COUNG" NGHEI 100
1 Mougmyid gyab, goin" mo, Aseing ri jikhoin" khoin" nyid we'.
2 Aseing ri goug goug yi yi yo' noku coung" nghei nyid we'.
Nya: shidkhoin" khyoo: ngeibu: ziyo' jikhoin" khoin" lho: vang yhi: we'.
3 Aseing gi Mangsoo nghoid ein: yhen: yu ge'-
nyang: gi ngoonu" ri phain" so: too" su: nghoid wigi
ngoonu" gi nyang: yo' sen: bang: nghoid-
ngoonu" gi nya: mung" byu yi yo' nya: yang phung yi nghoid.
4 Nya: Noku Yhoem: Moo" vang khyam: khyoo: jeju" boin: ziyo' vang yhi: we'.
Nya: da" khoem" duang: khyoo: coung" nghei zoore vang yhi we'.
Nyang: ri jeju" boin: ge'- nyang: ri coung" nghei byid: we'.
5 Aseing gi su: nghoid wigi
nya: jheddab da" emyed gi pyaid moo: too moo dajo, jo, ziyo'
Nya: da" nheigloem: zung" khyoo: we' byu ngoug xiyam: moo: dageung: jo, o".