SAM 78
Tameuh hawi mymy i khumichinote Hebrai cha lu Asaph i thui nai khulym leu.
1 Kai i khumichi awi, kai i patiu nai leu tangai u;
kai i thui nai leu ai kano patheung u.
2 Amsi pajochi my thui pi nai deaungkho yRef 78.2: Mt 13.35
kaichi thai nai,
3 jangni deung i thiu parai naichi ai, kaimy nangchi teng y,
leu maitawmchi hawi kang thui pi pachai ai.
4 Hunichi ai kaichi ly katu chanauchi teng y thui y naimy awm ai ny y;
Areng i sa thai naira hawi, tahm asang parai nai saichi py,
mymy i sa nai rengrang tlaichi ai py,
mo mang i deung kangthauchi teng y thui pi ai.
5 Mymy ly Israela chengchi teng y reitachi hawi,
Jakob i cheng theaungchi teng y reita leu pei naichi py pei pi bo.
Reita leu pei naichi ai katu chanauchi teng y thui pi pateang ai nai
mymy ly achi i amsi pajochi teng y taviu pi yb bo.
6 Hina nai kamta sa nai ly vai mo mang i deung kangthauchi my
reita leu pei naichi ai pany thai iy,
mymy i katu chanauchi teng y thui pi pateang ai nai ne.
7 Naibaly huni katu chanauchi ly Tameuh ai ym u ai i,
mymy i sa pi nai saichi tami y naimy,
reita leu pei naichi kry u jojo ai.
8 Nichi ly Tameuh i leu tangai y nai hawi,
atiu reng nai amsi pajochi kamta lawn u y ai;
huni amsi pajochi ly mana khala py, Tameuh ai ym khaw kalingie nai by y;
mymy i tlang tleaung y py ka-ym by y jojo.
9 Tavai ateaung thailihochi pa u nai Ephraim cheng theaungchi ly
tavai atiu nai kani y angpreng u pawn nai ne.
10 Nichi ly Tameuh hawi asa nai Leu Maikawm ai atyp u y;
nang i reita leu pei naichi tangai akhi u bo.
11 Nichi ly nang i sa nai leaungsaichi hawi,
nang i sa nai rengrang ka-ma-rachi ai py, tami u pawn veng bo.
12 Aikupta pri Zoan adym y nichi i amsi pajochi mei ka-niu y,Ref 78.12: Theu 7.8—12.32
Tameuh my rengrang ka-ma-rachi patei pi bo.
13 Nang ly pangli tui akhawi hai thla vui iy, tuichi ly tengpang mang yRef 78.13: Theu 14.21-22
akachu hai pawn i, nichi ai angpeang hai bo.
14 Kanithun y mymy ly tamai hawi lam patei iy,
vumtorei ly maiteaung hawi lam patei pi bo.
15 Nang ly daichi ka-vym y lengseaung ai khawi i,Ref 78.15-16: Theu 17.1-7; Kati 20.2-13
thiu parai naira i tui ly nichi ai panei bo.
16 Nang ly lengseaung pui dengdairei tui theu hai iy,
tavo kamta leaung hai bo.
17 Na i py nichi ly Tameuh i tlang tleaung y kamngo sa-ra sa-ra i,
nang parai nai keung ai khutaha daichi ka-vymra tiu u bo.
18 Mychi my, cha ai ngai nai teicha teineichi hnei u iy,Ref 78.18-31: Theu 16.2-15; Kati 11.4-23, 31-35
atyhtyh naimy Tameuh ai cham u ta-li nai ne.
19 Nichi my, “Tameuh ly daichi ka-vymra y
achi ai teicha teinei pacho pajau na a?
20 Nangmy lengseaung pui ai pakhau nai khala y,
tui achawn hai nai ly teng khyp;
na i py nang ly kaichi ai teicha teinei pacho pajau na a?
mymy i khumichi ai mawi pei pajau na a?,” nanai
Tameuh ai paleung angai y nai leu thui u bo.
21 Areng ly huni khumichi i leu thai nai khala kado theu i,
mymy i khumichi ai mai y kang hai bo.
Nichi ly mymy ai ym u y;
22 Mymy atleu ai nai py ym u y;
kado theu tleaung theura bo.
23 Na i py mymy ly kani salo mang y leu pei bo;
kani katheuchi paeaung ai nai leu pei nai ne.
