10
Ahad i katu chanauchi ai padei nai
1 Samrang Ahad i katu chanau leaung vui saryhreichi ly Samari mary theung y awm u nai ne. Jehu ly peang nai keungchi, marynote 10:1\xk mary: Hebrai leu y Jezreel mary ai thui nai ne. \x* i mipuichi hawi Ahad i katu chanauchi ai kry nai khumichi teng y cha tajiu iy pa bo. Huni cha theung y ly
2 “Nangchi ly samrang i katu chanauchi ai kry nai keungchi ne i, nangchi teng y tavai ka-ri kamkawm, keaungngo kamkawm, tavai ateaungchi hawi amtangra marychi awm nai ne. Hunai deaungkho y hini cha nga phai nga baly,
3 nangchi ly samrang i katu chanauchi theung y avo keh nai khumi leaungrei ai vawi takhra iy samrang palyn u ly ni mang y aso hai u,” napi.
4 Samari mary i peang nai keungchi ly khri pa-rei jei u i, Jehu ai samrang Joram hawi samrang Ahazia nini malawn py kham pajau y baly, achi ly mana kham pajau ai mo?,” nanai thui u.
5 Hunai deaungkho y samrang yhm kry nai keung, mary kry nai keung, mary i mipuichi hawi Ahad i katu chanauchi ai kry nai khumichi my Jehu teng y, “Kaichi ly nang i miseaungchi ne nai deaungkho y, nang i leu pei naichi tangai ai nai angchi yb bo. Na i py kaichi ly ami ai py samrang palyn y leang. Nangmy i avo nai kamta so ba,” nanai cha pathang pi u.
6 Jehu my py, “Nangchi ly kai hawi amkawm iy kai i leu pei nai anui y awm u ai nabaly, khawndam hini neng khala, Jezarela mary y awm nai Samrang Ahad i katu chanauchi i luchi kai teng y jeu hai u,” nanai cha pei bi nai ne.
Samari mary i khumichi ly samrang Ahad i katu chanau leaung vui saryhreichi ai kry u nai ne.
7 Nichi ly Jehu teng i cha nga u nai khala, huni samrang i cho chanau leaung vui saryhreichi ai tleh u i, luchi ly takhuchi ra y khai iy, Jezarela mary y awm nai Jehu teng y tha pi u bo.
8 Jehu ly Ahad i katu chanauchi i luchi tym bo, nanai thai baly huni luchi ai mary apai katheu pa-khora y phy nyhrei phy iy, kani pa-nyh khawn khrairei khai ai nai leu pei.
9 Khutawi baly Jehu ly mary apai katheu pa-kho mang y chei i, hu y tym nai khumichi teng y, “Samrang Joram ai padei nai keung ly kai ne; huni molam ly nangchi abi y leang. Na i py hini khumichi ai padei nai keung ly ami mo?
10 Ahad i katu chanauchi molam y Areng my leu pei nai kamta pajeng ai, nanai hinira y pany pajau nai ne. Areng ly amo Elija teng y adeu nai kamta tym angym bo,” napi.
11 Naibaly Jehu ly Jezarela mary i awm nai Ahad i amjo amnauchi, ni i bangtangchi, ahawi kamrawichi hawi pathyp pi nai keungchi ai, leaungrei py tleaung y pa-rei padei pawn nai ne.Ref 10.11: Hos 1:4
Samrang Ahazia i amjo amnauchi ai padei nai
12 Jehu ly Samari mary mang y chei ai nai Jezarela mary i dengdairei theu i lam y, “Beram typ nai keungchi i Tai naira,” napi nai meingtym y tym nai khala,
13 Juda samrang Ahazia i amjo amnau phyreichi hawi avum i, nichi teng y, “Nangchi ly amichi mo?,” nanai deng.
Nichi my, “Kaichi ly Ahazia i amjo amnauchi ne; kaichi ly samrangnu Jezabela i cho chanauchi hawi, takhra samrang i amjo amnauchi ai de ai nai Jezarela mary y chei nai ne,” nanai pathang u.
14 Jehu my, “Hini khumichi ai patiu u!,” nanai my i khumichi teng y leu pei i, patiu iy angawm sahawi y khumi leaung 42 reichi ai padei bo.
Ahad i awm rai nai amjo amnauchi ai padei nai
15 Jehu ly hu i dengdairei theu bi i, lam y Rekhab i chapo Jonada hawi avum. Jehu my ni teng y, “Nang ly kai i paleung ka-dawn hawi atawm; nang ly kai ai sabawm ai a?,” napi.
Jonada my, “Kang sabawm ai,” napi.
Naibaly Jehu my, “Hunaibaly nang i kiu pei,” napi. Jonada my kiu pei nai khala, Jehu ly kiu amkhaw iy Jonada ai ka-ri tleaung y lyn hai chum baly,
16 kai hawi vanrei abang iy, kai ly Areng i vui manatanrei paleung apei na mo, nanai nang niu ai,” napi. Naibaly nini ly ka-ri atang hawi naimy, Samari mary mang y chei hawi bo.
