JOBA
Joba cha-iu theung y khumi kahawi Joba i ngari kamtang avum nai satang tajiu nai ne. Ni ly chapo chaniu hawi yhmtheaung katui bawibawi sum iy, mymy i tlang tleaung y amso ngai nai roka man bo. Naibaly Joba hawi mymy i ahawichi my, huna nai patang nairachi molam y mana tanrei adawn mo, nanai amteng hai nai leaungsai arum nai phy thomrei ai khulym mang y tajiu nai ne. Leu arum nai theung i aly len keh nai ly khumichi ai Tameuh my mana amkawm hai mo, nanai satang ne. Kangkhym y ly Tameuh kypkyp my Joba teng y pathang pi bo.
Joba i ahawichi my, ni i kamtang avum nai ai reita leaungsai ka-dawn hawi thui pi pachai bo. Nichi my Tameuh ly avawrei khumi kahawi ai palo iy khumi hawi y nai ai ly pajeng nai ne i, Joba ly my i kamngo molam y naini, huni kamtangra avum nai ne, nanai thui u. Na i py Joba my, mymy ly khri pa-rei khumi kahawi ne nai deaungkho y, huna tanrei huna nai pajengra avum ai nai ataing y, napi. Tameuh ly ati mana nai y huna nai ka-tawm khumi leaungrei ai huni hawi y keh naira avum hai mo, nanai mymy pany y nai deaungkho y, Tameuh i tlang tleaung y vam parai naimy kado theu hai bo. Joba ly Tameuh ai ym nai sai phra y. Na i ly ni ly Tameuh i mo y meimai nga iy, khumi kahawi i tahm awm ali teang ai nai nga ai nai ngai.
Tameuh ly Joba i deng naichi pathang pi y; na i py ni i ym nai sai ai patheung pi teang nai molam y, mymy i sa thai naira hawi tau cheng naira ai khulym mang y tajiu nai ne. Naibaly Joba my Tameuh ly nang parai nai ne i, thiu parai nai tau kacheng awm, nanai mymy ly mymy i paleung hawi verei kado theu josei naichi molam y, uikheih nai paleung ka-dawn nga bo.
Cha-iu katem mang y Tameuh ly Joba teng y, angchei i kamta lawm hai teang nai khyh chang y, nang tleaung nangra nai lo-pa hai bo, nanai leu sai mang y thui pi nai ne. Tameuh ly Joba i patang naira avum nai ai, awm nai sai pany y nai mymy i ahawichi ai thui parip nai ne. Joba naini Tameuh ly reita leaungsai ka-dawn tleaung y hawi keh, nanai pany thai bo.
1
Joba i ka-ym awm nai ai setan my cham nai
1 Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.
2 Ni ly chapo leaung saryhrei hawi chaniu leaung thomrei awm.
3 Ni ly beram sang saryhrei, kula-iu sang thomrei, si paino sangrei hawi keaungngo kano kasau chungvai pangrei py nang nai ne. Miseaung neangneang py awm i, ni ly nisi pri verei y nangkeh nai khumi ne.
4 Joba i chapochi ly akachu u iy, cha nei pawi kamki sa i, mychi i tuicho leaung thomrei ai py, huna nai pawira y jeu ai nai avawrei palau u reng nai ne.
5 Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.
6 Tameuh i mo y kani pri mang ichinote 1:6\xk kani pri mang ichi: kani pri y Tameuh i kalop sa nai tahm asang naichi. \x*ahihawi nai neng kani tym nai khala, setannote 1:6\xk setan: Tameuh hawi ka-awi sa nai paleung ka-e i amyn ne. \x*py nichi hawi vanrei abawi teang.Ref 1.6: AA 6.2
7 Areng my setan teng y, “Nang ly ati sa mo? nanai deng. Setan my, Kai ly khaileaung pri y aki aleaung nai ne,” nanai pathang.
8 Areng my, “Khaileaung pri y hawi angym iy kai, Tameuh ai jei kaji nai, hawi y naira ai asyn ai pany nai khumi, kai i miseaung Joba kamta leaungrei py by y, nanai pany bo a?” napi.
9 Setan my, “Joba ly ati sai py ngo y lawh teu baly, nang ai jei kaji naimy tahm khai na a?Ref 1.9-11: Amt 12.10
10 Nang ly ni hawi ni i yhm dengtheungchi ai py, ni i nang nai yhmtheaung katuichi ai py ama hai iy kry pi bo. Ni i sa nai ngiereichi ai amtheaung hai i, si painochi py kati leila pajau y na pa-rei, neangneang peung hai bo.
11 Nang ly ni i nang nai yhmtheaung katuichi ai chau hai lawh teu baly, ni ly nang ai mei ka-niu y my ang pasawi ai,” napi.
12 Areng my, “Ni i peang nai ngiereichi ai, nang i kiu tleaung y kang-au; na i py ni i tlang ai ly abi moh " napi. Naibaly setan ly mymy teng i nai leh vui bo.
Joba i chapo chaniuchi chau nai hawi yhmtheaung katuichi phra nai
13 Kanirei nai khala Joba i chapo chaniuchi ly mychi i amjo kalen yhm y cha nei pawi sa nai thym y,
14 khumi leaungrei ly Joba teng y ampreng i, “Kaichi ly sichi hawi li thawn nai khala, keaungngo kano kasauchi ly sahawi y teicha tlai nai ne.
15 Huna nai thym y Seba chengchinote 1:15\xk Seba chengchi: tokalawi mang dengdairei jeu iy tiu lawm nai chengchi ne. \x*ly, vaimy tym u iy ang tiu miu i, tawnbawichi ang lawm pi pawn na bo. Nichi ly nang i miseaungchi ai padei pawn i, kaimy leaungrei naini tleaung khyh; huna nai y areng nang teng y kang jeu iy, satang kang thai hai nai ne.” napi.
16 Huna nai huni khumi my thui pi i, leu tem y rai khala my takhra miseaung leaungrei tym i, “beramchi hawi beram typ nai keungchi ly alipakang tla hai i, dei u be bo; kaimy leaungrei naini tleaung khyh i, areng nang teng y kang jeu iy, satang kang thai hai nai ne,” napi.
17 Huna nai huni khumi ny thui pi i, leu tem y rai khala my takhra miseaung leaungrei tym bi i, “Khalidenote 1:17\xk Khalide: tosyh mang dengdairei jeu iy tiu lawm nai chengchi ne. \x*damra kamkawm thomrei ly kaichi ai ang tiu i, kula-iuchi la pawn bo; nang i miseaungchi ai padei pawn nai deaungkho y, kaimy leaungrei naini tleaung khyh i, areng nang teng y kang jeu iy, satang kang thai hai nai ne,” napi.
18 Huna nai huni khumi my thui pi i leu tem y rai khala my takhra miseaung leaungrei tym taleang bi i, “Areng nang i chapo chaniuchi ly nang i chapo kalen i yhm y cha nei pawi sa u nai thym kha,
19 daichi ka-vym mang dengdairei ali kamchai tym. Huni ali kamchai molam y yhm anawi i, nichi bawibawi ly dei be bo; kai leaungrei naini tleaung khyh i, areng nang teng y kang jeu iy, satang kang thai hai nai ne,” napi.
20 Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.
21 “Kai ly tapen nai khala beng tlairei, beng tlairei kadei ai; Areng my ang pei i, vai ly la ali teang nai bo; mymy i amyn ly taham hawi sy,” nanai thui.
22 Joba ly huna nai leaungsaichi avum lawh teu i py, Tameuh i tlang tleaung y labeaung hawi malawn py tamang y nai ne.