2
1 Yona gi hau: wimdo, voem: doug: khoug: mo nya: Aseing Mangsoo ri akyu" mho' nyid.
2 ?O" Aseing we" ngoo yau: khi" shoug" nyid jang" mo
nang ri ngoo nyho: yoid nyid ri
nang ngoo ri tam" gyoo: byid:.
Moovo moug: thi" mo pang" thoug wa shid re"
ngoo yoid nyid uri nang gi nga" thui: ri tam" gyoo: byid: bye:.
3 No, thang da" panglai: gyid thoem" thi" khyoo: nang ngoo ri du" zei kaid bye:.
Hau joyoo mo gyid gi ngoo ri lheung khoem to" lho:
re" da" gyi: thang being: mhoid joem dangain"
nga" da" atho' moo doin: lhoem" nyid abye:.
4 Ngoo koem' gi re" shidkhoin" mo khaid thu pyam zi shoug" bye:.
Re" da" gyeung" shang: Noku Yhoem: Moo" ri
doem shau" myang loo: wa zi anghoid ein: myid pyam bye:.
5 Gyid gi ngoo ri nhau' pyam wigi ngoo ri so' thang thang nhang: bye:.
Panglai: gi ngoo ri nhau' pyam bye:.
Nga" vhuloem moo panglai: gyid myo, nei joem baid yeug gyoem" too" bye:.
6 Boem joem da" apoem: moo ju" sho' ngoo gyoo" loo" bye:.
Mougmyid khoem" kyang joem gi ngoo ri pyaid goin" kyang lhoung to".
Nghoid loug we' o" Aseing Mangsoo we"-
nang gi ngoo ri dei noem ung: mo doem xue: yu byid: la.
7 Nga" kangso' ci: phyug lo" nyid ti" kham zo: uri
O" Aseing we" nang ri ngoo mho' yoid nyid.
Nga" akyu" mho' da" dang: thui: ri re" gyeung" shang: Noku Yhoem: Moo" mo nang ngoo ri tam" gyoo: byid: bye:.
8 Ce" phoug" adab da" yu phara" soolhoo: no' mo, gi
nang ri: dang: azung" boem loo:.
9 Nghoid loug we' ngoo gi nang ri coung" nghei lid jhoem" kaid wa.
Ngoo nang ri xoin" too byid: wa.
Ngoo tid to" da" dangsoo" ri ngoo zei: pyeing: byid: wa zi nghoid.
Khyoid yu khyoo: gi Aseing jang" mo ju" re" da? ga: tid.
10 Houg: lang" Aseing gi Yona ri tunggung moo yhe: doug thu kaid wa shid re" hau: wimdo, ri tid wigi nyang: gi hougsu" koid bye:.