6
Nehemia ai padei ai nai dawn paviu naichi
1 Kaichi ly mary katheuchi tai y rai teu i py mary apai sa pajau nai satang py, mary apaichi khovau nai meingtymchi by y nai satang py Sanbala, Tobiah, Keshem hawi takhra paleung ka-echi thai u bo.
2 Naibaly Sanbala hawi Keshem nini ly Ono adymra i avang hareira y nichi hawi ka-vum sa ai nai kai ai ang taviu; huna nai ang taviu nai ly kai ai rai naira tym hai ai nai ang tapawp nai ne.
3 Kai ly nichi teng y khumi pato iy, “Kai ly hinira y aly len nai kalop kasa nai deaungkho y, huni meingtym y kang jeu pajau y; nangchi hawi avum ai nai aly harei khyh naira y ly hini kalop anawn vui iy khai su pajau y leang,” nanai pathang pi bo.
4 Nichi ly tlen palyhrei typtyp ang taviu i, kai py hunai kamta tlen palyhrei typtyp pathang pi teang.
5 Naibaly tlen pa-ngo Sanbala my savai leaungrei pato i, pajawp typ nai ka-ma-ra by y nai chanote 6:5\xk pajawp typ nai ka-ma-ra by y nai cha: pajawp typ nai ka-ma-ra by y nai chara y tajiu nai satangchi ai, mipuichi pany pajau ai nai pajawp typ y nai ne. \x* ang syn.
6 Cha i leu saichi ly “Nang hawi Juda chengchi ly tavai thau ai nai tau nai ka-dawn y mary apai sa u nai ne, nanai tengpang sahawi i khumichi my thui pi nai satang ai, Keshem teng i nai kai ly thai bo. Nang ly samrang sa ai nai ngai nai deaungkho y,
7 Jerusalem mary y amy ai Juda samrang ne, nanai amthang hai ai nai amo phyreichi hawi ka-vo sa yb nai satang ly Keshem my kai teng y ang thui pi nai ne. Samrang ly hini satang thai takengkei ai; hunai deaungkho y arum ai nai jeu ba,” nanai cha theung y abawi nai ne.
8 Kaimy py, “Nang i thui nai ngiereichi ly harei py teng y; nangmy pasym atyhtyh nai leu teu,” nanai kapathang pi.
9 Mary apai sa nai kalop anawn hai vui ai nai nichi bawibawi ly kaichi ai pajei nai ne. Na i py, “Aw Tameuh, vai, kai teng y atho ham naira pei kyh ba,” nanai chiu kasa.
10 Huni neng thym khala y Mehetabela i katu, Delaiah i chapo Shemaiah ly mymy yhm i nai theu pajau y nai deaungkho y, kai ly ni teng y chei i ni my, “Ani ly Achura yhm i meingtym kachai theung y aheu iy, katheuchi akho veng sina. Nichi ly nang ai padei ai nai ang jeu u ai. Mani dym py ne sy, ang jeu iy nang ai ang tleh ai,” nanai kai teng y ang thui pi bo.
11 Naibaly kaimy, “Kai ly preang iy aheu reng nai khumi ny y; deira i tleaung ai nai Achura yhm theung y aheu reng nai khumi, nanai nang athang khai a? Achura yhm mang y kachei y leang,” kanapi.
12 Hini molam y kai adawn nai khala, hunai kamta Shemaiah my ang thui pi nai ly ni teng y Tameuh my leu taviu nai deaungkho y ny y; Tobiah hawi Sanbala nini my un pei i thui hai nai ne, nanai kapany veng bo.
13 Nichi ly kai ai kamngo sa hai ai ngai nai molam y tahm anem iy, kangji nga hai ai nai nichi ly Shemaiah ai alai iy ang pajei nai ne.
14 Aw Tameuh, Tobiah hawi Senbala i sa nai ly pany iy, nini ai pajeng kyh ba. Kai ai pajei ai nai atho sa nai keung neampachy amo Noadiah hawi takhra amochi ai pany jo ba.
Kalop patem nai
15 Kalop sa nai kani 52 rei awm nai khala y, Elula lo kani 25 rei kani y, mary apai sa nai anawn bo.
16 Hini satang ly tengpang sahawi prichira y awm nai, kaichi i paleung ka-echi my thai nai khala ly mymychi tahm anem bo, nanai apany u bo. Ati mana nai mo na baly hini kalop amcheang vui nai ly Tameuh my sabawm nai saho y ne, nanai khumi luteng pany nai deaungkho y ne.
17 Hini neng thym khala Juda cheng luchi ly Tobiah teng y cha hawi amtawn u nai ne.
18 Ni ly Arah i chapo, Shekaniah i meaungcha ne i, Juda cheng neangneangchi malawn py, ni mang y abawi u bo. Naibaly ni i chapo Jehohanan ly Berekhia i chapo Meshulam i chaniu hawi yhmtheaung sa nai ne.
19 Khumichi ly Tobiah i hawi nai satang kai teng y amti u reng; kai i leu py ni teng y amti pi reng teang. Tobiah ly kai ai pajei ai nai chachi avawrei ang pa jojo nai ne.