24 Mymy ly nichi cha ai nai manna tako nai hai bo;Ref 78.24: Jh 6.31
nichi cha ai nai kani mang dengdairei choh pala pi bo.
25 Hunai deaungkho y nichi ly kani pri amtaw thau naichi i
teicha teinei cha ai nai nga u;
Tameuh my nichi ai kajeu kawi pa-rei pacho bo.
26 Huni bo y mymy ly nisi ali theu hai iy,
sa thai naira hawimy tokalawi ali aho hai bo.
27 Naibaly mymy i khumichi teng y,
pangli i spryh jirei nawi nanai tavochi pala pi nai ne.
28 Huni tavochi ly tai naira sala i
kanih yhmchi kamkira y tla.
29 Hunai deaungkho y khumichi ly bym pa-rei cha ai nai nga u;
Tameuh my py nichi cha ai ngai nai teicha teinei pacho pi nai ne.
30 Na i py nichi ly paleung anyp pajau y;
31 Tameuh ly nichi i tlang tleaung y kado theu nai deaungkho y,
atho awm keh iy vawi patyp nai
Israela thawndeang ka-cheangchi ai padei pi pawn bo.
32 Huna naichi avum u teu i py, khumichi ly kamngo sa u veangveang nai ne;
mymy ly rengrang ka-ma-rachi patei pi teu i py, nichi ly mymy ai ym u y.
33 Hunai deaungkho y mymy ly nichi ai, taho kathiu taho kalau nai kamta,
tanareichy sala y my tlang tama hai bo. Nichi heng nai deung ai py
vaimy tym hai miu nai ka-jeira molam y, tlang tem hai bo.
34 Na i py huni khumi phyreichi ai mymy dei hai teu i py,
dei kamthunchi ly mymy teng y ali u teang nai ne.
Nichi ly uikheih iy paleung apei parai naimy chiu sa u bo.
35 Tameuh ly mychi ai ama hai nai lengseaung pui kamta lawm nai py,
tahm asang parai nai keung ly mychi ai sabawm ai nai ang jeu,
nanai py nichi pany u bo.
36 Na i py nichi ly mymy ai labeaung mang palo hawp iy,
palai hawi tapawp naimy hnei u nai ne.
37 Nichi ly mymy i tlang tleaung y ka-ym by y,
mymy hawi asa nai Leu Maikawm ai py kry u y.
38 Na i py Tameuh ly mymy i khumichi ai pahen nai ne.
Nichi i kamngochi pahen pi iy,
nichi ai myh kang hai y leaung.
Mymy i kado theu nai ly avawrei am-yh pi iy,
nichi i tlang tleaung y kado theu y naimy awm pi nai ne.
39 Nichi ly khumicho teu; sahawi mang aho chum baly
tama veng ryp nai ali kamta ne, nanai pany pi bo.
40 Nichi ly daichi ka-vymra y mymy ai avawrei tiu u;
mymy ai avawrei paleung phra hai u lawh ly.
41 Nichi ly Tameuh ai avaw sadyn cham u i, Israela chengchi i
tahm asang parai nai hawi, chai parai nai Tameuh ai kado patheu u lawh.
42 Nichi ly nang teng y sa thai naira haiho awm, nanai py,
mychi ly paleung ka-echi kiu i nai nangmy atleu pi, nanai py,
43 Aikupta pri Zoan adymra y rengrang nai saichi hawi,
lyh ai hawi nai ka-ma-rachi patei pi, nanai py tami u veng bo.
44 Aikupta mipuichi nei pajau y ai naiRef 78.44: Theu 7.17-21Ref 78.46: Theu 10.12-15
micheaungchi hawi tavochira i tuichi ai mymy ly thi lawm hai bo.
45 Mymy ly nichi patangra tym hai ai nai pathauchi ai py,Ref 78.45: Theu 8.1-6, 20-24
nichi i li hlauchi taphra ai nai uiphochi ai py, nichi teng y pato pi bo.
46 Nichi i amti amjangchi cha pi pawn ai nai hawiRef 78.46: Theu 10.12-15
li hlauchi taphra pi pawn ai nai akhutamachi pato nai ne.
47 Nichi i kreip angjynchi padei pi pawn ai nai ji akawi hawi Ref 78.47-48: Theu 9.22-25
thaidu keungchi phra pawn ai nai kadam akawichi tla hai bo.
48 Nichi i si, paino, tawnbawichi ai ji akawi hawi,
beram kanghu, mi-i kanghuchi ai, alipakang tla hai iy padei pi pawn bo.
