SAAM 56
Hremnak lakih Pathian Rinsan
Hla Hruaitu hemah: Filistinpawl ni Gath ah
David an Ponngah hnukah David ih Hla
1 Maw Pathian, ka parah
velngei hram,
sunnihlawh ralle ni ama
namneh hngai;
2 ka ralle ni sunnikhawh
ama cilnang hngai;
icatile mitlungpi ni ralsanin
ama do hngai.
3 Maw Sang Tleng, ka thin
a phaan tikah
namah ka tan rinsan.
4 A aanka ka thangŽhatmi
Pathian,
Pathian cu ka rinsan;
ka thin a phang lo;
a thikhomi minung ni itu
5 Sunnikahlawh ka aanka
an lat hawi;
an thuruahpawl cu ka siatnak
ding tlong an ii.
6 Ma thah an ruahsan mangin,
bawhtiaknak an suahsak,
athupin ama bawh khat hngai,
ka kekalpawl
an zohlanglang.
7 An sualnakpawl ruangah
lehrul hngai Žhan;
na thinsia in mipawl hi zon
Žhawl hngai, maw Pathian.
8 Ka vahvaihnakpawl khi
na minhlin hngai rom;
ka mitthli khaw palang sungah
na sang rom.
Na ngankhummi sungah
an om lo hmen maw?
9 Ka tan kawh ni ahcun ka ralle
dung an sip thok.
Pathian cu ka san la ah a om,
timi hi ka tiah.
10 A aanka ka thangŽhatmi
Pathian, a aanka
ka thangŽhatmi Bawipa,
11 Pathian cu ka rinsan;
ka thin a phang lo.
A thikhomi minung theihtheih
ni itu ma ti kho zat lei?
12 Na hemih ka thukhaampawl
ka ti hngai thok,
maw Pathian;
na hemah lungawi raihrikpawl
ka hri hngai thok.
13 Icatile nang ni ka nunkhua cu
thihnak sungin,
cun ka ke cu tautiaknak lakin
na rungsuak hngai rom,
cuticun Pathian hmaika nunnak
khuatle sungah
a vak kho taw ing.