11
(Saam 69:22-23; Isa 29:10)
1 Pathian ni a miphun Israel a hnong rom hmen maw? tiah thu ka dil rih thok. Naisai hlah ee! Kamah hrimhrim hi Israelmi pakhat, Abraham ih hrinsar, Benjamin hrin ih sungtel pakhat ka ii.
2 Pathian ni a hlan in a tiahciami a miphun cu a hnong lo. Elijah ni Israelpawl ralsanin Pathian hemah,
3 “Bawipa, na profetpawl an that, na pakawhpawl an siatsuah; ka pakhat ceu ka taang, culeh kanmah hman hi ma thah an khaitia,” tiah a ngen khi Lai Thianghlim ni itu a sim ti nan tiah lo maw?
4 Pathian ih a lehnak itu a ii? “Baal khuazing hemih khuk a bil lo tu minung thawng sarih kamah caah ka siahtia,”Ref 11:4 1Sia 19:18 ti a ii.
5 Acumang ve cun atu ah khaw velngeihnak in rilmi a taangsun an om.
6 Ihmansela acucu velngeihnak thawngin a ik ahcun, rianŽuan parih sirhsanmi a i ti lo hmen cu, culocu velngeihnak cu velngeihnak a i ti thok lo.
7 Itu om rih maw? Israel ni a hrawl reromi ngah a tlolh. Rilmi ni cu a congah, a taangmi hmawh zong cu an thinlung hakin vuak an ii.
8 “Pathian ni khuituungmi
thinlung, khua hmu lomi mit,
khua a za lomi na,
nihinni rori tiang hi
a pia hngai,”
tiih nganmi mang a ii.
9 Culeh David ni,
“An cabuaipawl cu thang leh
mi awhnak ah,
tuasikawk leh anmah
phuleisamnak ah cang seh;
10 an hmuh khawh lonak dingah
an mitpawl cawtsak ii uh sela,
an keeng cu kulhsak berbo
ii uh seh,” Ref 11:9-10 Saam69:22-23
tiih nganmi mang a ii.
11 Curuangah taubah dingin tua an sii maw? tiah thu ka dil thok. Naisai hlah ee! Ihmansela an daanbuarnak thawngin rundamnak cu Zentail-mipawl hemah a pha, acucu Israelpawl ni an nahsuah nak dingah a ii.
12 An daanbuarnak cu vuleipi caah lenŽhatnak, cun an tlolhnak cu Zentail-mipawl cah lenŽhatnak a ik ahcun, an zate luhsak an iknak cu itu tican i hlehhlo lei maw!
13 Atu cu Zentail-mipawl hngai, nan hemah ka ang. Zentail-mipawl hemih tirhthlah ka ik ruangah,
14 ka miphun rori hi nahsuahnak ngeihsakin, cuticun anmah lakih mihrekkhat ka run ngah hngai nak dingah ka rianŽuan cu ka sunloih.
15 Icatile anmah hnonnak cu vuleipi caah remŽhannak a ik ahcun anmah cosaan an ik cu mithi thawhŽhan simlo itu i thok hmen?
16 Sang demmi sungih thlaithar tiih piakmi dar khat cu a thianhlim ahcun, sang ih demmi sangvut zate cu a thianghlim; culeh a hram a thianhlim ahcun a tlangpawl khaw an thianghlim ve kau.
17 Ihmansela a tlangpawl a hrekkhat an tanih, an omnak ah nang hramlak oliv thingtlang cu oliv kung ih lenŽhatnak Žom dingah peh na ik ahcun,
18 a tlangpawl cungah porhtia hlah law. Na porhtiak ahcun, nang hi a hram dokamtu na i lo, a hram tu hi a tan dokamtu a ii ti hi cingkeng.
19 “A tlangpawl cu kei peh ka iknak dingah a bauh hekhawh,” na ti thok.
20 Acucu ahman kau ee. Anmimi cu an zum lonak ruangah bauh an ii, nang zong cu zumnak thawng ceu in na ding Žho. Curuangah mizumtia ah cang hlah, Žihzahnak rum om sawn.
21 Icatile Pathian ni ikelcia tlangpawl hman a zuah hngai lo ahcun, nang cu a tan zuah ce hlei thok lo.
22 Pathian ih thinŽhatnak leh a riingnak hi minhlin: a ngalmi caah a puarhraang, a thinŽhatnak sungih na ompeh zong ahcun Pathian thinŽhatnak tu cu na parah a om; culocu nang khaw tan mianmi na i thok henakhawh.
23 Culeh anmimi hman an zum lonak sungih an ompeh reuri lo ahcun, pehŽhan an i thok, icatile Pathian cu anmah pehŽhan hngai dingah huham a ngei.
24 Icatile nang, hramlak oliv kung ikelcia in tan na ii ih, ikningkeel rum kalhtia in ciinmi oliv kung ah peh na ik ahcun, hih ikelcia tlangpawl cu anmah ih oliv kung ah ii tlukin pehŽhan an i hlehhlo thok!
25 Ulenau hngai, nan iknak vanin tingdeuh in nan simtiak lonak dingah, hi thuthuk: Zentail-mipawl an milu kim an luh hlansung cu Israelmi hrekkhat parah thinlung hahnak a pha, timi thuthuk hi nan tiah dingah ka daw.
26 Curuangah Israelmi an zate run an i thok;
“Rungsuaktu cu Zion in
a pha thok;
Jakob hemin biaknakla ih
zuam lonak a hmatsak thok.” Ref 11:26 Isa 59:20
27 “Culeh an sualnakpawl
ka latpiak hngai mianmi
tikah cun, hihi anmah rum
ka thukam cu a i thok,” Ref 11:27 Jer 31:33-34
tiih nganmi mangin a i thok.
28 ThuthangŽha rum pehtlaitia in cu nanmahpawl ruangah anmimi cu Pathian ih doral an cang; rilnak rum pehtlaitia in zong cu anmah hringsartule ruangah anmimi cu dawtmi le an ii;
29 icatile Pathian ih Žhentlawimi leh kawhnak cu khirhŽhan khawh lomi an ii.
30 Nangmi cu Pathian thuzullo nan ita dah nain atu cu anmahpawl ih thuzulh lonak ruangah velngeihnak nan co rom mangin,
31 nanmah hemih lansakmi velngeihnak thawngin anmimi khaw atu hi velngeihnak an co ve nak dingah atu hi thuzullo an ii.
32 Icatile Pathian ni mizate hemih vel a ngeih khawhnak dingah mizate cu thuzulh lonak sung ah thawng a thla hngai.
33 Maw, Pathian ih lenŽhatnak leh tinnak leh thutiahnak ih thuk zia cu! A thuŽhenpawl kherhlaikhawhlo leh a lampipawl zoikhawhlo an ik zia cu!
34 “Icatile Bawipa ih
khuaruahnak cuahu ni a tiah?
Iklole ahu cu amah ih
ruahnakpiatu a ii?” Ref 11:34 Isa40:13
35 “Iklole ahu a ii laksawng
ngah Žhan dingah a hemih
laksawng a pia tu?” Ref 11:35 Job 41:11
36 Icatile thil hmawhhmawh hi a hemin leh amah thawngin leh amah caah an ii. Amah hemah sunparnak cu kumkhua in om kau seh. Amen.