22
1 Naibaly mymy ly huni i lam pareaung sala y heng naira jangpang tui, krustala lengseaung kamta angvang nai, Tameuh hawi Beram Cho i areng atehra dengdairei theu nai ang khen hai.Ref 22.1: Ezek 47.1; Zek 14.8
2 Naibaly huni jangpang hi mang vai py hu mang vai py athai amjy holai nyhrei, lo tleirei y athai nai heng naira dengkeaung awm: huni dengkeaung i ngam ly cheng cheaungkhangchi ai hawi sa pi ai nai khai nai ne.Ref 22.2: AA 2.9; Ezek 47.12
3 Naibaly amsawi, nanai ly awm ali bi ai ny y: Tameuh hawi Beram Cho i areng atehra ly hu y awm ai i, mymy i miseaungchi ly mymy i kalop sa u ai:Ref 22.3: Zek 14.11
4 nichi ly mymy i meimai niu u ai i, mymy i amyn ly nichi i lukati y awm teang ai.
5 Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.Ref 22.5: Is 60.19; Dan 7.18
Areng Isu ang jeu ai nai
6 Naibaly ni my ly kai teng y, “Hini leu ly ka-ym awm nai hawi kateng ne: naibaly Areng, amochi i phailo Tameuhmy ly atiti tym kasa ai naichi ly mymy i miseaungchi teng y khen hai ai nai, mymy i kani pri i amtaw thau nai ai pato veng bo.
7 Naibaly khen cham, kai kang jeu praw ai. Hini cha-iu thui yb nai leu sai patawm nai khumi ly taham hawi,” ang napi.
8 Naibaly kai Johan ly hini atitichi thai nai hawi niu nai keung ne. Naibaly kai ly thai nai hawi niu nai khala ly kai ai huni atitichi khen hai nai kani pri i amtaw thau nai i kheu keung y kambeu.
9 Naibaly ni my ly kai teng y, “Huna nai kamta so reng moh: kai ly nang hawi, ngamjo ngamnau amochi hawi, hini cha-iu leu sai patawm naichi i miseaung ahawi py ne: Tameuh ai chiu phai chiu,” ang napi.
10 Naibaly mymy ly kai teng y, “Hini cha-iu theung y thui yb nai leusaichi ly pajawp typ moh: neng ly ang tym ai bo.
11 Hawi y sa nai khumi ly hawi y nai so palai sy: chai y nai khumi ly chai y nai awm palai sy: khumi kahawi ly atiti kahawi so rai sy: khumi kachai ly chai nai awm rai sy.Ref 22.11: Dan 12.10
12 Khen cham, kai kang jeu praw ai; khumi cheaungkhangchi i atiti sa nai kamta khyp my pei ai nai, kai i kawn nai vang ly kai teng y awm.Ref 22.12: Is 40.10, 62.11; Sam 28.4; Jer 17.10
13 Alpha hawi Omeka, kangman keh nai hawi kangkhym keh nai, pekeung hawi katem kai ne.Ref 22.13: Amt 1.8, 17, 2.8; Is 44.6, 48.12
14 Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.Ref 22.14: AA 2.9, 3.22
15 Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.
16 Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.Ref 22.16: Is 11.1, 10
17 Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.Ref 22.17: Is 55.1
Patem nai
18 Hini cha-iu thui yb nai leu sai thai nai ngiereichi teng y kang thui pi: Amimi py hini leu sai panawi baly, hini cha-iu y tajiu nai patang hai nairachi ly Tameuh my ni i tlang tleaung y panawi teang ai:Ref 22.18–19: Leu 4.2, 12.32
19 naibaly amimi py hini cha-iu thui yb nai leu sai la vui baly, hini cha-iu y tajiu nai heng naira dengkeaung hawi avang pui kachaira y ni i phy nga nai ly Tameuh my la pi vui teang ai.
20 Hini leu thui pi nai keung ly, “Ne, kai kang jeu praw ai,” napi. Amen. p Areng Isu awi, jeu jau ba.
21 Areng Isu i pahenra ly khumi kachaichi teng y awm sy. Amen.