15
Amy i vui so khyh y naimy ami i vui sa pi ai nai
1 Hunaibaly achi ham naichi ly amy i kawn naira hau y naimy, ham y naichi i ham y naira y ly achi my kham pi ai nai tla.
2 Amy i saleaungchi ai khaw hai ai nai nichi i hawi naira hau iy, nichi ai kawn hai ai nai tau u bawibawi sina;
3 Krista py amy i kawn ai naira hau y leang: “Nangmy ai jo nai keungchi ai jo nai ly Kaimy i tlang tleaung y tla bo,” nanai tajiu nai kamta ne lawh veng.
4 Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.
5 Hunaibaly nangchi ly achi i Areng Isu Krista i Tameuh hawi Ampo ai ly paleung vanrei hawi leu adyh naimy palo thai ai nai,
6 kham hai pajau nai hawi awm hai nem nai Tameuh ly Krista Isu i thui nai kamta ly paleung vanrei awm u leungtang ai nai nangchi teng y pei sy.
Cheng takhrachi i vui Satang Kahawi
7 Hunai deaungkho y Krista ly Tameuh ai palo ai nai nangchi ai ang kawn nai kamta ly akawn u leungtang.
8 Hini ly kang thui pi ai nai ngai, Amsi pajochi teng y adeu nai leu ly khaw hai ai nai hawi, ni i pahen naira deaungkho y Cheng Takhrachi ly Tameuh ai palo u thai ai nai py,
9 Tameuh i leu ly teng, nanai pany hai ai nai Krista ai ly lengkhym takip naichi ai kry nai keung y palawn bo.
“Hunai deaungkho y Cheng Takhrachi theung y ly
kang palo ai i,
Nang i amyn palo ai nai khulym kathui ai,”
nanai tajiu nai kamta.
10 Naibaly,Ref 15.10: Leu 32.43
“Nangchi Cheng Takhrachi awi,
Mymy i khumichi hawi kawn u,” napi bi.
11 Naibaly Ref 15.11: Sam 117.1
Nangchi Cheng Takhra bawibawichi awi, q2 Areng ai ly palo u,
Khumi bawibawichi py mymy ai palo u sy,” napi bi.
12 Naibaly Isaia my ly,Ref 15.12: Is 11.10
Jesai i tangjyn theu nai,
Cheng Takhrachi ai peang ai nai
jeu nai keung ly theu ai:
mymy ai ly Cheng Takhrachi my
athang khai ai,” napi bi.
13 Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.
Pawla i vam parai naimy tajiu nai
14 Naibaly amjo amnauchi awi, nangchi i molam ly nangmychi kypkyp my hawi naira kawi iy, pany naira cheaungkhang awm i, nangmychi my apachei leungtang pajau, nanai kaimy kypkyp py kapany bo.
15 Na i py Cheng Takhrachi theung y Krista i kalop sa nai keung y kaawm thai ai nai,
16 Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.
17 Hunaibaly kai ly Tameuh i molam y Krista Isu y ly amlyh ai naira awm.
18 Krista ly Cheng Takhrachi ai leu tangai hai ai nai, leu thui naira y hawi atiti sa naira y py,
19 ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.
20 Ne, kai ly khumi takhra i lengseaung leng nai tleaung y kapadyh nai ny y ai nai, Satang Kahawi ly Krista i amyn palau chum nai meingtym y thui y naimy,
21 “Mymy i satang pany vai y naichi my ly niu u ai i,
Thai vai y naichi ly pany u ai,”
nanai tajiu nai kamta kathuipi ai tau nai ne.Ref 15.21: Is 52.15
Pawla Rom y chei ai tau nai
22 Hunai deaungkho y py kai i nangchi teng y kang jeu ai nai ang paka jojo nai ne.Ref 15.22: Rom 1.13
23 Vai naini kai ly hini pri tengtang y sa ai nai meingtym pipi by y i, saneng neangneang nangchi teng y kang jeu ai ngai nai awm iy,
24 Spain pri y kachei nai kha y kai ly tako nai tarawi y nangchi ai kang niu ai nai athang kakhai; naibaly nangchi hawi amkawm rawm nai y kawn iy, hu mang kai i chei ai naira y ly nangchi my kai ai pavum ai nai py athang kakhai.
25 Na i py vai ly khumi kachaichi ai sabawm ai nai Jerusalem avang y kachei ai rai.Ref 15.25–26: 1 Kor 16.1–4
26 Ati mana nai mo nabaly Makedonia hawi Akaia pri i khumichi ly paleung hawi parai naimy Jerusalem avang i khumi kachaichi theung y kamawnchi i vui y acheaung pi veng bo.
27 Ne, nichi ly paleung hawi parai naimy sa u nai bo, nichi ly hunichi ai kalai pe ai nai awm. Cheng Takhrachi ly nichi i phailo mang i atitichi ahum u makho baly, khaileaung pri mang i atitichi my nichi ai sabawm teang ai nai aeang nai ne.Ref 15.27: 1 Kor 9.11
28 Hunai deaungkho y kai ly huni kasa iy, huni athai py mymychi i vui kapajaw hai typ iy, nangmychi ai de nai Spain pri y kachei veangveang ai.
29 Naibaly nangchi teng y kang jeu nai khala y ly, Krista i amtheaung naira kangym nga nai kang jeu ai, nanai kapany.
30 Amjo amnauchi awi, kai ly Judai pri i ym y naichi teng y kachym me thai ai nai hawi, Jerusalem avang i vui sabawm naira kasyn nai ly khumi kachaichi i kawn parai naira ne thai ai nai hawi,
31 Tameuh my avo hai nai kamta amo theu parai naimy kang jeu iy achi amcheng ahawi thai ai nai py,
32 achi i Areng Isu hawi Phailo i tamen naira deaungkho y nangchi i Tameuh teng y kaimy i vui chiu sa pi naira y ly sabawm tanga ai nai kang takeng.
33 Naibaly aly nai Tameuh ly nangchi bawibawi teng y awm sy. Amen.