COUNG" NGHEI 11
1-3 Goem loem byid: wa shid re" ngoo gi Aseing: ri myid loem nyid.
Nang ngoo ri soozoo: alheung: loo: tid nyid zigi
?Boem khyoo: ngho' yhang: ti" dang: phang: loo" we'.
Khasu" wim ga: ri akhyeung" da" byu yigi
Nyangnu" da" lid: ri thoung: lho:
byu gi yiri moug: coid khoug: moo: beug wa shid re
nyangnu" da" myoo: ri yeung to".
Hau: jang" moo: aja: ja: byo, yoin" lo" uri
byu gi yi dayug we' ci: ayo" koid boem loo:? ga: wigi
nang ngoo ri khasu" yo" tid wa lha".
4 Aseing gi nya: gyeung" shang: da"
Noku Yhoem: Moo" khoug: moo nyid nyid.
Nya: zhungtang gi mougkhung: moug: di tho' moo: dajo, jo.
Nyang: gi joyoo khang" moo" mo byu yiri yu" nyid lho:
nyangnu" cikoid nyid ziri se.
5 Aseing gi gi mo, yo' akhyeing" ashoeb bang: ri ca: yu" nyid.
Tarha" aci: mo, ri nya: nheigloem: bain sho' yo' ngheung" nyid.
6 Nyang: gi akhyeing" ashoeb mo, da" atho'
moo myiyham: dab, nyid da" myigyu: joem yo'
dab nge" nyid da" fang myi: ri khyo' kaid.
Nyang: gi nyangnu" ri gye" nge" loung da" lid yo" we she: nyid.
7 Aseing gi deing byeung" lho: ge da" moo' ri jheddab nyid.
Hougsu" cang koid bang: gi nya: shidkhoin" moo: shoug" nyid boem wa.