SAM 122
Jerusalem mary ai palo nainote Hebrai cha-lu: Davida i thui nai.
1 Nichi my, “Achi ly Areng i yhm y chei u sina,” nanai
thui nai khala y, kai ly amo theu parai nai ne.
2 Naibaly vai kaichi ly Jerusalem mary
katheu pa-kho theung mang y angdo naimy awm u bo!
3 Jerusalem mary ly apu parai pa-rei my
sa palum teang nai mary ne.
4 Hini mary ly Areng my leu pei nai kamta,
mymy ai kawn naimy palo ai nai
Israela cheng theaungchi
angym achu nai meingtym ne.
5 Hini mary ly Israela samrangchi peang iy,
mipuichi ai tara chih nai meingtym ne.
6 Jerusalem mary tlamsa ai nai molam chiu sa nai ly
“Nang ai tamen nai khumichi ly nang u sy.
7 Nang i mary apaichi theung y tlamsa naira awm iy,
nang i samrang yhmchi theung y py, chymme naira awm sy,” napi.
8 Kai ly amjo amnauchi hawi, ahawichi molam y
Jerusalem mary ai, “Nang teng y tlamsa naira awm sy!,” napi.
9 Achi i Areng Tameuh i yhm molam y,
nang i vui nang chawn naira nga ai nai chiu sa pi nai ne.