SAAM 112
MiŽha Pakhat ih Lungawinak
1 Bawipa cu thangŽhat uh!
Bawipa a Žihzah tupawl,
a thupiakpawl ah a nuamtia
ngaite tupawl cu
mithluasuak an ii.
2 An hrinsarle cu ram sungah
miŽhawngŽha an i thok;
midinghman ih hrinsarle cu
mithluasuak an i thok.
3 An inn sungah ngeihsiah leh
lennakpawl an om,
culeh an dingfelnak cu
kumkhua in a nguh.
4 Miding caah khin khuamaw
sungih tleunak mang an ii;
anmimi cu naktiahthiam, velngei,
cun midingfel an ii.
5 Siangngai in mi a coih ih,
an Žuan dingmi khi
mawicuangte ih a Žuan tule
caah cun thuhla
a tluang in a Žha.
6 Icatile midingfel cu hnial
an i dah thok lo;
mi ih ciinringring mi
an i thok.
7 Thuthang sia ah an thin
a phang lo;
an thinlung cu Bawipa ah
a Žho ih a him kau.
8 An thinlung a riingreeng,
an thla a phang thok lo,
a netnak ahcun an ralle cu
nehnak rum
an zoh leh thok.
9 Atlawi-in mi an zem,
farahpawl an Žhen hngai;
an dingfelnak cu kumkhua
in a nguh;
an huham cu sunloihnak in
cawisaan a ii.
10 Mihrokhrawl ni acucu
hmuin an heh a har;
an haa an rialih an hmalak;
mihrokhrawl ih hiarmi cu
ihmanlo ah a cang.