20
Leusai Horei pei nai
(Leu 5:1-21)
1 Tameuh my,
2 “Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.
3 “Kai ny y baly tameuh takhra y chiu moh.
4 “Kani khusangra i heng nai amjy, khaileaung salo i heng nai amjy, khaileaung anui tui theung i heng nai amjychi ka-tawm mynchi ly nangmychi i vui so u moh. Ref 20:4-5 Theu 34:17, Lev 19:4, 26:1; Leu 4:15-18; 27:15*
5 Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai. Ref 20:5-6 Theu 34:6-7; Kati 14:18; Leu 7:9-10
6 Na i py kai ai tamen iy kai i reita patawm nai khumichi ai ly deung kangthau sang ho khrairei katamen ai.
7 “Kai i amyn thui rumrang moh; kai ly nang i Areng Tameuh ne i, kai i amyn thui rumrang nai khumi ai ly kapajeng ai. Ref 20:7 Lev 19:12
8 “Anawn kani y ja ai nai tami reng moh. Huni kani ai ly kachai khai takhra ai nai tla.Ref 20:8 Theu 16:23-30, 31:12-14*
9 Nang ly kani tariurei sala y, sa ai avo nai kalopchi sa ai nai tla;Ref 20:9-10 Theu 23:12; 31:15, 34:21; 35:2, Lev 23:3*
10 Saryh kani ly Tameuh i vui khai takhra nai anawn nai kani ne. Huni kani y ly nangmy hawi nang i cho chanauchi, miseaungchi, tawnbawichi, angvynchi py kalop sa ai nai avo y.
11 Kai Areng ly kani tariurei sala y my kani khusang, khaileaung, pangli hawi huni theung y awm nai cheaungkhangchi ai sa iy saryh kani y anawn nai ne. Naibaly Areng my huni Anawn nai kani ai ly amtheaung hai iy kani kachai palawn bo.Ref 20:11 AA 2:1-3; Theu 31:17*
12 “Nang i Areng Tameuh my pei nai pri y heng sau ai nai, nang i amhm, ampo ai tahm khai.Ref 20:12 Leu 27:16, Mt 15:4, 19:19; Mk 7:10, 10:19; Lk 18:20, Eph 6:2-3 *
13 “Khumi ai padei moh.Ref 20:13 AA 9:6, Lev 24:17, Mt 5:21, 19:18, Mk 10:19, Lk 18:20, Rom 3:9; Jak 2:11 *
14 “Pajang so moh.Ref 20:14 Lev 20:10, Mt 5:21, 19:18; Mk 10:19; Lk 18:20, Rom 13:9; Jak 2:11*
15 “Paviu moh.Ref 20:15 Lev 19:11, Mt 19:18, Mk 10:19, Lk 18:20, Rom 13:9*
16 “Amichi ai ka-chawi naimy seu rumrang moh.Ref 20:16 Theu 23:1, Mt 19:18, Mk 10:19, Lk 18:20*
17 “Ami i yhm hlau paleung no moh; ami i aju py, miseaungchi ai py, tawnbawichi py, keaungngo kano kasauchi py, mymy i atitichi py paleung no moh,” napi.Ref 20:17 Rom 7:7, 13:9*
(Leu 5:22-23)
18 Khumi mipuichi ly kani pajyh nai katyn, baw eng nai katyn hawi amlosadi theu nai, mawi verei mai khyh theu naichi ai niu nai, thai nai khala jei hyn u i, kamlo mang y angdo u bo.Ref 20:18-19 Heb 12:18-19*
19 Nichi my Mosi teng y, “Nangmy kaichi teng y Areng i leu pei nai amti pi ba, kaichi tangai ai mang; na i py Tameuh kypkyp my kaichi teng y leu pei lawh baly kaichi ly dei ai,” napi.
20 Naibaly Mosi my, “Jei u moh; nangchi ai cham ai nai py, nangchi ly mymy i leu tangai iy kamngo so y ai nai py, Tameuh ang jeu nai ne,” nanai pathang.
21 Na i py mipuichi ly kamlo kyh y angdo u jo rai. Mosi naini Tameuh awm nai tamai kaveng sahawi y chei tapai khyh nai ne.
Maicham i vui Reitachi
22 Areng my Mosi dengdairei Israelachi teng y thui pi nai ly “Kai, Areng ly kani mang dengdairei nangchi teng y leu pei nai nangchi pany u bo.
23 Nangchi ly kai ai naini chiu ai nai tla khyh; nangmychi i vui muku, tangkachi hawi tameuh mynchi sa iy chiu u moh.
24 Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai.
25 Nangchi ly kai i vui lengseaung hawi maicham sa baly, si nai lengseaung hawi so moh; tamo hawi si nai lengseaung maicham ly chai y i, kai i vui y teaung ngau y nai ne.Ref 20:25 Leu 27:5-7; Josua 8:11*
26 Maichamra y kheubyn so moh; sa lawh baly, nangchi maicham tleaung y lyn nai khala tlang ka-keu awm nai niu ai.