17
1 Dalheing: ri Ephrim boem moug: moo Mikha ga: da" byu dayug nyid.
2 Nyang: gi nya: myhi' ri ?Byu dayug yug re" ngei dakhyeing" dashoo: pyi" ri khau" lo" byug uri nang gi hau: khausu ri nheing" da:. Nang hougsu" nheing" ziri ngoo shau" gyo:. Yu" we' ngei ngoo yo" da:. Hau: ziri yu su: ngoo nghoid? ga: tid.
Nya: myhi' gi ?Nga" zoo: we"- Aseing nang ri mainkaid byid: baja"? ga: tid da:.
3 Nyang: gi hau: ngei ri nya: myhi' lo, khyoo: doem tau" byid: da:. Houg: lang" nya: myhi' gi ?Nga" zoo: ri nheing" khoin" azang" wa shid re" hau: ngei ri ngoo nyang: Aseing ri shugbyid: wa. Seig yo' koid da" yu phara" soolhoo: ri ngei yo' thoeb da" jang" moo ci: wa shid re" nghoid da:. Hau: ngei nang ri doem tau" byid: wa? ga: tid.
4 Hau: thang: hau: ngei joem nya: myhi' ri doem tau" byid: da:. Nya: myhi' gi hau: ngei mo eig shoo: pyi" ri yu lho: jo, to" lo, moo" zei: su: ri byid: da:. Houg: yug ri seig yo' yu phara" soolhoo: koid lho: ngei yo' thoeb nhang: da:. Hau: ziri Mikha da" yhoem: moo to" to" da:.
5 He: Mikha ga: su: gi nyang: nya: noku wa joyoo yoo" su: nghoid. Nyang: gi yu phara" soolhoo: dayham" yo' xoin" ngei" byizuang dakhyab ri koid lho: nya: yuggi zoo: yi mo dayug ri khainjung khyo" moo" foin: to" da:.
6 Hau: ayo, moo Israela mung" moo khokham anyid nghoid da:. Yugkhang" moo" nyang: nyang: vho: da" khyo" koid ago".
7 Hau: ayo, moo Yuda mung" mo Bedlehem voogung moo Levi zoolu: dayug nyid da:.
8 Nyang: gi Bedlehem mo to' yhe: lo" wigi nyid joyoo gootu: yhe: sho: da:. Nyang: gyung: so" lo" ri Ephrim boem moug mo Mikha da" yhoem: khyoo: ju" lo" da:.
9 Mikha gi nyang: ri ?Nang kha: moug: mo ju" re" zi nghoid? ga: myid:. Nyang: gi ?Ngoo gi Yuda mung" Bedlehem voogung mo Levi byu dayug nghoid. Ngoo gi nyid wa joyoo sho: yen" yug nghoid? ga: tid da:.
10 Mikha gi ?Ngoo yo' dage" nyid shang. Nga" da" phajhi" byid: su: yo' khainjung koid we'. Houg: lho: ngoo gi nang ri dazain ri ngei daxi: pyi"- byimi dayham" yo' zoo: noem byid: wa? ga: tid lhung: da:.
11 Hau: Levi zoolu: gi Mikha yo' dage" nyid wa myid veing" lho: nya: zoo: yo' dakhyo" bue" lo" da:.
12 Mikha gi nyang: ri nya: da" khainjung koid nhang: wigi nyang: gi Mikha yhoem: moo: nyid da:.
13 Mikha gi ?Akhid" ngoo khainjung khyo" Levi byu dayug yoo" bye:- Aseing ngoo ri gi koid byid: wa ziri ngoo si' bye:? ga: tid da:.