40
Athang khai nai leuchi
1 Nangchi i Tameuh my, “Kai i khumichi ai paleung pahawi u; nichi ai paleung pahawi u!
2 Jerusalem mary i khumichi ai atho pei u.
Nichi ly ngari kamtang kra parai pa-rei avum nai deaungkho y,
nichi i kamngochi ai vai, kaimy pahen pi bo, nanai nichi teng y thui pi u.
Kai ly nichi i kamngo nai ai pajeng nai tym angym hai bo,” napi.
3 Raawi harei my,Ref 40:3: Mt 3:3; Mk 1:3; Jh 1:23Ref 40:3-5: Lk 3:4-6
“Daichi ka-vymra y Areng jeu ai nai lam so u rym!
Achi i Tameuh jeu ai nai lam pachai u!
4 Kathiu kacheaung ngiereichi padyh iy,
mawi katheang kalen bawibawichi panawi u.
Mawi aheungchi ly padyh vui iy,
adyh acho y nai meingtym ly padyh pawn veng ai.
5 Huna nai khala y Areng i nang parai nai ly amteng ai i,
khumi angso bawibawichi ly huni nang parai nai niu u ai.
Huna nai tym ai nai Areng mymy kypkyp my adeu pi nai ne,” nanai aeu bo.
6 Huni raawi my, “A-eu!” napi nai deaungkho y,Ref 40:6-8: Jak 1:10-11; 1 Pet 1:24-25
“Ati amjy aeu ai mo?” nanai kaimy deng baly,
“Khumi angso bawibawichi ly acha keung atawm iy,
daichi kaseaung kamta akan y, nanai aeu!
7 Areng my pato nai ali hawi avum nai khala y
acha keung ly jei iy, kaseaung pauchi py rawm nai ne.
Khumichi ly acha keung tanrei heng khyh nai ne.
8 Acha keung ly jei angchi khyp iy, kaseaungchi py rawm angchi khyp bo.
Na i py achi i Tameuh i leu ly deungtasarei khaw jo nai ne,” napi.
9 Aw Jerusalem mary, mawi ka-sang y lyn iy,
satang kahawi amthang hai ba!
Aw Zion mawi, raawi pajeng parai naimy
satang kahawi amthang hai ba!
Jei moh, paleung theung y khai y naimy katheu keng ba.
Juda marychi teng y
nichi i Tameuh jeu ai,” nanai thui pi!
10 Ati cheaungkhang sa thai nai Areng ly mymy atleu nai khumichi ainote 40:10 mymy i atleu nai khumichi; ti y baly mymy i khumichi i kawn nai nang.palau iy, Ref 40:10: Is 62:11; Amt 22:12
sa thai naira hawi peang ai nai ang jeu ai.
11 Mymy ly beram typ nai keung kamta, Ref 40:11 Ezek 34:15; Jh 10:11
mymy i beram kanghu ai pacho panei iy kry ai.
Mymy ly beramchochi ai pangym iy, kiu hawi tapawm naimy
nichi i amhmchi ai lam patei iy pahawi kajai ai.
Israela chengchi i pata ngau y nai Tameuh
12 Suida pangli tui ai kiu padawi hawi neh nai khumi,
ti y baly kani khusang ai kiu hawi kah iy pata pajau nai khumi awm a?
Khaileaung kathau ngiereichi ai khaura y khai pajau nai khumi,
ti y baly mawi katheang kalenchi ai, sie khyry hawi neh pajau nai khumi awm a?
13 Areng ai mana sa ai mo, nanai thui pajau nai khumi awm a?Ref 40:13: Rom 11:34; 1 Kor 2:16
Mani khumi ly mymy ai patiu pi pajau ai mo? ti y baly tau pei pajau ai mo?
14 Hina nai kalopchi ai mana sa ai mo, nanai pany pajau ai nai,
cheng naira hawi pany thai naira nga pajau ai nai,
mymy ly ami hawi adeng ahui mo?
15 Areng mo y khumi cheng cheaungkhangchi ly ati sai py ny y.
Nichi ly tui paleaungdy nai ryrei khyh.
Kamlora i tlawnchi py tamaiham tanrei kaji awm khyh nai ne.
16 Lebanon mawi y awm nai daichi mawi ngiereichi ly
achi i Tameuh teng y apathyp ai nai aleu y.
Huni daichi theung i dengkeaung keungchi py, mai paeng ai nai lawm y.
17 Khumi cheng cheaungkhangchi ly mymy i mo y ati sai py ny y leang.
18 Tameuh ai ly ami hawi pata pajau ai mo?Ref 40:18-19: Amt 17:29
Mymy i mo-cha ai nangchi ati mana thui thai ai mo?
19 Mymy ly kupe kakawpchi my patlawn iy
pa-thengchi my muku hawi paleaung nai ,
tangka hawi langdeng khaw hai nai myn hawi atawm y.
20 Muku, tangka ko y nai khumi ly
rawp pajau y nai dengkeaung ngan vawi takhra reng.
Ni ly khaw parai nai myn sa ai nai
kupe myn oh kawp nai ai hau reng nai ne.
21 Hini khaileaung pri ly mana lawm mo, nanai nangchi thai vai y a?
Jangni khala i ka-so thui pi nai keung by y nai sai a?
Nangchi thai vai y, pany vai y nai sai a?
22 khaileaung sa pi nai keung ly kani hawi khaileaung salo y
awm nai areng atehra salo y ateh nai keung ne.
Kani anui i khaileaung salo y awm nai khumichi ly pa-leng sa-machi kamta theangchichy, nanai athang khai.
Mymy ly kani khusang ai silleng kamta py,
awm nai tai kamta py palawn bo.
23 Mymy ly sa thai naira len nai samrangchi ai pala iy,
huni khumichi ai ati sai py ny y naichi lawm hai bo.
24 Nichi ly ui iy tangjyn pala khyp nai
keungchychi hawi atawm.
Areng ly ali aho hai nai khala y,
huni keungchi ly jei iy maidym kamta ahei pawn nai ne.
25 Chai parai nai Tameuh ai ami hawi pata ai mo?
Mymy hawi atawm nai khumi leaung leaungrei awm na a?
26 Kani mang y khen angdeang u!
Nangchi niu nai ka-sichi ai ami my sa nai mo?
Hunichi ai tavaimichi kamta pahawi nai keung ne.
Mymy ly ka-sichi ai kati chum baly
amyn pathi iy palau na a!
Mymy ly sa thai naira len parai nai deaungkho y,
huni ka-sichi ly ha harei py tama, nanai by y.
27 Israela chengchi awi, tuna lawh baly Areng ly nangchi i ngari kamtangchi pany pi y nanai py,
nangchi avum nai teng y nai leaungsaichi molam y paleung apei y nanai py
ati mana nai nangchi tangam u lawh mo?
28 Areng ly deungtasarei heng jojo nai Tameuh ne, nanai
nangchi pany u y nai sai a? Thai u vai y nai sai a?
Mymy ly khaileaung bom verei ai sa nai ne.
Mymy ly mana khala py paha y, akawm nai by y.
Amimi py mymy i dawn tau naichi pany pajau y.
29 Mymy ly paha nai, akawm nai khumichi ai atho pei nai ne.
30 Saneng nau nai khumichi malawn py paha, akawm reng nai ne.
Khumi ka-cheangchi ly atho bai iy atlym u bo.
31 Na i py Areng i kasabawmra ai ym nai khumichi ly
atho kangtha nga u ai.
Nichi ly ahmtlau kamta akheang thai ai.
Angpreng i py akawm u ai ny y.
Khuleaung chei i py paha u ai ny y.