SAAM 22
Luat ngennak Thlacam
David ih Hla
1 Ka Pathian, ka Pathian,
ituruangah ama zamta?
Bonnak ca-ih ka aihram tikah
icaah hla tuk ah na om?
2 Maw ka Pathian,
sun ah ka au, ihmansela
ma leh duh hlah ci ee;
zan ah ka au, ihmansela
dindaihnak ngah cuang
3 Ihmansela nang cu
siangpahrang toŽhiang parah
Mi Thiang ii in na to,
Israelpawl ih thangŽhatmi
na ii.
4 Kan pipule ni namah cu
an tan rinsan tia;
an tan rinsan, culeh
na rungsuak hngai.
5 Na hemah an au, cun
run an ii;
an tan rinsantia, cun
6 Kei zong cu minung
ka i vet lo,
cengcel pakhat ka ii;
mipacele ih nihsanmi,
cun mipawl ih nautatmi
ka ii.
7 Ama hmu tu an zate ni
nihsai ama rawntia hngai;
an lei ma saakin,
an lu ama thin hngai;
8 “Bawipa a rinsan hete'n,
rungsuak tu hmen seh–
a parih a lunghmui mi cu
rung lei tu!” tiah an ti.
9 A i nakauin ka nu ih
sul sungin himte ih
ama suah tu cu nang na ii;
ka nu ih Žang sungah
himte in ama om sak.
10 Ka suah in thawh in
namah ka tan hngatsan,
culeh ka nu ih
ma pai in thawh in
ka Pathian na i rom.
11 Ma hlat sawh hlah,
icatile harnak a nai,
culeh ama bawntu thok
12 Cawpetuum tlungpi ni
ama uumtia hngai,
Bashan ram ih adikmi
cawpetuumpawl ni
ama ulkimtia hngai.
13 An sakawh thlekbauh in
a huk tu kiosale mangin
an kaa kaupipi
14 Tii mangin thlet ka ii,
ka ruhpawl an pong remro;
ka thinlung cu ka Žaang ah
khuailul mei mang a tli;
15 ka dang cu peibung
mangin a caar,
cun ka lei cu ka khapkhap
ah a bel;
vutning lakah nang ni
16 Icatile uicopawl
ka velkim ah an om;
thilŽhalo-titule buur ni
ama uumtia hngai.
Ka kut leh ka ke
ama sun tlang hngai.
17 Ka ruh zate ka rel kho.
Darkau a ma zoh hngai ih
ama direm hngai;
18 ka partlaipawl an rawitia,
cun ka angkitual caah
19 Maw Bawipa, nang zong cu
hlapi ah om hram hlah!
Maw ama bawntu,
pha rang la ma bawn hram!
20 Ralreen lakin ma rung la,
ka nunnak ngeihsun hi
uicopawl hem hin
ma rungsuak hram!
21 Kiosa kaa sungin
Ahraangmi cawpetuumle
ma si lo dingin
nang ni ama rung rom.
22 Na min hi ka hrihrialle
ka sim hngai thok;
mizapi khawmtia lakah
ka tan thangŽhat thok.
23 Nangmi Bawipa a Žihzahtu,
amah cu thangŽhat uh!
Jakob ih citlaang nan zate,
amah sunparsak uh;
Israel ih citlaang nan zate,
amah cu Žihzah uh!
24 Icatile intemsakmi ih
intemnak cu irel lo leh
poisa loin a om lo;
a hemin a hmai a thup lo,
25 Khawmtiaknak pi ah
ka tan thangŽhatnak hi
namah hemin a pha;
a tan Žihzahtule hnganah
ka khaamtiakmi cu
ka tan pia thok.
26 A ingtemtu cu a di
a riam thok;
amah a hrawl tupawl ni
Bawipa cu an thangŽhat thok.
Nan thinlung nuamin
27 Vulei dengnak zate in
miphun zate ni Bawipa cu
an mangŽhan thokih
amah hemah an kir thok;
culeh hrin zakip ni
amah cu an bia thok.
28 Icatile uknak cu
Bawipa ih taa ii ih,
miphunpawl a uk hngai.
29 Vulei parih milianpawl ni
puai vua in bia uh seh,
a thikhomi nan zate,
vutning ah nan nunnak
a dengtia thok tu nan zate,
amah hmaiah kum uh.
30 Òhangtharmi ni amah
an rian thok;
hmaila ih Žhangtharpawl cu
Bawipa ih thuhla
sim an i thok,
31 culeh hrin rih lomi le
hemah cun a runsuahnak cu
amah ni a Žuan rom ti-in
simthan a i thok.