22
(22:1-27:23)
Elipha
1-2 Mangso shid re" akyu" bo da" byu
Phajhi" bo thang su: lang" dayug yug nyid la".
3 Nang koid da" ge moo" zoo" gi Mangsoo ri akyu" byid: la"
Nang gi koid ze wigi nyang: ri pang" thoug byid: la".
4 Mangso shidkhoin" moo gyoug phoug" wigi yab jo, yoomo nyang: gi
nang ri nheig yo: lho: yung" khyoo: shu" yhe: wa zi anghoid.
5 Hau: zigi nang yooboo sung koid yoomo nghoid da:.
Nang koid da" akhyeing" moo" dangain" gang mo bue" zi nghoid da:.
6 Re" da" mang: nhung" pho wigi nang ri xab ca" da" ngei jhen: ri doem yo" cab' sho' ga:
Nang gi nya: byimi joem ri nyang: moo void wa ajo, loo sho' yu pyam byid: da:.
7 Nang gi myung: dau bang: ri gyid abyid: jhug.
Zoo yoid bang: ri voem: abyid: zhoo" nghoid da:.
8 Nang gi damougmyid goin" ri yo" shoem" yu sho' ga:
re" yoem: so' yo' re" aya: ri ci: da:.
9 Nang gi cougmoo" yiri apang" thoug tho' agoo"
Coug" zoo: nu" yiri lhoid zo: wigi anoug akhyoid koid da:.
10 Houg: lho: akhid" gi re" aqei: ayam goem: sho' moo duang: khuang" joem byeung" jo, da:.
Hau: thang: nang gi nyeigdain tung" gyoug dain pho" zi shau" da:.
11 Nang ayo" myang loo sho' teing: no, wigi gyid khyoid zoo" gi nang ri lheing: nhe' pyam bye:.
12 Mangsoo gi myhang: thang mougkhung: moo nyid wigi
Kyi joem we' myhang: da" joyoo moo jo, boem loug we' nyang: wigi adang" khyo" yu" khyo' kaid anghoid rhe"
13 Nghoid loug we' nang gi ?Mangsoo ci se' lha".
Nyang: ri jhoemmoug" thei" joem wigi da nghoeb to" da:. Nyang: gi ngoonu" ri dang: khasu" se' phyed byid: wa la? ga: datid nyid ashi".
14 Mougkhung: moo nyang: so" lid: lo" da" uri
Thu: da" jhoemmoug" thei" gi nyang: ayo" myang sho' nghoeb to" da: ga: nang myid jho: da:.
15 Akhyeing" bang: khanham we' lhung cang yhe: da" khyoo: moo nang we' soo" wa ein: myid phyed too" bye: rhe".
16 Nyangnu" da" ayo, lang" aju" shi" ri
gyid khyoid khyoid lo zigi nyangnu" ri pyoung" khyoid she: lo" boem wa.
17 He: byu yigi Mangsoo ri ngeug he: pyam wigi
nyangnu" ri Mangsoo ci: ayo" koid ga: myid bang: nghoid ago".
18 Houg loug we' nyangnu" ri yoo" zoo: yoo" shug nhang: zigi Mangsoo nyang: nghoid.
Akhyeing" bang: myid soin: khyoo: ri ngoo atho' se' gyoo: loo.
19 Akhyeing" bang: yooboo dam shoug" ziri nyangnu" myang lang"
byu gi yi gau lho: yooboo ayoo" bang: yi ago".
20 Akhyeing" bang: seing: zi dangain" gi phyo' shoin' pyam shau" da:.
Houg: lho: deing da" ja: khang" moo" ri myi: wigi nghe' pyam da:.
21 Yoba we"- Akhid"- nang Mangsoo yo' yug yoo za: nyid we'
Houg: lho: nyang: ri gyivoo yhang: ti" zoem" khau: da" khyoo: ri to" pyam we'
Nang hougsu" koid ri nyang: gi nang ri mainkaid byid: wa.
22 Nyang: byid: da" jhau" shid dang: ri khab yu we'.
Nya: dang: khoin" joem ri re" nheigloem: moo zoem: ci: we'.
23 Nghoid bye:- nang gi nyhoem: khyo, ziyo' Mangso jhang doem tau" loo ca" da:.
Houg: lho: re" yhoem: khoug: moo koid da" akhyeing" moo" dangain" ri to" pyam ca" da:.
24 Re" sheing: ri she: pyam pyam we'
Ge thang da" sheing: ri kyug hei' da" gyid lang moo de" boem pyam we'.
25 Myhang: thang da" Mangsoo gi re" da" sheing: nghoid baja".
Houg: lho: nyang: gi re" shid re" boem to" da" ngei nghoid baja".
26 Houg: lang" nang gi khanham we' Mangsoo ri loem khau: nghe: nyid wigi
Nyang: gi re" da" ngei pyo: khyoo: apoem: ayang: nghoid zigi nang shau" myang loo wa.
27 Nang akyu" mho' ri nyang: gi nang ri tu" byid: wa.
Houg: lho: nang gi nang koid to" da" dang: theing ri cang loo wa.
28 Nang koid zi dangain" oung: doid loo wa.
Houg: lho: re" khyoo: moo bidbang bang byid: loo wa.
29 Mangsoo gi nghoid boin: bang: ri doin: khyo' pyam lho:
Nheigloem: nyhoem: khyo' bang: ri khyoid yu wa.
30 Nang gi yooboo ayoo"- nang koid zi jo nghoid ri
Nyang: wigi nang ri khyoid yu wa.