13
1 Lid loo bye: da" ayo, moo Ephrim kung: bang: dang: tid da" uri Israela mo goo" kung: bang: gi gyoug ago". Nyangnu" gi Ephrim kung: bang: ri coem' nghang yu" ago". Nghoid loug we' hau: byumyu" yigi Bala ri no' lho: yooboo shoid ago" Houg: lho: he: gang mo nyangnu" shid: shoug" loo goo" wa.
2 Nyangnu" gi no' wa khyo" joto' soolhoo: joem koid- byu xangsu: myid nheigloem: wigi khyang sue" lho: xangsu: byu yi lo, wigi ngei soolhoo: joem ri koid da" khyo" xo' lho: yooboo shoid nyid boem ashi". Hau: thang: nyangnu" gi ?Houg: bang: ri xoin" ngei" byid: ge? ga: tid ago". Xangsu: byu yigi hau: nuloo: joem gung khyang yo' dakhyo" koid to" da" hau: soolhoo: joem ri khasu" yoomo babug yo bug wa lha".
3 Houg: lho: he: byumyu" yigi nab soin: mo lang" khyoem' yo' dakhyo"- nab soin: no' mo bei: lo" da" nghain: yo' dakhyo" byug loo" goo" wa. Nyangnu" gi gug nang: jang: mo lid wigi moid tang" pyam da" gug soem: yo' myikhyoem zeing mo myikhoug" yo' du loo goo" wa.
4 Aseing gi ?Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.
5 Ngoo gi nanu" ri kyug da" dain" pyoid yoo moo goem loem byid: bye:.
6 Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.
7 Houg: yoomo ngoo gi khangkhyi yo' dakhyoo" ti" nanu" ri gyi khaid koid wa. Myeung khuid" yo' dakhyoo" ti" nanu" da" khyoo: cang ngoo lhoem: nyid wa.
8 Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.
9 Israela byumyu" yi we"- Nanu" ri ngoo said toem" pyam wa. Houg: lang" nanu" ri hang" yo" pang" yu wa la".
10 Nanu" khokham yo' vhujhung: yiri mho' ago". Nghoid loug we' nyangnu" wigi byumyu" mungdain: ri khasu" yo" khyoid yu goo" wa la".
11 Nga" nheig yo: ziyo' nanu" ri khokham yiri byid: bye:. Houg: lho: nga" nheig joem: yo: zi wigi nyangnu" ri yu pyam bye:.
12 Israela da" yooboo yo' youg: shoid ziri lhid" xoem" to" bye:. Houg: lho: hau: lhid" xoem" joem gi goem loem tung" koid too" bye:.
13 Israela gi kangso' dei nyid wa akhang" yoo" nghoid loug we' khu: thu ri" wa za: danghoid lo: da" zoonu" gi nya: myhi' ung: mo ayo" thu re" ziyo' dayhang: ti" nheig agyeing: wigi sung ko" lho: hau: akhang" ri ashau" kham: yu nghoid ago".
14 Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.
15 Israela byumyu" yigi myo, gam yo' dakhyoo" ti" yug mung" ri" nghoid loug we' ngoo gi bidthu shoid dain" pyoid yoo mo lid lung ri nhang: kaid lho: hau: lid lung gi nyangnu" da" gyid bug yo' gyid thung" joem ri kyug hei' pyam nhang: wa. Hau: zigi phoug" dab da" ja: khang" moo" ri yu pyam byid: loo wa.
16 Samari gi ngoo ri gyi koid thougtheung yoomo yooboo dam byid: ca". Nya: voobyu yigi meing: zain: jang: moo shid: byug goo" wa zoonu" yigi myidgung moo thung" khyoeb said pyam zi shoug" goo" wa. Houg: lho: zoo: voin da" myiyi: yigi lang: kho' pyam zi shoug" goo" wa.