3
1 Mipi cu uktupawl leh thungeitupawl ih thuzulmi i dingah, thuzulmi i dingah, rianŽhahnem cang Žuan dingih a tiaritiami i dingah,
2 ahu pakhat ih siatnak khaw ang lo dingah, bawhtiak hrel dingah, thinnem dingah leh micang hemah awka leh omzia thiamnak lansak dingah pherphuak hngai.
3 Icatile kanmah hrimhrim hi voikhat lio ah cun a aami, thucangngailo, hruaisualmi, hiarnak leh nomnak phunphun ih salpawl kan ita. Ziarngeihnak leh iksiknak in ka nicaanpawl kan liamsak, hringhuatpok kan ii ih pakhat leh pakhat kan huatia.
4 Ihmansela a man Rungtu Pathian ih Žhatnak leh dawtnak thinŽhatnak a lan tikah,
5 kan Žuan taakmi dingfelnak rianpawl pakhatkhat ruangah iloin, hrintharnak ih kholnak leh Thiang Thlarau ih tharsuahnak thawngin a man rungdam.
6 Ahi Thlarau hi a man Rungtu Jesuh Khrih thawngin kan parah duhdimngai in a man thlet.
7 Acucu a velngeihnak thawngin midingfel ih siah kan ikngah in, kumkhua nunnak kan ruahsan mangin rocotule kan cannak dingah a ii.
8 Aannak ih timi hi thungai a ii.
Hi thilpawl hi an Žul tiah na ti reuri awkah ka daw, cuticun Pathian a zumtupawl ni thilŽha ti dingah an pun piatia dingah a ralring taw uh; hi thilpawl hi mi zate caah a Žhahleicemi leh manngeimi an ii.
9 Ihmansela atthu a imi thu-altiak, suahkehnak pilepu minkhummi, ŽhenŽhehnakpawl, daanthu ah bawhtiaknakpawl cu hrel hngai, icatile ahipawl hi cu a Žhahnem lomi leh ivongvalo an ii.
10 Žiankuainak a suahsaktu ahumaw cu voi khatnak leh voi hnihnak na simhrin hnukah cun ituhman pehpon ti hlah,
11 icatile acumang mi cu a rawkcatmi leh a sualmi, mahte hnongtiami a ik na tiah.
12 Na hemah Artemas, iklole Taikhikas ka thlah tikah, Nikapolis khua ah ma pha dingin a Žhatleng in zuamtia law, icatile acunangah isik caan hmang dingin ka ruatcattia.
13 Sih-nipa Zenas, cun Apollos cu an khuallam ah a Žhatleng in bawn hngai la, ituhman an sambau lonak dingah tawlrel law.
14 Kan mipawl hi poirang Žulnakpawl ah mi bawn kho dingin thilŽha ti ah punpiaktiak zir zok uh seh, cuticun Žuansuakmi ngei lo a i hlah taw uh.
15 Kei rum a om tu an zate ni biaksonnak an tan kuat. Zumnak sungih a man daw tupawl sawnbia hngai. Nan zate hemah velngeihnak cu om hram seh.