25
Peor meingtym y tym nai Israela chengchi
1 Israela chengchi ly Akasia leaunghawira tai u nai thym khala, neampachochi ly huni meingtym y awm yb nai Moba neampachychi hawi tamang u nai ne.
2 Huni neampachychi my Moba tameuh teng y apathyp nai pawi sa naira y nichi ai palau. Israela chengchi ly Peor meingtym i Bala tameuh teng y apathyp nai teicha teinei cha iy,
3 Peor i Bala tameuh ai py chiu u. Hunai deaungkho y Areng ly nichi ai kado theu hai i,
4 Mosi teng y, “Kai i kado katheu rym ai nai Israela cheng lu sa nai bawibawichi ai patheu iy, khumi mipuichi mo y kani thun tengnote 25:4 kani thun teng; ti y baly mipui ka-niu ka-thui y.khala padei pawn,” napi.
5 Mosi ly Israela cheng theaung ka-thui lu sa naichi teng y, “Nangchi leaung leaungrei ly nangchi cheng theaung theung i Peor meingtym Bala tameuh ai chiu nai khumi bawibawichi ai tleh pawn ai nai tla,” napi.
6 Mosi hawi Israela cheng bawibawichi ly Areng i awmra Tabynako katheu pa-khora y paleung si vo tangam nai thym khala, Israela neampacho leaungrei ly Mosi hawi mipuichi i mei ka-niu y my, Midian neampachy leaungrei ai mymy i tai theung y pahawi jo nai niu u.
7 Pathyp pi nai keung Aron i katu, Eleaza i chapo Phineha ly huna nai niu khala, mipuichi theung i tivi atheu naimy,
8 huni neampacho hawi neampachy nini i awm nai tai theung y hui jo, naibaly tivi hawi nini leaung nyhrei ai thun ka bo. Huna nai kamta Israela chengchi ai dei hai nai no kanghawi ly anawn bo.
9 Na i py huni no kanghawi y khumichi ly leaung 24000 rei dei nai ne.
10 Areng my Mosi teng y,
11 “Phineha i sa nai molam y Israela mipuichi tlang tleaung y kai i kado theu nai ly rym bo. Ni y kai ai ny y baly tameuh takhrachi ai chiu vui nai kham pajau y; hunaibaly kai ly kado theu nai molam y Israela chengchi ai katamyh y bo.
12 Hunai deaungkho y kai ly deungtasarei khaw jojo ai nai Leu Maikawm nichi hawi asa ai, nanai ni teng y thui pi.
13 Ni ly kai ny y baly tameuh takhra ai niu ngai y nai deaungkho y, Israela chengchi i kamngo lawi ai nai sa pi nai molam y, ni hawi ni i kangpreangchi ly pathyp pi nai keung y amtym hai jojo ai,” napi.
14 Midian neampachy hawi vanrei dei nai Israela neampacho amyn ly Simeon theaung yhm dengtheung i miteaung keh, Salu i chapo Zimri ne.
15 Neampachy i amyn ly Kozabi ne. Ni i ampo Zura ly Midian nupai hareira y miteaung keh ne.
16 Areng my Mosi teng y,
17 Midian chengchi ai tamyh vui ba.
18 Ati ma nai mo na baly nichi ly peor meingtym y nangchi ai tapawp iy, atlym hai nai molam py, huni meingtym y no kanghawi y dei nai Kozabi i molam py, Midian chengchi ai tiu iy tamyh vui jau,” napi.