16
1 Yesu nya: cangzoo: yi ri tid zigi sathi phoo gi moo" pyeing" su: dayug yo". Hau: yug gi sathi" pho da" ziyoo jonu" ri agoin: lhu: shoin' pyam nyid da" ziri byu yigi sathi" phoo ri khyang" lo" shid: boem.
2 Sathi" phoo gi moo" pyeing" su: ri khe: yu lho: tid da" zigi ?re" da" khyoo: ngoo shoug" gyoo: bye:. Khasu" koid: nyid. Re" da" lo, mo nga" ziyoo jonu" zhayen" dangain" ngoo ri byid: we. Khasu" wim gari nang gi nga" moo" ci: moo we' pyeing" wa zi amoin: yi" loo?.
3 Vhukung: phoo nya: gung nyang tid da" zigi ?Nga" Aseing gi nga" moozoo" mo ngoo ri toem nyid bye:. Ngoo khasu" koid: loo wa lha". Ngoo myidjang du: nhoug wa yoem: we aboo. Mho' zo: yen" wa zi we' ngoo sho.
4 Nga" aya: gyo" thang: ri ngoo khasu" koid: wa zi akhid" si bye:- ngoo ri nyangnu" yhoem: moo lhoem kham: yu wa da" byencang" ngoo yo".
5 Hou: yoomo Aseing ri jhen dab da" mungbyu mo, dangain" ri nyang: khe: lho: xangshid" yug ri myid: zigi nang khamyhoo jhid" to".
6 Hau: yug gi mainkaid xu: xu: dashoo: joid" jhen dab ga: phoug tid. Houg: lang" moo" pyeing" su: gi hid: the, re" zhayen"- zhoung: jo, lho: joid" wim: xi: ein: lhid" too" we' ga: tid.
7 Hau: thang: ri gootu: dayug ri we' nyang: doem myid: zigi nang khamyhoo jhen: dab ga: myid. Hau: yug gi sungsoo: gug dakhyeing" tang bo ga: tid lang" moo" pyeing" su: gi hid: the, re" zhayen"- shed shoo: tang ein: lhid" too" we' ga: tid.
8 Hid: yhangti" yeug da" khyo" koid da" adeung amain" khyo" koid: da" moo" pyeing" su: ri Aseing gi coung" byid:. Khasu" wim lha"? ga: ri Mougmyid byu yi gi Mougmyid moozoo" zei: jangmoo- bidbang zoo: yi da" tho' moo je yeug yoomo nghoid.
9 Hau: tho' moo Yesu ?gi Mougmyid jonu" yo' bidnoem koid: ge. Hau: ziyoo jonu" yo" gu: thang loo" lang" Mangsoo: gi ngeipyoo: athang da" yhoem: moo lhoem kham: yu wa zi nghoid.
10 Nge da" moo" moo deingmain" su" gi gyi: da" moo" moo we' deingmain" wa. Nge da" moo" moo adeung amain" su: gi gyi: da" moo" moo we' deingmain" wa zi anghoid.
11 Houg: su" nghoid yoomo nanu" mougmyid ziyoo jonu" khyoo: moo lang" deingmain" khyoo: ajo, rigi deingmain" da" ziyoo jonu" khyoo: moo khasu" nanu" ri yo" loem wa lha".
12 Byen cang" da" ziyoo jonu" tho' moo lang" deingmain" khyoo: nanu" moo abo rigi nang seing: wa da" ziyoo jonu" hang" re" se' byid: wa lha".
13 Yhoem: seing: eig yug moo deizoo: vang da" byu hang" we' anyid. Nyang: gi dayug ri ngheing" lho: dayug rigi ngei wa. Nyang: gi dayug ri phau" myang: lho: dayug rigi aphoug" akhyoid koid: wa. Nanu" gi Mangsoo: yo' ngei sheing: ri davhu" dam deizoo: yo" koid: wa zi anghoid.
(Mat 11:12-13: 5:31-32: Mar 10:11-12)
14 Pharishe yi gi hau: khyoo: dangain" ri shoug" gyoo: yoomo nyangnu" gi Yesu ri juang" yi byid: ago". Khasu" wim gari nyangnu" gi ngei ri jhid' dab mo, nghoid.
15 Yesu gi nanu" ri nyang: nya: da" gungdu: ri byu gi yi nghoid ga: subi" ri myang nhang nau ago". Nghoid loug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shidkhoin" moo gi ce: phoug" adab da" zi anghoid.
