17
1 Bawhtiaknak rum akhatmi
puai inn ih caw awk vanin
dairemte ih caw Žhing
kaa khat awk a Žhasawn.
2 Atingmi sal ni cu
ningzakŽhangai ih
a tekcakmi tia parah
a uk thok,
cun innsang lakih pakhat
dinhmun in rosarnak
a congah ve thok.
3 Thir ernak am cu
ngun ernak caah,
meipung Žuang cu sui ernak
caah hman an ii,
thinlung zong cu Bawipa ni
a hniksak.
4 ThilŽhalo-titu ni cu
a hrokhrawlmi hmur ih
thusimmi a ngai,
thulopuahtu ni
a sualkaimi lei ih
thusimmi a ngai.
5 Miveihsia a nihsan tu cu
anmah Seemsuahtu an hmuhsit.
Mi ih vansiatnak a direm tu cu
dantat tuarloin a om thok lo.
6 Tutiapawl hi kum hraammi ih
bawilukhum an ii,
cun tiale ih sunlawinak cu
an nulepapawl an ii.
7 Thusim thiamnak cu
miaa rum a hoih tia lo,
thusual sim ni
uktu a hoihlo hlehhlo.
8 Nawhthuh cu a pia tule ih
mit ahcun dawi lung mang a ii,
an mernak poh ah
an ngeinung thok.
9 Mi ih sualpalhnak
a ngaidam tu ni
rualpiiknak an Žhansak,
acucu cinken reuri zong ni
rualpicia mi a Žheek.
10 Miaa voi za khat thawi vanin
ngenŽhenthiam voi khat
hringŽon cu thukdueuhin
a thawingah.
11 MiŽhalopawl ni
ralthawh ding ceu an hrawl,
ihmansela naktiahngeilo
thuphurtu an hemah
thlah a i thok.
12 Miaa atnak sungih
a pilngah lio hmaiton vanin
a tia suhmi vonpinu tuah
a Žhadeuh.
13 ThilŽha khi thilsia in
a rultu cu thilŽhalo ni
a inn in a pokta dah thok lo.
14 Bawhtiaknak ih thawhnak cu
tikhamnak hon mang a ii;
curuangah thawitiaknak cu
a suah hlanah awl.
15 Mihrokhrawl thiamcosak tu
leh miding sualpuh tu
an pahnih cu sakhat in
Bawipa caah ningtirhŽha an ii.
16 Miaale cu zirding ruahnak
an ngeih si lo ahcun,
ituruangah an kut sungah
tinnak lei nak ding tangka
a om awk a i hmen?
17 Rualpi cu khawcang ah khaw
midaw an ii,
unau cu harnak Žomtia dingah
hrin a ii.
18 Innkiang caah thukhaam in
aamahkhantu ih can cu
ruahnakngeihlo thu a ii.
19 Daanbuarnak a dawtu cu
bawhtiaknak a daw;
a inn sangka luhnak thok
sangpi ih a vua tu cu
a ekmi ruhpawl
a sawm hngai.
20 Thinlung kawinget mi cu
an ngeinung lo;
lei rawkcatmi khaw
van siatnak sung ah an tla.
21 Miaa a hringtu cu
harnak a hring;
miaa ih nulepapawl cu
lungawinak an ngei lo.
22 A lungawimi thinlung cu
si Žha a ii,
a naumi thinlung zong cu
ruh a rawt sak.
23 Thulairelnak daanpawl
rawkcat dingah
mihrokhrawl ni
thu mi nawhthuh a cosang.
24 NgenŽhenkho mi ni cu
tinnak laah khua a zo,
miaa ih mitpawl zong ni cu
vulei netnakpawl laah
khua an zo.
25 A aami tiale cu an pa caah
ninghannak an ii,
a hring hngai tu nu caah
thinharnak an ii.
26 Sualnak ngei lomi
cawh kuansak,
ikloah miruathaile
an tluanghmaan ca-ih
thawi cu ahman lo.
27 Aanka a suptiami cu
thutiahmi a ii;
thinlung a daizirziarmi cu
tiahthiamnak ngeimi a ii.
28 Daite ih a ommi miaale hman
miting ah ruah an ii;
an hmur a ciip ah cun
khuaruatkho ah ruah an ii.