49 Mymy ly nichi i tlang tleaung y khri pa-rei kado theu bo;
kado theu nai ly dei areng i savaichi kamta,
nichi ai pajeng nai ne.
50 Mymy i kado theu nai ly rym y;
huni khumichi i tlang py, deira i nai tleaung hai y;
nichi ai no kanghawichira y tama hai bo.
51 Mymy ly Aikupta pri y awm naiRef 78.51: Theu 12.29
yhm dengtheung bawibawira i chaluchi ai dei hai bo.
52 Naibaly mymy ly mymy i khumichi ai beram typ keung kamta pahawi iy,Ref 78.52: Theu 13.17-22
daichi ka-vym tako hai prei bo.
53 Mymy ly nichi ai chymme naimy pahawi nai deaungkho y, nichi ly jei u y leang bo;Ref 78.53: Theu 14.26-28
na i py pangli tui ly nichi i paleung ka-echi ai lem hai meuh vui bo.
54 Mymy ly nichi ai mymy i chai parai nai pri y hawi,Ref 78.54: Theu 15.17; Jos 3.14-17
mymy i peang nai mawichi mang y pahawi nai ne.
55 Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo;Ref 78.55: Jos 11.16-23
Israela cheng theaungchi teng y, huni pri ai phy paji pi chum baly,
huni meingtym tleirei y khuteng cha hai bo.
56 Na i py nichi ly ati cheaungkhang sa thai nai Tameuh ai tiu i,Ref 78.56: Tara 2.11-15
cham u lawh;
nichi ly mymy i reita leu pei naichi ai kry u y lawh.
57 Mychi i amsi pajochi kamta leu tangai y i, tiu u bo;
nichi ly thailiho ko nai khala y
thailiho chyn kataw seaung y nai kamta, ka-ym by y nai khumichi ne.
58 Nichi ly tameuh ny y naichi ai chiu ai nai meingtym sa u nai molam y, nang ai kado theu hai;
mynchi molam py mymy ai kado theu hai bo.
59 Mymy i khumichi huna nai sa u nai niu nai khala y,
Tameuh ly kado theu i, nichi ai nyn va vui bo.
60 Achi teng awm nai Siloh marynote 78:60\xk Siloh mary: samrang Davida ny y rai khala i, Israelachi i chiu nai meingtym ne. \x* i kanih yhm ai
mymy ly khai su nai ne.
61 Sa thai naira hawi nang parai nai ka-ma-ra lawm naiRef 78.61: 1 Sam 4.4-22
Leu Maikawm Pawm ai py, paleung ka-echi teng y au vui bo.
62 Mymy ly mymy i khumichi tlang tleaung y kado theu nai deaungkho y,
nichi ai padei ai nai paleung ka-echi teng y au vui bo.
63 Thawndeang ka-chengchi ly tavai keung y dei be nai deaungkho y,
anglo ka-cheangchi hawi apom ai nai leaungrei py by y leang bo.
64 Pathyp pi nai keungchi ly haisau tamo y dei u be bo;
nichi i aju lumaichi ly vo tangam ai nai ngo u y.
65 Kangkhym y Areng ly i naira i anglaw nai khumi kamta py,
kreip hang pavui nai khala paleung sorai nai neampacho kamta py ang thau nai ne.
66 Mymy i paleung ka-echi ai kangji pei iy,
sum hai jojo bo.
67 Na i py mymy ly Josepha i katu chanauchi ai khai su bo;
Ephraim cheng theaungchi ai vawi takhra y leang bo.
68 Nichi ai vawi takhra ai nai tleaung y ly Juda cheng theaungchi hawi,
mymy khri pa-rei tamen nai Zion mawi ai vawi takhra nai ne.
69 Huni mawi salo y kani pri mang i yhm atawm nai
Achura yhm sa nai ne.
Huni Achura yhm ai khaileaung kamta,
deung kangthau khrairei khaw hai bo.
70 Mymy ly mymy i miseaung Davida ai vawi takhra bo;Ref 78.70-71: 1 Sam 16.11-12; 2 Sam 7.8; 1 Neng 17.7
beramchi ai typ naira i ni ai palau iy,
71 Israela chengchi i samrang
Tameuh i khumichi ai kry nai
beram typ keung y khai takhra bo.
72 Samrang Davida ly beram typ keung kamta mymy i kangai khai su iy,
nichi ai kry i, cheng parai naimy lam patei nai ne.