7
Jeremia Achura yhm y leu thui nai
1 31Areng ly Jeremia ai Achura yhm apai katheu pa-kho mang y pato iy, huni apai katheu pa-kho sahawi y angdo nai khala, hina nai thui hai bo.
2 Areng ai chiu ai nai hini katheu pa-kho mang kun u nai Juda mipuichi awi, Areng i leu tangai u.
3 Israela chengchi i Tameuh napi nai, ati cheaungkhang sa thai nai keung Areng my, “Kai ly nangchi ai hini meingtym y awm u veangveang ai nai, nangchi ly nangmychi i awm nai sai hawi amhi amtlau nai saichi takhra hai u.
4 Achi ly chymme na a! ‘Hini Achura yhm ly Areng i Achura yhm ne, Areng i Achura yhm ne, Areng i Achura yhm ne!’ nanai thui naichi i tapawp nai leu ym u moh.
5 “Nangchi i amhi amtlau nai sai takhra hai u; vai i sa nai kamta ly so u bi moh. Nangmychi tengtawi amkawm naira y, adyh adawi naimy awm u.
6 Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.
7 Hina nai kamta awm nai sai takhra u lawh baly, kai ly nangchi i amsi pajochi teng y kamtym pei nai pri y, deungtasarei awm ai nai pei ai.
8 “Khen cham, nangchi ly li-tapawp iy vang teng y nai leuchi ym u nai ne.
9 Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.
10 Nangchi ly kai i ngai y nai kalopchi sa naimy kai i Achura yhm y jeu iy, kai i mo y angdo i, ‘Kaichi ly phrumai by y! Hini amso ngai naichi kasa u pajau bo,’ nanai thui u.
11 Kai i Achura yhm ai ly damrachi i aheura meingtym palawn u lawh a? Nangchi i sa nai kalopchi ai kai kaniu, napi.Ref 7.11: Mt 21:13; Mk 11:17; Lk 19:46
12 Kai ai chiu nai meingtym lawm ai nai vawi takhra manme nai Silohnote 7:12\xk Siloh: Amo Eli deung y Leu Maikawm Pawm kry nai mary ne. Huni mary ai taphra nai keungchi ly Philistia chengchi ne pajau. (1 Sam 1:3 khen)\x* avang y chei iy, kai i khumi Israela mipuichi i sa tamang nai molam y, huni avang ai kaimy mana kasa mo, nanai khen u cham.Ref 7.12-14: Josua 18:1; Sam 78:60; Jer 26:6
13 Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.
14 Hunai deaungkho y nangchi ym u keh nai hini kai i Achura yhm ai, Siloh avang y kamta kasa teang ai. Nangchi i amsi pajochi hawi nangchi ai kang pei nai, hini meingtymchi ai ly Siloh avang y kamta kasa teang ai.
15 Kai ly nangchi i amjo amnau Ephraim mipuichi ai kaimy patheu vui nai kamta, nangchi ai py kang patheu vui ai,” nanai Areng my leu pei nai ne.
Khumichi i leu atangai y nai
16 Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.
17 Juda marychi, Jerusalem mary lamchira y nichi i sa nai saichi, nang ly niu y nai sai a?
18 Cho deaungdichi ly theng acheaung i, neampacho ka-cheangchi my mai paeng iy, neampachy ka-cheangchi ly kani khusang samrang nu, napi nai kani anglo teng y talam ai nai, tako dei katlen iy paawp pi bo. Nichi ly kai ai paleung aleng hai ai nai tameuh takhrachi i vui kreip hang katalamrachi py leih iy talam u nai ne.Ref 7.18: Jer 44:7-19
19 Na i py paleung aleng tatang nai ly kai a? Ny y leang. Nichi naini mychi i paleung aleng hai iy, kangji nga u nai ne.
20 Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.
21 Hina nai kamta ati cheaungkhang sa thai nai keung Israela chengchi i Areng Tameuh my leu pei nai ne. “Kai i khumichi awi, nangchi ly nangmychi cha ai avo nai tawnbawichi awm nai kamta, maicham tleaung y theng iy, bom verei leng patlum nai tawnbawichi py awm. Huni tawnbawi amjy nyhrei ai cho u.
22 Nangchi i amsi pajochi ai Aikupta pri i dengdairei kapahawi nai thym khala y, kai ly leng patlum nai kapathyprachi molam y py, takhra kapathyprachi molam y py, reita leu pei nai by y leang rai.
23 Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.
24 Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.
25 Nangchi i amsi pajochi ly Aikupta pri i nai theu u nai kani dengdai vaini khrairei, kai ly kaimy i amochi ai kang pato pi jojo nai ne.
26 Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.
27 “Hunai deaungkho y Jeremia awi, nang ly hini leuchi ai nichi teng y thui pi keng teu i py, nichi tangai u ai ny y. Nang ly nichi ai palau teu i py, nichi ly pathang u ai ny y.
28 Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.
Hinnom leaunghawira y sa nai kamngochi
29 “Jerusalem mary i khumichi awi, vo tangam u;
Nangchi i sam vau iy aphi u pawn.
Kai, Areng ly kaimy i kado theu hai nai
khumichi ai nyn kava veng bo i,
nangchi ly mawi aheungchira y tlaiveu pavum nai khulymchi thui u.
30 “Juda khumichi ly hawi y nai sa u bo. Nichi ly kai i niu ngai y nai mynchi hawi, kai i Achura yhm theung y chai hai y bo.
31 Nichi ly mychi i cho deaungdichi ai leng patlum iy apathyp ai nai hinnom leaunghawira y Topheth, napi nai maicham sa u bo. Huna nai sa ai nai nichi ai leu pei y, paleung ka-dawn py by y.Ref 7.31: Lev 18:21; 2 Are 23:10; Jer 32:35
32 Hunai deaungkho y huni leaunghawi ly Topheth napi nai py, hinnom napi nai py, amyn palau bi y ai nai neng kani tym ai. Khumi kadeichi ai up ai nai akeaung y na pa-rei, huni leaunghawi y up nai deaungkho y huni leaunghawi ai ly khumi tleh nai leaunghawi, nanai palau u ai,” nanai Areng my leu pei nai ne.
33 Khumi tlaiveuchi ly tavochi hawi daichi mawi kasichi i teicha lawm ai. Huni daichi mawichi ai paryh pi pawn ai nai khumi leaungrei py awm ai ny y.
34 Kai ly Juda marychi hawi Jerusalem mary lamchira y, apom nai pawira i amo theu nai katynchi hawi, amo theu kawn nai katynchi py, tama hai vui ai. Huni meingtym ly khumi angso savai tlang naira lawm ai.