SAAM 65
ThangŽhatnak leh Lungawinak
Hla Hruaitu hemah: David ih Hla
1 Maw Pathian, Zion ahhin
thangŽhat ding bat na ii;
cun na hemah thukhaampawl
vuak an i thok.
2 Maw, nang thlacam milet tu!
Mi hmawhhmawh cu
na hemah an pha thok.
3 Òhat lonak thiltipawl ni
aman khum tikah,
kan daanbuarnakpawl
aman ngaidam.
4 Na ril hngai mipawl leh
na hmun thiang ah
om dingin a hnaih ih na siah
mi le cu an thluasuak.
Keimi cu na inn, na biakinn
thiang ih Žhatnak rum
5 Khuaruahhar thiltipawl thawngin
kan thlacampawl cu
aman letih aman rungsuak;
maw Pathian, aman rung tu.
Nang cu vulei punpuluk leh
a hlatleng tilipipawl
netnak ih a om tule an zate ih
ruahsannak na ii.
6 Na thazaang in tlangpawl
na toh hngai ih;
dihnak rum na thuamtia.
7 Nang ni tilipipawl ih
an huknak,
tiletpawl ih huknak, mipawl ih
ralthawhbuainak thawng cu
na daihsak hngai.
8 Vulei a hlatnak tleng zawn ih
a om tupawl cu
na hmuhsaknakpawl thawngin
an mang a bang;
nisuahnakla leh nilawhnakla
a hlatleng ih
om tupawl khaw lungawi ih
9 Vulei hi na don ih ruah
na zuk sak,
thlai keeu Žhatnak leiram
Žhangai ah na vua;
Pathian ih tipi cu a keu dah lo;
minungpawl cu thlaici
na thlak hngai,
icatile acuti cun na tuahtim rom.
10 An thuanmi vulei cu ruah in
thlawkkau na zon vua ih,
leidilpawl mot in leh an thuannak
tluanpawl ruangrawn in
na vua hngai,
ruahti in na nemsak ih,
thlai keeu cu
thlua na suah hngai.
11 Thlai khawm awk tampi rum
kum na vui sakih,
na leengpawl cu lennak in
an liam kau.
12 RamŽhing ih sumpilpawl
tahringhno an sah ngai ih
mualpawl cu lungawinak rum
an thuamtia,
13 Hramhnopawl cu sumhnam
runpawl in an khatih
kuarrawnpawl cu thlai kung
in an khat,
lungawi in an au ih
hla an sa khat.