3
1 Saryh lo tym nai khala y Israela chengchi ly mymychi i marychira y khuteng chah naimy awm u bo. Naibaly nichi ly Jerusalem mary y angym u i,
2 Ref 3.2: Theu 27:1. Jehozada i chapo Josua hawi ni i ahawi pathyp pi nai keungchi, Sheltiel i chapo Zerubabela hawi vanrei mymy i ajo amnauchi ly Tameuh i khumi Mosi i Reita cha-iu theung y tajiu nai kamta, kapathyprachi leng patlum ai nai Israela chengchi i Tameuh i vui maicham sa u nai ne.
3 Ref 3.3: Kati 28:1-8. Pri palara i vawi u ali teang nai khumichi ly huni pri y awm nai takhra chengchi ai jei u teu i py, meingtym kangngymra y maicham sa u teang bo.
4 Ref 3.4: Kati 29:12-38. Nichi ly reita leu pei nai kamta Taichy pawi sa u nai ne. Kani tleirei talam ai avo nai kapathyprachi py talam u.
5 Ref 3.5: Kati 28:11—29:39. Huni bo y nichi ly reita kamta bom verei leng patlum nai kapathyprachi py, lo si kani pawi py, Areng ai chiu nai takhra pawi kanichira y talam ai avo nai kapathyprachi py, Areng teng y amymy i paleung kangai talam nai kapathyprachi py talam u.
6 Khumi mipuichi ly Achura yhm sa palum teang ai nai amteaung y rai teu i py, saryh lo angchei kani y leng patlum nai kapathyprachi Areng teng y talam u amteaung bo.
7 Khumi mipuichi ly lu sa kawp naichi hawi lasamachi ai pei ai awm nai tangkachi sabawm u nai ne. Lebanon daichi i saitleang keungchi ai pangli dengdai Joppa tuivum y tym pa-rei pathui hai ai nai Turu hawi Sidon mary i khumichi teng y teicha teinei, kreip hang hawi olive asituichi tha pi; hunichi ly Pasia empara pri peang nai samrang Kuru my leu pei nai ne.
8 Hunai deaungkho y nichi ly Jerusalem mary Achura yhm sa nai meingtym y tym u ali teang nai saneng, pa-nyh lo y, Achura yhm sa nai kalop amteaung u. Zerubabela, Josua hawi amjo amnauchi, pathyp pi nai keungchi, Levi theaungchi dengdairei amteaung iy, Jerusalem mary y tym u ali teang nai pri pala nai cho bawibawichi ly sa amteaung nai kalopra y abawi u.
9 Levi theaung Jesua hawi chapochi (Hodaviahnote 3:9\xk Hodaviah: Hebrai leu y “Juda” nanai sai ne. \x*nupaichi ne), Kadamiela hawi chapochi ly Achura yhm sa naira y lu sa ai nai abawi u bo. (Nichi ai Henada nupaira i Levi theaungchi my sabawm u bo.)
10 Ref 3.10: 1 Neng 25:1. Kalop sa nai khumichi ly Achura yhm leng amteaung nai khala y pathyp pi nai keungchi ly mychi i ateaung amthyp iy, bawchi syn naimy meingtym la u nai ne. Naibaly Asah nupai theung i Levi theaungchi my sa-rachi syn u; nichi ly samrang Davida my leu pei yb nai kamta, Areng ai palo u bo.
11 Ref 3.11: 1 Neng 16:34; 2 Neng 5:13; 7:3; Sam 100:5; 106:1; 107:1; 118:1; 136:1; Jr 33:11. Nichi my Areng ai palo u nai ly
“Areng ly hawi, mymy i tamen naira ly Israela chengchi i vui deungtasarei ne,”
nanai khulym thui anawira anawira iy Areng ai palo u.
Achura yhm leng amteaung chum nai deaungkho y khumi bawibawichi ly Areng ai aeu naimy palo u nai ne.
12 Achura yhm kangngym niu vai nai saneng kalen pathyp pi nai keungchi, Levi theaungchi hawi nupaichira y lu sa nai khumi neangneangchi ly huni Achura yhm leng amteaung nai niu nai khala y vo hang u. Na i py phyrei khumichi ly amo theu nai aeu u bo.
13 Amo theu aeu nai raawi hawi vo hang nai raawi ai ami py khawilang takhra thai y. Khumichi ly tao pajeng parai naimy aeu u nai deaungkho y kamlo mang py thai u nai ne.