SAM 132
Achura yhm ai palo nai
1 Aw Areng, samrang Davida hawi
ni i ngari kamtang avum nai ngiereichi ai pany jo pi kyh ba.
2 Davida my, “Kai ly Areng awm ai nai yhm py,
Jakob i ati cheaungkhang sa thai nai Tameuh i yhm py,
3 sa nai cheng y ryrei ly anawn ai ny y;
4 yhm y py vawi y, ira theung y py kun ai ny y;
5 Aw Areng, Jakob i ati cheaungkhang sa thai nai Tameuh teng
vaineng abeu nai ly pany pi jo kyh ba.
6 Bethlehem mary y Leu Maikawm Pawm satang achi thai i,Ref 132.6-10: 2 Neng 6.41-42
huni Pawm ai ly Jarim adym y niu u nai ne.
7 “Achi ly Areng i yhm y chei u sina;
Areng atehra mo y mymy ai chiu u sina,” nanai achi thui u bo.
8 Aw Areng, nang i sa thai nai ka-ma-ra
Leu Maikawm Pawm hawi vanrei, Achura yhm y jeu pi kyh ly
hu y deungtasarei awm pi ba.
9 Nang i pathyp pi nai keungchi ly kateng lam so u jojo sy;
nang i khumichi ly amo theu parai naimy aeu u sy!
10 Aw Areng, nang i miseaung Davida teng y adeu pi nai saho y,
nang i vawi takhra nai samrang ai ly khai su moh kyh ba.
11 Nangmy, “Kai ly nang i chapo leaung leaungrei ai samrangra y kapalyn ai;Ref 132.11: 2 Sam 7.12-16; 1 Neng 17.11-14; Sam 89.3-4; Amt 2.30
ni ly nang i meingtym amtym ai;
nang i chapochi ly kai i Leu Maikawm ai kry iy, kai i leu pei naichi
tangai u lawh baly, ni i chapochi py nang i meingtym amtym ai.
12 Samrang lawm iy peang jojo ai nai nga u ai,” nanai
nang i miseaung Davida teng y vaineng abeu bo;
nang ly huni adeu nai leu ai ajiu ali teang ai ny y.
13 Areng ly Zion mary ai vawi takhra bo;
mymy ly huni mary y awm ai nai ngai.
14 “Kai ly hini mary y kaawm jojo ai;
kai ly hini mary ai peang ai nai ngai.
15 Kai ly Zion mary y aly ngai naichi by y na pa-rei, nang chawn nai mary lawm hai ai;
hini mary i khumi kamawnchi ai bym pa-rei kapacho ai.
16 Hini mary i pathyp pi nai keungchi i, sa nai ngiereichi ai amtheaung hai ai;
mary i khumichi py amo theu nai khulym thui aeu u ai.
17 Kai ly hini mary y Davida i katu chanau leaungrei aiRef 132.17: 1 Are 11.36
tahm asang keh nai samrang y kakhai ai;
hini mary y kaimy vawi takhra nai samrang i sa thai naira khaw hai ai.
18 Ni i paleung ka-echi ai kangji nga hai ai;
ni i pri ly nang chawn iy sareaung hawi ai,” napi.