17 Nini ly huni mary y tym hawi nai khala, Jehu ly Ahad i amjo amnau bawibawichi ai leaungrei py takhawi y pa-rei padei be bo. Huni ly Elija teng y Areng my leu pei nai kamta tym nai ne.
Bala tameuh ai chiu nai khumichi ai padei nai
18 Jehu ly Samari mary i khumi bawibawichi ai palau achu iy, “Samrang Ahad ly bala tameuh ai maidenreichy chiu khyh; na i py kai ly ni tleaung y bala tameuh ai chiu keh ai.
19 Bala tameuh i amochi, huni tameuh ai chiu nai khumichi hawi bala i pathyp pi nai keungchi ai palau u; Kai ly bala tameuh i vui apathyp nai pawi pui sa ai i, nichi bawibawi jeu u ai nai tla; jeu y nai ami py awm moh sy,” napi. (Jehu i huna nai sa nai ly bala tameuh ai chiu nai khumi bawibawichi ai padei thai ai nai lihyp nai ne.)
20 Naibaly Jehu my, “Bala tameuh ai chiu ai nai kani khai takhra iy satang thai hai u!” nanai leu pei nai kamta thai hai u bo.
21 Naibaly Jehu ly Israela pri verei y satang thai hai nai deaungkho y, bala tameuh ai chiu nai khumi bawibawichi ly leaungrei py takhawi y naimy tym u nai ne. Nichi bawibawi ly bala tameuh i achura yhm y kun u i, achura yhm kawi tyhp na.
22 Huna nai khala Jehu ly tahm awm nai ateaungchi kry nai pathyp pi nai keung teng y, huni ateaungchi patheu iy bala ai chiu nai khumichi teng y pei hai bo.
23 Hunaibaly Jehu ly Rekhab i chapo Jonada hawi vanrei, bala tameuh i achura yhm theung y kun hawi i, hunira awm nai khumichi teng y, “Hini meingtym y awm nai khumichi ly bala tameuh ai chiu nai khumichi naini ne ai nai tla. Areng ai chiu nai khumi leaungrei py abawi y ai nai, nangchi hawihai palai khen u,” napi.
24 Naibaly Jehu ly Jonada hawi vanrei, bala tameuh teng y apathyp ai nai hawi, kapathyprachi talam ai nai theung mang y kun hawi bo. Jehu ly bala achura yhm angam mang y khumi leaung 80 reichi ai amo hai yb iy, “Nangchi ly hini khumichi ai padei u ai nai tla; khumi leaungrei tleaung vui lawh baly, kalop amkhaw nai keung ai ly padei ai!,” nanai leu pei yb bo.
25 Jehu ly kapathyprachi talam chum baly, tamcheaung typ nai risachi hawi tavai luchi teng y, “Kun u ly hini khumichi ai tleh u; leaungrei py tleaung moh sy!,” napi. Nichi ly haisauchi aphiu u iy, huni khumichi ai tleh u i, veuchi ai ly angam mang y patheu u bo. Naibaly nichi ly bala achura yhm takun theung mang y kun u i,
26 bala tameuh i leungchengchi la iy mai leng u bo.
27 Hunaibaly nichi ly bala leungcheng hawi bala achura yhm taphra u. Huni tameuh i achura yhm ai engmeaung lehra yhm palawn nai ly vaini khrairei awm jo nai ne.
28 Hini ly Jehu my Israela pri y bala tameuh ai chiu nai sai taphra nai leaungsai ne.
29 Na i py Jehu ly samrang Jeroboam i sa nai kamta amtiu lawh; Jeroboam ly Israela chengchi ai Bethela mary hawi Dan mary y, mymy i sa nai muku sicho mynchi ai chiu hai nai kamngo sa.Ref 10.29: 1 Areng 12:28-30
30 Areng my Jehu teng y, “Nang ly kai i sa hai nai kamta, Ahad i katu chanauchi ai tamyh bo. Hunai deaungkho y nang i kangpreangchi ly deung palyhrei Israela pri i samrang lawm u ai,” napi.
31 Na i py Jehu ly Israela chengchi i Areng Tameuh i reita leu pei naichi ai paleung hawi verei so y naimy, Israela chengchi ai kamngo sa ai nai lam patei nai Jeroboam i lam y abang nai ne.
Jehu dei nai
32 Huni neng khala Areng ly Israelachi i khu ka-peang jum hai bo. Suria samrang Hazaela ly
33 Jordan tavo nisi mang i Israela khu ka-peang bawibawichi ai, tokalawi mang Arnon tavo peang y awm nai Aroe mary tym pa-rei peang vui bo. Huni khu ka-peangra y Kad, Ruben hawi nisi Manase cheng theaungchi awm nai Kilead pri hawi Basen prichi abawi nai ne.
34 Jehu i sa nai atitichi hawi ni i vam parai naimy sa nai saichi ly Israela razavang cha-iu theung y tajiu pi typ nai ne.
35 Jehu dei nai khala ni i veu ai ly Samari mary y heung u bo. Naibaly ni i chapo Jehoaha ly ampo i meingtym amtym i, samrang lawm bo.
36 Jehu Israelachi i samrang lawm nai ly Samari mary y saneng 28 rei peang nai ne.