SAAM 77
Pathian ih Adikmi Thiltipawl
Hlarem Hruaitu Jeduthun hemah: Asaf ih Hla
1 Pathian hemah dakpi in ka au,
Pathian ni ma za dingin
a hemah dakpi in ka au.
2 Ka harsat nikhua ah Bawipa
ka hrawl;
zan ah ka kut zawng lote in
ka phar;
hnemnak ka tuak kho lo.
3 Pathian ka ruat, cun
ka aihram,
ka ruat cuahco,
4 Nang ni ka mit khom
thiam loin ama vua,
Ka buai tukih ka ang zo lo.
5 Hlanlio ih nicaanpawl
ka von ruat hngai,
cun hlanliopi ih kumpawl
ka mang hngai.
6 Zan ah ka thinlung rum
thu kan ruahtia;
ka ruat cuahco, cun
ka thinlung ni a zingzoi:
7 “Bawipa ni aman hnong
tlaitluan thok maw?
Cun mithmaiŽha aman piaŽhan
dah ti thok lo maw?
8 Ahmunmi a dawtnak teh
a dengtia thok maw?
A thutiampawl teh a khawcangin
an deng dah thok maw?
9 Pathian hi mi velngei ik
a palhtia rom henala im?
A phusahihnak teh a thinsiain
a phit rom hetur im?”
tiah a ti.
10 Culeh, “Ka ngaihsiatnak cu
Sang Tleng ih vorhla kut
thil ti khawh ti lo hi a ii,”
11 Bawipa ih thiltipawl
ka vong ruat la hngai thok;
hlanlio ih na donharŽhapawl
ka mang hngai thok.
12 Na Žuanmi hmawhhmawh
ka ruatcuahco hngai thok;
culeh a nasami na thiltipawl
13 Maw Pathian, na thiltidan cu
a thianghlim.
Kan Pathian tlukih pipami
itu pathian a om?
14 Nang cu donharŽhapawl
a vua hngai tu
Pathian na ii;
mipawl lakah na dihnak
na hmuh hngai rom.
15 A dikmi na baan in na mi,
Jakob leh Josef ih hrinsarle
16 Tipawl ni an tan hmuh tikah,
maw Pathian,
tipawl ni an tan hmuh tikah,
an thin a phang;
ti thukpi rori a nawnawt.
17 Meicipawl ni ruah
an zuk sak;
vanpawl ni khua an rii;
kaakipah na thalpawl
an tle zukzo.
18 Na khuari cu phusiing
sungah a om;
na nimtlakaupawl ni
vuleipi an tlet;
vulei cu nawnawtin a hnit.
19 Na lam cu tilipi a tan,
na kong cu aŽhawngmi
tipi a tan hngai;
ihmansela na keniahpawl
hmuh an i lo.
20 Moses leh Aaron ih kut in
na minungpawl cu
tuurun mangin na hruai
ta hngai.