4
Kani pri mang y chiu sa achu nai
1 Huni bo y kai ly khen i, khen cham kani pri y katheu am-eaung nai ne, naibaly kai i thai man nai raawi ly baw katyn ka-tawm kai teng y atiti thui pi nai ly, “Hi y jeu kalau, vai momang y atiti tym ai nai tla naichi ly kang khen hai ai mang,” napi.
2 Tlenrei khyh my kai ly Phailo y kalawn bo: naibaly khen cham, kani pri y ly areng atehra awm i, huni areng atehra tleaung y leaungrei ateh nai ne.Ref 4.2–3: Ezek 1.26–28, 10.1
3 Naibaly ateh nai keung ly jaspi hawi sardion lengseaung ka-tawm ne: naibaly seaungjai harei ly smarakdin lengseaung khen nai kamta atehra y takuideung nai ne.
4 Naibaly areng atehra taki teungtareung nai areng atehra apom phai palyhrei awm i, huni areng atehrachi tleaung y ateaung kangleung amthyp nai hawi, areng i muku lukym amym nai miteaung keh leaung apom phai palyhreichi ai kaniu.
5 Naibaly areng atehra theung i dengdairei amlosadichi hawi, katynchi hawi, kani pajyh naichi py theu, naibaly huni areng atehra mo y maiteaung saryhrei angveaung nai py awm: hunichi ly Tameuh i Phailo saryhreichi ne:Ref 4.5: Theu 19.16; Amt 8.5, 11.19, 16.18; Ezek 1.13; Amt 1.4; Zek 4.2
6 naibaly huni areng atehra mo y ly krustala lengseaung kamta pangli, dengkhang apui ka-tawm awm; naibaly areng atehra sala y hawi, areng atehra taki teung tareung nai heng nai amjy palyhrei, nithun mo mei cheichei awm.Ref 4.6–7: Ezek 1.22, 5–10, 10.14
7 Naibaly heng nai amjy harei nai ly khrangsi takai kamta ne, heng nai amjy pa-nyh i nai ly si kamta ne, heng nai amjy pa-thom i nai ly khumi i meimai kamta ne, heng nai amjy palyh i nai ly angkheang nai ahm pui kamta ne.
8 Naibaly huni heng nai amjy palyhrei ly pakhi tariurei awm bawibawi i, anui y py salo y py mei cheichei awm: naibaly nichi ly, “Jangni i dengdairei awm nai hawi, vai awm nai hawi, vai momang y awm ai nai Atiti py Sa Thai Nai Keung Areng Tameuh ly,Ref 4.8: Ezek 1.18, 10.12; Is 6.2–3
Kachai, kachai, chai parai na y!”
Nanai vum kanithun anawn y naimy thui jojo.
9 Naibaly huni heng nai amjychi ly areng atehra tleaung y ateh nai deungtasarei heng jojo nai keung ai palo nai hawi tahm pasang nai hawi, kawn nai leu thui nai khala y ly,
10 huni miteaung keh leaung apom phai palyhreichi ly areng atehra tleaung y ateh nai keung i mo y ly kheukhudi nai meung u i, deungtasarei heng jojo nai keung ai chiu hai; naibaly nichi i areng lukhym ly areng atehra mo y khai iy,
11 “Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne;
Ati mana nai mo nabaly nang ly
ati cheaungkhang sa i, hunichi nang ngai
nai deaungkho y awm nai hawi sa nai ne,”
nanai thui ai.