3
1 “Cun Sardis khua ih ommi pawlpi ih vanmi hemah hihi ngan: Hipawl hi Pathian ih thlaraule pasarih leh arsi pasarih a ngei tu ih aanmi an ii: “Na rianŽuanpawl ka tiah hngai, anung timi min cu na ngei kau, ihmansela na thi.
2 Òhangtia la, cun a taangmi leh a thi samtemi cu dikcak in vua, icatile na rianŽuanpawl hi ka Pathian hnganah tlamtlingin ka hmu hngai lo.
3 Curuangah, na comi leh na zakmi cu cingkeng; cangngai la sualrim. Na Žhantiak lo ahcun mitir mangin ka pha thokih, khawcangah ka tan pha thok ti na tiah thok lo.
4 Ihmansela Sardis khua sungah an partlaipawl a thurhnomsak lo tu mi tlawmte cu na ngei hngai; anmimi cu puan raang sinin kei rum an vak khat thok, icatile a tlakmi an ii.
5 Na neh ahcun anmah mangin angkitual raang khawhsak na i thok, cun nunnak laibu sungin na min ka phiat thok lo; ka Pa leh a vanmipawl hmaika ah na min ka phuang thok.
6 Naa a ngeitu ahu ni khaw pawlpile hemah Thlarau ih simmi cu ngai seh.
7 “Cun Filadelfia khua ih ommi pawlpi ih vanmi hemah hihi ngan:
Hipawl hi a thianghlimmi,
a hmaan mi,
David ih tawh a ngei tu,
a honmi cu ahuhmanih
khaar khawhlo,
a khaarmi cu ahuhmanih
hon khawhlo, ih
aanmi an ii:
8 “Na rianŽuan ka tiah hngai. Zohhman, na hmala ah ahuhman ih khaar khawh lomi sangka honcia ka tan siah. Thazaang tlawmte ceu na ngei ti ka tiah kau, ihmansela ka thu na cangngai ih ka min na pheh ta lo.
9 Judahpawl tiah an ti tia nain a i lomi mideupawl – Satan ih sinakok a i mipawl cu na ke hmala ah pha in bok dingah ka vua hngai thok, culeh ka tan daw ti hi an zirngah thok.
10 Thinsau ih in ding timi ka thu na cangngaih ruangah, Vulei parih a omtupawl hniksak dingin vulei punpuluk ah a pha thok mi harnak caan ah ka tan kilkhawi thok.
11 Ihlet hlanah ka pha thok; ahuhman ni na bawi lukhum an tan suh lonak dingah na ngeihmi cu tlai Žho.
12 Na neh ahcun, ka Pathian biakinn ih Žhuam pakhat ah ka tan vua thok; a sung in na suak dah thok lo. Na parah ka Pathian min, ka Pathian ih khualipi, ka Pathian hem vancung in a zong Žum mi Jerusalem thar ih min, cun kamah rori ih min thar ka ngan thok.
13 Naa a ngeitu ahu ni khaw pawlpile hemah Thlarau ih sim hngaimi cu ngai seh.
14 “Cun Laodisia khua ih a ommi pawlpi ih vanmi hemah hihi ngan: Hipawl hi Amen, mifel leh ahmaanmi thutiahpitu, Pathian seemsuahnak hrampi ih aanmi an ii:
15 “Na rianŽuanpawl ka tiah hngai; adai khaw na i lo, asa khaw na i lo. Adai maw asa maw pakhat sangsang ii ci la ka daw.
16 Adai le i cuang lo asa le i cuang lo, alum phutphat fang na ik ruangah, ka kaa sungin ka tan hei sa vel thok.
17 Icatile, ka lian paan, ka lungtluai, ituhman ka Žul lo tiah na ti. Mithinhar, naktiakŽha, farah, mitcaw leh partlailo na ik na tiahtia lo hi.
18 Curuangah, milian na ik khawhnak dingah mei sungih ermi sui, partlailo na ik hmuh na ik ih ningzahhuah thok tan pheen dingin khawhtiak dingah a raangmi angkitualpawl; culeh khua na hmuh nak dingah na mit phulh awk mitphulh sii, ka hemin lei hngai dingah ruahnak ka tan pia.
19 Ka dawtmi le cu ka hringŽon hngai ih nun ka sim hngai. Curuangah na thintakin om la, sualrim.
20 Ngaihman! Sangka hramah diingin ka kiingberbo; mi pakhatkhat ni ka aw a za ih sangka ama hon ahcun, a hemah ka lut thokih amah cu caw ka awk pi thok, culeh ani khaw kei rum caw a aw thok.
21 Ka neh ih ka Pa rum a toŽhiang ah ka to mangin, a neh tu cu ka toŽhiang par ka hemah hmun ka pia thok.
22 Naa a ngeitu ahu ni khaw pawlpile hemah Thlarau ih simmi cu ngai seh.” tiah a ti.