SAAM 132
Zion - Pathian Kumkhua Omnak
Kainak Hla
1 Maw Bawipa, David hi a zawn
ruatin a inmi harsatnak
hmawhhmawh hi ciinghram law.
2 Bawipa, Jakop ih Pathian,
Mi Dikcak, hemah siatsirin,
3-5 “Bawipa caah hmun pakhat,
Jakop ih Pathian,
Mi Dikcak caah omnak hmun
ka hmuh ngah hlan cu,
ka inn sung ka lut thok lo,
ka metnak khaw ka pan thok lo;
met ka sentia thok lo ih
ka mit cungtang khaw ka khom
thok lo,” tiah
thu a khaam tia khi.
6 Thukham Kuaang cu Efrathah ah
a om ti kan za ih,
Jaar ih lo sungah kan hmu.
7 “Bawipa ih omnak hmun ah
tat ung la;
a ke siahnak ahcun bia tu ung,”
8 Maw Bawipa, nang leh na dihnak
lansaktu Thukam Kuang cu
hang tho uh la,
na dindaihnak hmun ahcun
tat hram uh.
9 Na tlangbawile cu dingnak in
thuamtia uh seh,
cun na rintlakmi cu lungawiin
kuirak uh seh.
10 Na tungsau David ruangah
thathau na hnulhmi pa cu
11 Bawipa ni David hemah
siatsir in,
“Na hrinsarpawl lakin tiapa
pakhat cu na toŽhiangah
ka tosak thok.
12 Ka zirh hngai leh thokmi
ka thukam leh ka thusuahpawl
an zulh ahcun, an tiapale khaw
kumkhua in na toŽhiang ah
an to kau thok,” tiah a khirh lo
dingmi thukham fel a vua.
13 Icatile Bawipa ni Zion cu
a ril rom;
a omnak ding caah a daw:
14 “Hihi kumkhua ka dindaihnak
hmun a i thok;
a hinangah hin ka om thok,
icatile ka dawtmi a ii.
15 Hleihluanin thlua ka suah thok;
a mi farahle cu caw khimte in
ka cawmhngai thok.
16 A tlangbawile cu runnak rum
ka thuam hngai thok,
cun a rintlakmi cu lungawiin
an kuirak thok.
17 Acunangah cun David ih
hrinsar pakhat cu
huham ka pia thok;
cun ka thathau hnulhmi pa ih
uknak cu ka Žhoksak thok.
18 A ralle cu mualphonak in
ka thuam hngai thok;
amah zong cu a siangpahrang
lukhum a tleu thok.”