SAAM 28
Bon ngen leh Lungawithusim
David ih Hla
1 Maw Bawipa, ka tan ko;
ka lungpi, ma zak ding
al hram hlah,
icatile daite ih ama omsan
ahcun, Mithikhua ih a vong tat
tule mang ka i thok.
2 Bonnak tan ngenin ka au tikah,
na hmun thiang tleng laah
ka baan ka hlir tikah,
3 Mi hrokhrawlle, thilŽhalo
a ti tupawl, an innkiangle
rum remnak thu ang in,
an thinlung sungih siatvatnak
a ngei tupawl rum hmunkhatah
ma dawkta hlah.
4 An Žuanmi mangin rul hngai,
cun an thilti Žhalo mangin;
an kut thilti mangin rul hngai,
an cohnga zet pia hngai law.
5 Bawipa ih rianŽuanpawl iseh,
a kut zungzapawl iseh,
ihman ih an rel lo ruangah
a Žhet hngai thokih
6 Bawipa cu thluasuak kau seh,
icatile ka ngennak
awthawng a za rom.
7 Bawipa cu ka thazaang leh
ka lum a ii;
ka thinlung ni amah a rinsan;
amah ni ama bawn ih
ka thinlung a tha a nuam,
cun hla in a hemah
8 Bawipa cu a mipawl ih
thazaang a ii,
a thathauhnulhmi ih
ralzuannak him a ii.
9 Na mipawl rung hngai law,
cun na rorah thluasuah;
anmah khaaltu ii la,
cun tlaitluanin
kilkhawi hngai law.