41
1 Mangsoo gi
?Ve: da" mung" joem moo nyid da" nanu" we"
sam: zoo: nyid wigi nga" dang: tam" gyoo: ge'.
Nanu" da" moo" ri tarha" yung" moo tid kyoo" wa shid re" soin nyheing too" ge'.
dang: tid wa akho: akhang" nanu" yoo" goo" wa.
Khayug jo ziri myid phyed wa dage" zeing: foem: goo" shang.
2 Oung: doid yug ri bidthu shoid mo shu" lo su: hang" nghoid.
nyang: yhe: da" joyoo khang" moo" moo nyang: ri oung: myug nhang: su: hang" nghoid la".
Khokham yi yo' byumyu" yi atho' moo nyang: ri hang" wigi oung: pyam nhang: la".
nyangnu" ri pheilhoug: ri yhang: ti" shamcoin" wigi zain: khyo' pyam da:.
nya: myoo: joem gi nyangnu" ri lid vhu" mo khoofoo: yhang: ti" dang: loo" nhang: wa.
3 Nyang: gi luzoem" cang" yoem" yiri cang khaid wigi goug goug nyui: nyui: za: yhe: lo" da:.
sung myab yoomo myidgung rilang" alug lug atain" nghoid da:.
4 He: zi bui" nhang: su: hang" nghoid la".
mhoomyid: da" apoem: ayang: ri hang" myid phyed to" la".
Ngoo Aseing gi xang: shi" mashid" moo nyang: nyid nyid.
ngoo Aseing gi thang: thang moo nyid nyid wa.
5 ?Ve: da" mungdain: joem mo byu yigi ngoo koid da" moo" ri shau" gyo: abye: go".
Nyangnu" gi gyoug dain wigi nain" nyid boem bye:.
Houg: yoomo nyangnu" dangain" bang: zeing: foem: wigi ju" re" ago".
6 Lo, moo" se' jhang: bang: pang" thoug wigi nyang: cang" yoem: byid: ago".
7 Lo, moo" zei: su: gi sheing: baid su: ri ?Gye" reung: bye:? ga: tid.
yu phara" soolhoo: ri yung" yung" jhoid jhoid baid su: gi
hau ziri dage" jen" tab su: ri yoem: byid: da:.
Nyangnu" gi ?Jo, to' xo' zigi ge da? ga: tid ago'.
nyangnu" gi yu phara" soolhoo: ri tin" zei: yo' baid jen" tab to" da:.
8 Nghoid loug we' nga" dei zoo: Israela we"-
nanu" gi ngo wigi khyen: yu to" da" byumyu" yi nghoid ago".
nga" byencang" Abraham da" amyed ashen yi nghoid da:.
9 Ngoo gi nang ri mougmyid athang: mo shu" yu bye:.
ngoo gi nang ri ve: thang da" azoin" joem mo khe: yu bye:.
Houg: lho: nang ri ?nang gi nga" dei zoo: nghoid? ein: tid bye:.
Ngoo gi nang ri angeug he: pyam wa
nghoid loug we' khyoid yu wa.
10 Agyug goo"- ngoo nang yo' dage" nghoid.
Ngoo gi re" Mangsoo nghoid- nang ri agyug nhang: wa.
Ngoo gi nang ri yoem: boo: nhang: wigi pang" thoug wa.
ngoo gi nang ri goem loem byid: wigi khyoid yu wa.
11 Nang ri nheig yo: da" bang: gi soem" wigi sho' phu" ziri se' loo goo" wa.
Nang ri gyi koid thougtheung bang: gi shid: boem wa.
12 houg: lho: mougmyid mo byug byug wa.
13 Ngoo gi nanu" Aseing Mangsoo nghoid.
ngoo gi nanu" ri yoem: boo nhang: lho:
?Agyug goo"- nanu" ri ngoo pang" thoug wa? ein: nanu ri tid wa.
14 Aseing gi
Israela we"- nang gi nge wigi yoem: nheing: yhang: ti" nghoid da:.
agyug- ngoo nang ri pang" thoug byid: wa.
Nang ri khyoid yu su: gi Israela da" gyeung" shang: da" Mangsoo ngoo nghoid.
15 Ngoo gi nang ri aseig nghoid wigi
tho' da" gug baid lakya: yhang: ti" koid wa.
Nang gi boem joem ri kyo' lho: phyo' shoin' pyam wa.
Boug gung joem gi pheilhoug: bui" sho' moin" byug wa.
16 Nang gi nyangnu" ri moug: tho' khyoo: jhu" to' kaid wa.
lid gi houg: bang: ri moid tang" lo" byug wa.
