11
Ym naira
1 Naibaly ym naira ly atiti athang khai naira awm khypkhyp, nanai pany khyp naira ne i, atiti niu thai y naichi i pany hai naira ne.
2 Hunira y ly miteaung kehchi my ly palo naira nga lawh veng.
3 Tameuh my leu pei nai deaungkho y kani khaileaung sa pyn nai bo, nanai achi ly ym naira deaungkho y pany: hunaibaly atiti niu naichi ai ly atiti awm naichi ai teaung nai deaungkho y sa nai ny y.Ref 11.3: AA 1.1; Sam 33.6, 9; Jh 1.3
4 Ym naira deaungkho y Abela ly Kaina tleaung y apathyp naira hawi keh nai Tameuh teng y talam bo, huni deaungkho y mymy ly khumi kahawi ne, nanai pany hai naira nga bo; ati mana nia mo nabaly Tameuh my ni i atiti talam nai pany pi bo; naibaly huni deaungkho y mymy ly dei nai bo y py leu thui asai rai nai ne.Ref 11.4: AA 4.3–10
5 Ym naira deaungkho y Enoka ai ly dei naira pany y ai nai la vui bo; naibaly ni ai ly Tameuh my la vui nai deaungkho y mymy ai niu pajau y bo; naibaly lo vui y rai khala y my ni ly Tameuh i mei kangai awm nai khumi ne, nanai pany hai angchi yb nai bo.Ref 11.5: AA 5.21–24
6 Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.
7 Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.Ref 11.7: AA 6.13–22
8 Ym naira deaungkho y Abraham ly, ni ai palau nai khala y ly amtym ai nai meingtym y chei ai nai leu tangai bo; naibaly mymy i chei ai naira pany y naimy theu bo.Ref 11.8: AA 12.1–5
9 Ym naira deaungkho y mymy ly adeu nai pri y awm veangveang, pri takhra y awm nai kamta teu iy py. Mymy py, leu adeu naira vanrei khypkhyp amtym nai keung Isaka nini Jakob py kanih yhm y awm bo;Ref 11.9: AA 35.27 \v 10 mymy ly lengseaung leng chum nai avang ajeng dudu nai ne; huni sa nai sai dawn yb nai hawi sa nai keung ly Tameuh ne.
11 Ym naira deaungkho y Sarai kypkyp py adeu nai keung ai ly ka-ym awm nai palawn nai deaungkho y miteaung nai bo y ti ampreng thai ai nai nga bo.Ref 11.11: AA 18.11–14, 21.2
12 Hunaibaly khumi kadei kamta awm nai neampacho leaungrei teng i nai kani mang i ka-sichi nawi nai sai kamta hawi, pangli peang i spryh kamta kati pajau y nai pa-rei py peung u bo.Ref 11.12: AA 15.5, 22.17, 32.12
13 Hunichi bawibawi ly ym nai tarawi y dei u bo:nichi ly adeu nairachi ngo y naimy palo parai naira i dengdairei niu py niu, kawn py kawn, naibaly nichi ly hini khaileaung pri y angvyn hawi pri takhra khumi ne, nanai apany hai bo.Ref 11.13: AA 23.4; 1 Neng 29.15; Sam 39.12
14 Ati mana nai mo nabaly hunai kamta leu thui naichi ly mymychi i pri hau u nai ne, nanai amteng hai veng.
15 Naibaly nichi i theu nai pri ai ly dawn jojo nai ne iy khyly nichi ly vawi ai nai ka-vo nga u takengkei ai bo.
16 Na i py vai ly nichi ly kani pri mang y awm nai , hawi tleaung hawi ra nai pri dawn nai ne; hunaibaly Tameuh my nichi i Tameuh angam ai nai kaji y leang; mymy ly nichi i vui avang khai pi rym veng bo.
17 Ym naira deaungkho y Abraham ly cham naira avum khala y Isaka ai talam bo.Ref 11.17: AA 22.1–14
18 Ne, leu adeu nairachi kawn parai naimy nga nai keung kypkyp teng y, “Isaka y ly nang i kangpreangchi ai amyn pathi ai,” napi nai, huni khumi ly mymy i chapo harei kalei khyh nai ai talam bo;Ref 11.18: AA 21.12
19 Tameuh my ni ai ly kadeichi theung i dengdairei py pathau teang pajau, nanai adawn cheng bo; naibaly pata nai leu thui baly, mymy ly ni ai hu i nai nga ali teang bo.
