SAAM 42
Hla Hruaitu hemah: Korah Hrinsarle ih Hla
Saltaangmi ih Thlacam: Mangih Pathian Haalnak
1 Neeng ni zo cirh tiluang
a haal lianglo mangin
ka nunkhua ni atan haal,
maw Pathian.
2 Ka nunkhua hi ni Pathian,
anungmi Pathian a haal.
Khawcangah tatin Pathian ih
mithmai cu dimngah
leh lang maw?
3 Mipawl ni, “Na Pathian cu
khawnangah a om hmen?”
ama ti hngai hlanghlan sung cu
sun leh zan in
ka mitthli hi ka caw a ii.
4 Mipirual rum kan tatih Pathian
inn ih kan tah lio ah
anmah khi ka hruai hngai,
ngettiak aunakpawl leh
lungawinak hlapawl rum miburpi
puai vua mang kan ik
ka von mangŽhanih ka thin a kuai.
5 Maw ka nunkhua, icaah
na ngawi a tlu?
Cun icaah ka sungah hin
daiziarin na om lo?
Pathian ruahsan tuhmen;
icatile amah
ka thangŽhat sei thok,
ama bawntu leh ka Pathian cu!
6 Ka nunkhua cu ka sungah
a ngawi a tlu;
curuangah Jordan leh Hermon,
Zizar Tlang in
ka tan mang.
7 Na tlasawpawl an huk tikah
ti thuk ni ti thuk a ko;
na tisuarpawl leh tiletpawl cu
ama khum hngai tu
ngaihsiatnak an ii.
8 Sun ah Bawipa ni ahmunmi
a dawtnak cu thu a pia,
culeh zan ah amah hla ka sak,
ka nunnak Pathian hemih
9 Ka lungpi, Pathian cu,
“Icaah ama palhtia?
Ral ih ma namneh ruangah
icaah lungzurin
ka vak hliarhlo thok hmen?”
tiah ka ti.
10 Ka ralle ni, “Na Pathian cu
khawnangah i hngeen maw?”
tiah ama hawhawt hngai pehzulh,
ka ruangpun parah
thihnak khopin ma ama
baih hngai.
11 Maw ka nunkhua, icaah
na ngawi a tlu?
Cun icaah ka sungah hin
daiziarin na om lo?
Pathian ruahsan tuhmen;
icatile amah
ka thangŽhat sei thok,
ama bawntu leh ka Pathian cu!