21
Isaka ai tapen nai
1 Areng ly mymy i leu adeu nai kamta Sarah ai amtheaung hai bo.
2 Naibaly mymy ly deaungdi aniu i miteaung theung y Abraham i vui chapo leaungrei tapen pi. Tameuh my adeu nai neng y deaungdi tapen khyp nai ne.Ref 21:2 Heb 11:11
3 Abraham ly Isaka, nanai amyn pathi bo.
4 Naibaly Isaka kani tajarei awm nai khala y, Tameuh my leu pei nai kamta Abraham ly lengkhym takip pi.Ref 21:4 AA. 17:12, Ataw 7:8
5 Isaka ai tapen nai khala y Abraham ly saneng chungvairei awm.
6 Sarah my, “Tameuh ly kai ai amo theu hai, amnui ano hai i, thai nai khumichi ly kai hawi vanrei amo theu u ai,” napi.
7 Sarah my thui bi i, “Sarah ly my i chapo kypkyp ai pacho panei ai, nanai Abraham teng y ami my thui pi ai mo? Ni ly miteaung pui cheang nai khala y, kai ly chapo leaungrei tapen pi lawh!” napi.
8 Deaungdi py veangryh veangryh i, kanu li nai kani y Abraham ly pawi len parai nai sa pi.
Hakara hawi Ismaela ai patheu vui nai
9 Kanirei nai khala y, Aikupta neampachy Hakara my Abraham i vui tapen pi nai chapo Ismaela ly Sarah i chapo Isaka hawi pavai ahawinote 21:9 pavai ahawi; ti y baly amnui thlang sa hawi. * i, panui pachem hai bo.
10 Sarah my huna nai niu i Abraham teng y, “Hini miseaung nu hawi chapo ai ly paryh veng. Kai i chapo Isaka amtym ai nai nang i yhmtheaungchi ly miseaung nu i tapen nai chapo amtym ai nai avo y,” napi.Ref 21:10 Kal 4:29-30
11 Abraham ly Ismaela py mymy i chapo ne teang lawh nai deaungkho y khri pa-rei paleung bira avum bo.
12 Na i py Tameuh my Abraham teng y, “Nang i miseaung nu Hakara hawi chapo molam y nang paleung bi moh. Sarah i thui nai kamta nang sa ai nai tla; ati mana nai mo nabaly kaimy leu adeu hai nai kamta Isaka dengdairei nang i kangpreangchi peung ai.Ref 21:12 Rom 9:7, Heb 11:18
13 Miseaung nu i chapo py nang i chapo ne teang i, mymy ai py cho chanau neangneang peung hai ai: nichi py khumi cheng harei lawm teang ai,” napi.
14 Kani pa-nyh khawn angthodyh Abraham ly Hakara teng y teicha teinei hawi tui kawi meng nai mawi peih adym pei pi; deaungdi ai peu hai iy yhm i nai pala vui bo. Miseaung nu ly hu i nai satla i, Beraseba napi nai daichi ka-vym mang y preang bo.
15 Tui kheih be nai khala mymy ly deaungdi ai kabeng theung y khai su iy,
16 hlaurei ka-khanra y ateh nai tarawi y, mymy ai mymy naimy, “Deaungdi dei nai ly kai khen vam y,” nanai thui iy vo bo.
17 Tameuh ly deaungdi i vo nai katyn thai i, kani pri mang y awm nai Tameuh i kani pri amtaw thau naimy Hakara teng y, “Hakara awi, nang ly ati mana nai y paleung bi mo? Mawn reng moh; Tameuh my deaungdi i vo nai katyn thai bo.
18 Angthau ly deaungdi ai tapawm iy awm hai nem. Kaimy ni i kangpreangchi ai cheng kalen lawm hai ai,” napi.
19 Naibaly Tameuh my ni ai mei pali hai i tuikan harei niu bo. Mymy ly chei iy mawi peih adym y tui kawi pa-rei tleng i, deaungdi ai panei bo.
20 Tameuh my huni deaungdi ai tleaungri cheang pa-rei huni deaungdi teng y awm hai; mymy ly Paran daichi ka-vym y awm i, mawi sara kalen lawm nai ne.
21 Amhm my Aikupta neampachy leaungrei hawi apom hai bo.
Abraham hawi Abimelek sala ka-dyh ka-dawi sa nai
22 Huni neng khala, Abimelek ly my i tavailu Phikol hawi Abraham teng y chei i mymy teng y, “Nang i sa naira tleirei y Tameuh my awm hai nai ne.Ref 21:22 AA. 26:26
23 Hunai deaungkho y kai hawi kai i kangpreangchi ai py, kai i cho chanauchi ai py, nang ly tapawp y leang, nanai Tameuh i mo y vaineng abeu ba. Kai py nang i vaineng sa nai kamta kang tapawp y leang mang; nang hini pri y awm nai thym khala kai py ka-ym awm ai, nanai leu adeu bo,” napi.
24 Abraham my, “Kai leu adeu mang,” napi.
25 Abraham ly Abimelek i miseaungchi my tuikan lawm vui nai molam y, Abimelek teng y amti pi.
26 Abimelek my Abraham teng y, “Huna nai ami sa mo, nanai kai pany y. Nang py kai teng thui vai y, kai ly vai naini kathai angchei rai,” napi.
27 Naibaly Abraham ly Abimelek teng y, beram py, si py pei pi i, nini ly ka-ly sa hawi bo.
28 Abraham ly mymy i tawnbawichi theung i nai beram cho saryhrei vawi takhra bo;
29 naibaly Abimelek my Abraham teng y, “Nang ly ati mana sa nai mo?” napi.
30 Abraham my, “Hini tuikan ly kai i tai nai tuikan ne, nanai nang pany ai nai hini beram saryhrei kang pei nai ne,” napi.
31 Hu y nini ly vaineng asa hawi nai deaungkho y huni meingtym ai ly Beraseba,note 21:31\xk Beraseba: Hebrai leu y “Vaineng tuikan” nanai sai ne.*\x* nanai amyn pathi hawi bo.
32 Nini ly Beraseba meingtym y leu adeu chum baly, Abimelek hawi tavailu Phikol ly Philistin pri mang y vawi hawi teang bo.
33 Naibaly Abraham ly Beraseba meingtym y pangli maicha keungrei ui ato i, mymy ly deungtasarei awm jojo nai Areng Tameuh ai chiu bo.
34 Abraham ly Philistin pri y kra parai pa-rei awm nai ne.