20 Ym naira deaungkho y Isaka ly atiti tym ai naichi molam y py Jakob nini Esawi ai amtheaung hai mei bo.Ref 11.20: AA 27.27–29, 39–40
21 Ym naira deaungkho y Jakob ly dei ai nai thym khala y ly Josepha i chapo nini ai amtheaung hai mei i, ni i cheaungvawi meaung y nip nai tarawi y Tameuh ai chiu bo.Ref 11.21: AA 47.31, 48.1–20
22 Ym naira deaungkho y Josepha ly dei ai nai kasa nai thym khala y ly Israela kangpreangchi theu ai nai leu thui iy, mymy i hiu molam y leu pei bo.Ref 11.22: AA 50.24–25; Theu 13.19
23 Mosi ai ly tapen nai thym khala y ly deaungdi chymplei nai, mo hawi parai nai ne, nanai niu nai y, ym naira deaungkho y amhm ampo ly lo thomrei sala y ni ai heu vui bo: nini ly samrang i leu pei nai py jei hawi y leang.Ref 11.23: Theu 2.2, 1.22
24 Ym naira deaungkho y Mosi ly cheang nai bo y Pharao chaniu i chapo, nanai amyn palau nai ly pipi ngai y leang bo;Ref 11.24: Theu 2.10–12
25 mymy ly kamngo i kra y nai sala chy i vui awm nai amo theu naira ai kawn nai tleaung y ly Tameuh i khumichi hawi ana hai nai patang naira y kham tanga ai nai vawi lawh veng;
26 naibaly ni ly kawn nai vang nga ai nai angdeang lawh veng nai deaungkho y Krista ai tahm khai y naira ai ly Aikupta pri i yhmtheaung tleaung y ly yhmtheaung nang keh nai palawn lawh.
27 Ym naira deaungkho y mymy ly samrang i kado theu nai ly jei y naimy Aikupta pri khai su i, niu thai y nai ai ly niu thai nai kamta kham tanga bo.
28 Chanau chalu tama hai nai keung my ly nichi ai nam y ai nai, ym naira deaungkho y mymy ly katlen vui nai pawi hawi thi hei nai ly pateaung angchei bo.Ref 11.28: Theu 12.21–30
29 Ym naira deaungkho y nichi ly mawi tleaung y tako nai kamta Pangli Kamsen y tako prei:Aikuptachi ly huna nai kamta sa teang ai nai tau u i, anum u be bo.Ref 11.29: Theu 14.21–31
30 Ym naira deaungkho y Jeriko avang i apai ly kani saryhrei taki u nai bo y ly anawi veng bo.Ref 11.30: Jos 6.12–21
31 Ym naira deaungkho y bima Rahabi ly khen paviu naichi ai hawihai palai kawn nai deaungkho y, leu tangai y naichi theung y ly tamo teang y leang bo.Ref 11.31: Jos 2.1–21, 6.22–25
32 Naibaly atiti kathui veangveang ai rai mo? Kideon hawi, Barak hawi, Samsona hawi, Jeptha hawi, Davida hawi, Samuela hawi, amochi hawi, nichi i satang thui pi ai nai katau iy py neng aleu y leang bo;Ref 11.32: Tara 6.11—8.32, 4.6—5.31, 13.2—16.31, 11.1—12.7; 1 Sam 16.1—1 Ar 2.11; 1 Sam 1.1—25.1
33 ym naira deaungkho y nichi ly peang naira takhra takhra ai py pajau iy nga u, atiti kahawi py sa, leu adeu nairachi py nga, khrangsi takai i labeaung py pakhym hai,Ref 11.33: Dan 6.1–27
34 mai i sa thai naira ai py padei, haisau bo kachiu y py tleaung vui, ham y naira i dengdairei ham naira py nga, atiu naira y py sorai thau, cheng takhrachi i atiu nai kamkawmchi ai py ahei hai.Ref 11.34: Dan 3.1–30
35 Neampachychi my nichi i kadeichi ai angthau bi naira y nga teang; khumi takhrachi my khri pa-rei ana patheng paang nai, angthau bi naira hawi tleaung hawi ra nga u thai ai nai lawi naira ly ngai y leang bo;Ref 11.35: 1 Ar 17.17–24; 2 Are 4.25–37
36 khumi takhrachi my py panui hai naira hawi chip naira patang:ne, huni ny y nai py kawm nai hawi theaung y paeung nai py avum u teang;Ref 11.36: 1 Are 22.26–27; 2 Neng 18.25–26; Jer 20.2, 37.15, 38.6
37 naibaly lengseaung y aphi nai py awm, raw y hihyh baw nai py awm, parawi naira py avum, haisau y ateng ka nai py awm; nichi ly beram peih hawi mi-i peih akhiu nai aleaung u ryry iy, avaw py avaw, patang py patang, ana hai nai py awm;Ref 11.37: 2 Neng 24.21
38 nichi ly daichi ka-vym y hawi, mawi y hawi, angawm y hawi, tapiu y py aleaung ryry lawh; khaileaung pri ly nichi ai ataing y leang.
39 Naibaly hinichi bawibawi ly ym u nai deaungkho y palo naira nga chum iy leu adeu nai ly ngo y leang;
40 ati mana nai mo nabaly achi ai tabawi y nai ly nichi ai angym hai y ai nai, Tameuh my achi i molam y atiti hawi tleaung hawi ra nai ang sa pi chum veng bo.