SAAM 90
BU LINAK
Kumkhua Pathian, Hmunlo Minung
Pathian-mi Moses ih Thlacam
1 Bawipa, san om hmawh ah
kan omnak hmun na ii.
2 Tlangpawl seemsak an ik hlan,
vulei leh vuleipi na seemsak
tak hlan khin
a kumkhua in kumkhua nang cu
3 Vutning ah aman kirsak ih,
“Nangmi thikhomipawl,
kitŽhan uh law,” tiah a man ti.
4 Icatile kum thawng khat cu
na hmaiah cun a liamtiami
ranganzan mang,
zan ih caan tawite mang a ii.
5 Nang ni hnawmhne mangin
na phiak hngai mianmi,
anmimi cu zanmang mang
men an ii,
mawla ih a hnoŽhanmi taa
mang an ii:
6 mawla ahcun a paar ih
tharsuah a ii;
simla ahcun a vuai ih a ziam.
7 Icatile na hehharnak ni
aman kaang;
na thinsiatnak ni aman khum.
8 Kan Žhat lonakpawl cu
na hmaika ah,
a thupih kan sualnakpawl cu
na mithmai ih tletnak ah
9 Icatile kan nun caan cu
na thinsiatnak tangah
an liamtia;
kan kumpawl cu voikhat
thawpisuah mangfang in
an deng tia.
10 Kan nundam sung cu
kum sawmsarih an ii;
kan tha a Žhawng ahcun
kum sawmriat a i kho;
acu hmanah an caan sung cu
retheih leh harnak
tlong an ii;
ihlet hlanah an liamih,
11 Na hehharnak ih huham cu
ahu ngai ni Žhate in
a tiahthiam?
Na thinsiatnak cu hrul tlak
na ik tlukin a nasa.
12 Curuangah kan nicaanpawl
siar daan man zirh la,
tinnak thinlung a ngei taw ung.
13 Maw Bawipa, mertia hram,
ii hlet theih na thin
a sia thok?
Na tungsaule hi man
phusahih hram.
14 Mawla ahhin ahmunmi
na dawtnak rum
kan di man riamsak hram,
cuticun kan nun sung
lungawi leh ngetia in a om
taw ung.
15 A man intemsak rom mi
nicaanpawl an tam zetin,
cun thilŽhalo kan tuahmi
kumpawl an tam zetin,
ngetia in man vua hram.
16 Na Žuanmi cu na tungsaule
hemah hin,
cun na huham sunglawi cu
an tianaule hemah,
lansak i hram uh seh.
17 Bawipa kan Pathian ih
mithmaiŽha cu
kan parah om hram seh,
cun kan kut ih Žuanmi hi
lenŽhatsak hram seh,
kan kut ih Žuanmi cu
lenŽhatsak hram seh law!