48
1 Hau: thang: amyang" ri Yoseb ri nya: phoo no khyoo: re" tid kyo" boem. Houg: yoomo nyang: gi nya: zoo: Manashe yo' Ephrim tang: ri shu" ci: lho: nya: phoo Yaku jhang shoug" wa lo" ago".
2 Yaku gi nya: zoo: Yoseb nyang: ri shoug" wa lo khyoo: ri tid kyoo" lang" shang" to' lho: yhoeb jang: moo to' zung: da:.
3 Yaku gi Yoseb ri ?Khanan mung" mo Luza joyoo moo myhang: thang Mangsoo gi ngoo ri thu shid lho: ngoo ri mainkaid byid: bye:.
4 Nyang: ngoo ri ?Re" da" amyed ashen yigi byumyu" zeing myoo" sho' bue" loo sho' ngoo gi nang ri zoo: du myo: loug loo nhang: wa. Nyangnu" apyaid atoo: seing: nyid wa shid re" ngoo gi he: mougmyid ri re" amyed ashen yi lo, khyoo: byid: wa? ga: tid to"? ga: wigi tid.
5 Yaku gi xo' lho: ?Yoseb- Egutu mung" khyoo: ngoo ari" shi" ri nang yo" da" re" zooshang: tang: we' ngoo yo' sen:- Ephrim yo' Manashe tang: gi nga" zoo: Ruben yo' Simun tang: te"- nga" byukung: nyang: nghoid.
6 Nya: tang: thang: moo gootu: zooshang: yi doem yo" nghoid rigi ngoo yo' asen:. Nyangnu" da" mid joem gi Ephrim yo' Manashe tang: mo yoo" goo" baja".
7 Ngoo gi re" myhi' Rakhela yoomo ngoo hid: su" koid bye:- Mesopotamia mo ngoo doem tau" lo nyid ri Khanan moug: khoug: Ephrad mo gyi" sho' ave: da" joyoo daloem: moo nyang: shid: khari" yoomo ngoo gye" koug bye:. Ngoo gi nyang: ri Ephrad khyoo: yhe: lo" da" khyoo: yam moo myhoeb too" bye:? ga: tid kyo". (Ephrad ga: zigi akhid" Bedlehem ga: da" joyoo nghoid.)
8 Yaku gi Yoseb da" nya: zoo: tang: ri myang lang" nyang: gi ?He: yuggi nu" tang: gi hang" nghoid? ga: myid:.
9 Yoseb gi ?He: tang: gi Egutu mung" moo Mangsoo ngoo ri gam byid: da" nga" zoo: tang: nghoid? ga: doem tid kyo".
Yaku gi ?Ngoo nya: tang: ri mainkaid byid: wa shid re" nga" jhang shu" loo we'? ga: tid.
10 Yaku gi apyaid gyi: bye: yoomo myo, goolhoo: amyang loo:- myo, agyeing: byug loo:. Yoseb gi nya: zoo: tang: ri nya: jhang khyoo: shu" yhe: lho: Yaku gi nya: tang: ri po: wigi babug bug bye:.
11 Yaku gi Yoseb ri ?Ngoo gi nang ri khanham we' doem shau" myang wa ajhoo: loo:- akhid" Mangsoo ngoo ri re" zoo: tang: rilang" myang nhang: wa shid re" akhang" byid:? ga: tid.
12 Hau: thang: Yoseb gi nya: pho tang" koin" mo nya: zoo: tang: ri shu" yu lho: myonhoo: myid moo tain" sho' nya: phoo shidkhoin" moo goeb pid.
13 Yoseb gi nya: phoo Yaku da" lo, kung" shoid moo Ephrim- lo, yoo shoid moo Manashe ri nyid nhang:
14 Nghoid loug Yaku gi nya: lo, ri kung" keig pyam' lho: nya: lo, yo lo, rigi ngi shi" da" Ephrim da" vhuloem tho' moo ke" lho: nya: lo, kung" lo, yo' gi mang: moo" Manashe da" vhuloem tho' moo ke".
15 Hau: thang: nyang: gi Yoseb ri mainkaid byid: zigi
?Nga" phoug" phyid" Abraham- Isag loem khoug: lo da" Mangsoo gi he: tang: ri mainkaid byid: baja".
Nyangnu" gi zooshang: myoo: sho' amyed ashen myoo" sho' yo" loo goo" baja"? ga: mainkaid byid:.
16 ?Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja".
Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja".
Nyangnu" gi zooshang: myoo: sho' amyed ashen myoo: sho' yo" loo goo" baja"? ga: mainkaid byid:.
17 Yoseb gi nya: pho da" lo, yo lo, gi Ephrim da" vhuloem moo ke" to" ziri nyang: myang lang" amyen akhyoid bui" bye:. Houg: yoomo nyang: gi Ephrim vhuloem tho' mo nya: pho lo, ri yu lho: Manashe da" vhuloem tho' khyoo: shu" ke" kaid.
18 Nyang: gi nya: phoo ri ?Nga" ba" we" houg: khyo" anghoid. He: yug gi mang: moo" nghoid- re" lo, yo lo, nya: vhuloem tho' moo ki" wa? ga: tid.
19 Nya: phoo ngeug lho: ?Ngoo se' nga" zoo: we"- ngoo se' Manashe da" amyed ashen yi we' byumyu" zeing bue" lo wa nghoid. Nghoid loug nya: nhung" yug gi nya: tho' je' gyi: wa zi nghoid. Houg: lho: nya: amyed ashen yigi gyi: sheung: da" byumyu" zeing bue" loo wa nghoid? ga: tid.
20 Hougsu" nyang: gi hau: nyid" nya: tang: ri mainkaid byid: lho: ?Israela byumyu" yigi nyangnu" mainkaid dang: tid lang" nanu" da" myeing ri lang: loo goo" baja". Nyangnu" gi ?Mangsoo gi nanu" ri Ephrim yo' Manashe tang: ri te" bui" nhang: baja"?? ga: goo" baja". Hid: khyo" wigi Yaku gi Ephrim ri Manashe da" shid vhu" khyoo: to" kaid bye:.
21 Hau: thang: Yaku gi Yoseb ri ?Nang myang ziyo' dakhyoo" ti" ngoo gi shid: wam bye:. Nghoid loug Mangsoo gi nang ri lhoug zung" lho: re" phoug" phyid" yi da" moug: khyoo: nang ri shu" loo" baja".
22 Nga" sham:- nga" lid: yo' Amori byumyu" yi jang mo ngoo yo" yu to" da" myid nu" da" Shekhem moug: rigi re" mang: nhung" ri we' abyid:- nang ri nyang: byid: bye:? ga: tid.