nhang: nyid.
9 Nyang: gi boug dung: myhi' da" yhoem: ri phoug" tab ngi: shab byid: lho:
Nyang: gi hau" myiyi ri: zooshang: khu: loo wa akhang" byid: khyo" wigi gau yi nhang: nyid.
Aseing ri coung" byid: we'.