Nyangnu" gi uglid wigi hau' tang" pyam zi shoug" wa.
Hau: thang: nanu" ngei pyo: loo wa.
Ciwim gari ngoo gi nanu" Mangsoo nghoid.
Nanu" gi Israela da" gyeung" shang: da" ngoo Mangsoo ri coung" nghei loo goo" wa.
17 ?Nga" byumyu" yi gyid vhoo: yoomo gyid sho: boem uri
gyid shed yoomo nyangnu" khyung" kyug boem uri
Ngoo Aseing gi nyangnu" akyu" mho' dang: ri tam" gyoo: byid: wa.
Ngoo Israela da" Mangsoo gi khanham we' nyangnu" ri ashe: pyam wa.
18 Ngoo gi mougmyid kyug da" bouggung joem agyoo: cang gyid yau nhang: wa.
janggyoin: yoo cang gyid bug yau thu loo nhang: wa.
Ngoo gi dain" pyoid yoo ri gyid thoem" joem bui" loo nhang: wigi
moug: kyug khyoo: gyid bug joem yau vang loo nhang: wa.
19 Ngoo gi dain" pyoid yoo moo shamu gam ri yug nhang: wa.
Shug gam joem Murtu gam joem yo' zhainloin: gam joem yug nhang: wa.
Mougmyid kyug moo seig moo" yoo yug loo wa.
shithang: yoo joem junipa: yoo joem yo' gyoin: yoo joem bui" nhang: wa.
20 Byumyu" yigi he: ziri shau" myang: wigi hau: moo" ri ngoo Aseing koid da" khyoo: se' lo goo" wa.
Israela da" gyeung" shang: Mangsoo gi hau ziri nhang: su: nghoid ziri nyangnu" se' gyo: loo goo" wa? ga: tid da:.
21 Israela da" khokham Aseing gi hid: su" tid da:.
?Byumyu" yi da" yu phara" joem we"- nanu" nya: moo" ri koid shug ge'.
Nanu" yo" da" ge thang da" tid ngeug ziri ci: loo ge'.
22 Hid khyoo: re" wigi cibue" loo wa ein: ziri Lapi: pe: yu" we'.
houg: lang" hau: zi khanham bui" wa ziri ngoonu" si wa nghoid.
Lid: lo da" ayo, moo bue" da" khyoo: joem tarha" yung" mo phuid: kyoo" ge'.
houg: lho: citid nau ein: ziri we' ngoonu" ri tid kyoo" ge'.
23 Ju" loo wa da" ayo, gi ci: ri zei: ci: ziri ngoonu" ri tid kyoo" ge'.
houg: lang" nanu" gi yu phara" joem nghoid ziri ngoonu" si' wa.
Ge da" moo" ri koid we' anghoid lang" yau: khe" kyi" khyeug zi bui" nhang: we'.
Gyug dain pho" ziyo' ngoonu ri pyeing byid: la.
24 Nang yo' nang koid gu: dangain" gi ci: anghoid.
Nang ri no' bang: gi aco' ajhoid nghoid da:.
25 ?Ngoo gi bidthu shoid moo nyid da" byu dayug ri khyen: yu bye:.
ngoo gi nyang: ri mougzhung: shoid mo khaid zain: wa shu" loo wa.
Nyang: gi vhoebkhang" bang: adang moo
nyangnu" thoem" boeb nghoid rigi oug" koid su: zhoonhau: ri nang: nhe" yhang: ti" nang: nhe" pyam wa.
26 Nang jo ein: ngoonu" yo" tid wa shid re" he: zi bui" wa ga: ziri nang kha: ziri lapi: pe: la".
Hau: khyoo: yo' sen: wigi nanu" mo hang" dayug we' dang: dakhoin" atid.
Hang" dayug we' nang tid zi ce: daja: we' ashau" gyoo: nghoid ago".
27 Ngoo Aseing gi Ziun ri lu dang: tid kyoo" wa xang: shi" yug nghoid.
?Re" byumyu" yigi ju" lo nyid. Nyangnu" yhoem: khyoo: ju" lo nyid ago" ga:? Yerusalem ri tid wa lagyoo: dayug ri ngoo nhang: kaid da:.
28 Yu phara" joem phung: khyoo: ngoo yu" kaid uri
nyangnu" mo khayug we' citid wa ayoo" goo" nghoid ago".
ngoo myid: da" dang: myid: ri hang" ayo" phug tid nghoid ago".
29 He: yu phara" dangain" gi akoem: za: nghoid ago".
Nyangnu" ci we' ayo" koid nghoid ago".
Hau yu phara" soolhoo: joem gi yoem: neing: wigi yoem: so' aboo nghoid ago"? ga: zi nghoid.