16 babtisma sara: Yohan anyid shi" mo Moshe tarha" yo' Lapi: yi gi amyeung" zeing khyo" jo: jo, bye:. Yohan nyid lo jangmo wigi Mangso da" Mungdain: da" khyoo:- ngeibu: lu: dang: gi ri tid loo bye:. Byu yug khang" moo" we' hau: khyoo: moo shi goo" shi yang- vang lo" boem bye:.
17 Nghoid loug we' hau: tarha" mo nge thang da" tarha" dakhoin" byo, loo" wa tho' moo Mougkhung: yo" myidjang byo, loo" wa zigi je lei nyid.
18 Nyang: nya: yhoem: seing: myhi' ri kang" pyam lho: gootu: myiyi: yo" deungkhu: doem qei" su: gi myi: lhoid su: nghoid. Kang" too" kho" da" myiyi: myhi' yo" lo, xo' su: hang" we' sube" myi: lhoid zi nghoid.
19 Goonham, dalheung: ri nyang: gi nyid" khang" moo" phoug" dab thang da" mi, byi: ri void ci: lho: nyid di nyid ge nyid.
20 Nya: yhoem: khoem" duang nam moo dagung goin" dam, joid, joid, su: sho" jhen: da" Lazaru ga: su: gi
21 Sathi" pho da" zoobui" mo gyoo" da" voem: gyoo" voem: thang:- re" zhoo" wa shid re" vhoo: loo kho" nyid. Lakhuid" joem gi nya: dam noo ri re" yo, byid: nyid boem.
22 Hau: sho" jhen su: gi shid: lo" wigi moug: lagyoo: yi gi nyang: ri Abraham da" nam moo nyid nhang: wa shid re" mougkhung: mungdain: zoo: pui" zeing khyoo: shu" loo" bye:. Sathi" phoo we shid: lo" wigi myhoeb pyam zi shau" lho:
23 Nyang: gi moovoo moug: moo gye" kyikhyeug zi shau" nyid yoomo nyang: yu" kaid da" uri Abraham ri we' Abraham da" nam mo Lazaru ri we' myang kaid.
24 Sathi" phoo gi phoo Abraham we"- ngoo ri nheig myen: yu shi" we. Ngoo gi he: da" myiyham: khoug: moo atho' tid loo:- kyikhyeug shau" nyid. Lazaru da" lo, nyhoug" vhu" mo gyid jham" dazo, nga" yhoo: moo khyo jham" byid: wa shid re" nga" jhang khyoo: jen" nhang: kaid we' o"- ga: yoid tid.
25 Nghoid sho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: kyikhyeig kham: kho" da" khyoo: ri we' myid boin: re. Akhid" koem nyang: gi myenjham" ngeipyoo: khyoo: shau" kham: zo: wigi nang koem gi kyikhyeug shau" nyid bye:.
26 Hau: tho' moo gootu: nanu" yo" ngoonu" da" agyoo: moo no, thang da" lang: khoug: daloem: kyo: to". Houg: yoomo nanu" tab mo zi ngoonu" tab khyoo:- ngoonu" tab mo zi nanu" tab khyoo:- gu: lid noug mo, hang" we' ayo" gu: lid ga: wigi tid.
27 Sathi" phoo doem tid zigi phoo Abraham we"- houg: su" nghoid lang" Lazaru ri ngoo me yhoem: khyoo: nhang: kaid byid: we.
28 Houg: moo nga" nhung" yi wim: yug nyid shi"- nyangnu" we' hid: yhi' kyikhyeug yaukhi" jangmoo azheing: ju" loo wa shid re" nyangnu" ri lo" tid poin" nhang: we.
29 Abraham gi re" nhung" ri tid poin" wa shid re" Moshe yo" lapi: yi nyid bye:. Houg: bang: da" dang: ri tam" gyoo: goo" baja" ga: tid poin" bye:.
30 Sathi" phoo gi phoo Abraham we"- houg: za: anghoid- gyeing" nyang: shid: byug bye: bang: mo dayug yug nyangnu" jhang doem lo" kho" kyo" rigi nyangnu" nyangnu" da yooboo mo nyangnu" doem lheung: loo wa
31 Abraham gi nyangnu" Moshe yo" lapi: yi da" dang: atam" gyo: nghoid rigi gyeing" nyang: shid: bye: jangmo byu dayug yug doem dei to'' loo nghoid loug we' nyangnu" gi loem" jeing" wa zi anghoid ga: wigi tid.