18
(Mar 9:33-37; Luk 9:46-48)
1 Acui caan ah kaizulle cu Jesuh hemah pha in, “Vancung uknak sungah ahu pipatleng maw?” tiah an dil.
2 Jesuh ni tepang pakhat koin an lakah a dinsak,
3 culeh, “Thungai in kan tan sim hngai, thlengtia in tepangpawl mang nan can lo ahcun vancung uknak sung ah nan lut dah thok lo.
4 Hi tepang mang mitangdor a cang tupoh vancung uknak sungah mi pipatleng a ii.
5 Ka min in acumang tepang a cosang tupoh ni kamah ama cosang.
(Mar 9:42-48; Luk 17:1-2)
6 “Nanmah lakih ahu ni maw hi zumtu tepang tete pakhatkhat hmakaah tuasik ding nan siah ahcun cawrialnak lung hnempi nan hngawng ah tan thlaihhratin rili thuknangih tan namthlak nan caah a Žhasawn thok.
7 Tuasik dingpawl ruangah vulei cung cu a hmaka a pit! Tuasik ding suahsaktu thilomdanpawl cu an pha teuti thok, a inain a suahsaktu cu a hmaka a pit!
8 “Nan kut ni maw, nan ke ni maw, a tan taubahsak hngai ahcun, Žhotin zam mianmi uh; kut hnih maw ke hnih maw himih kumkhua mei sungih zam ik van cu, mikimlo maw kutzengin maw nunnak sungih luh nan caah a Žhasawn.
9 Cun nan mit ni a tan taubahsak hngai ahcun, horhsuakin zam mianmi uh; mit hnih himin hellnote 18:9 Hremhmun tican a ii. ih zam ik van cu mit khat rum nunnak sungih luh cu nan caah a Žhasawn.
(Luk 15:1-7)
10 “Hi tepangle tete pakhatkhat hi nautat lo dingah ralring uh law; icatile vancung ah an vanmile cu vancung ih om ka Pa hmaiah an om ngah ringring.
11 (Icatile Mi Tiapa cu a hmami minungle rung dingah a pha.)
12 Khawti in ruat hmen cu? Tukhal pakhat ni tuu za khat a ngei ih, tuu pakhat cu lampang zul sela, sawmkua pakua la cu tlang parah mata hngai in lampang a zulmi pakhat hrawlah a tat thok lo maw?
13 Cun a hmuh tikah, thungai ka tan sim hngai, lampang zul dahlo tu sawmkua leh pakua vanin acu pakhat parah a lung a awi sawn.
14 Curuangah hile tete pakhat hmat thok cu vancung ih ommi nan Pa ih dawtzawng a i lo.
15 “Nan pawlpi sungih sungtel pakhatkhat ni na parah a sual ahcun tat lei ci khawh nanmah pahnih ceu nan om ah a palhnak cu khithmuh. Cui sungtel ni na thu a tan ngaih ahcun mi pakhat na ngahŽhan a ii.
16 A inain na thu ngaih na ik lo ahcun mi pace pakhat maw pahnih maw kota hngai, cuticun na aanmi cangte pahnih maw pathum maw ih tiahpimi a i thok.
17 Acu pa ni an thu a ngaih hngai duh lo ahcun pawlpi sim uh; pawlpi thungaih ding hman a al ahcun, acumang minung cu nan caah Zentail leh siahkhuan mang itia seh.
18 Thungai in ka tan sim hngai, vulei parih nan ŽemŽawnmi cu vancung ah ŽemŽawn i lei khawh, vulei parih nan thlahphoihmi cu vancung ah khaw thlahphoih a i thok.
19 Thungai in ka tan sim hngai Žhan, vulei parah thil pakhatkhat thu ah thucingtia in nan dilmi cu vancung ih om ka Pa ni an tan vuak piak thok.
20 Icatile pahnih maw pathum maw ka min in an khawmtiak ahcun, kei cu anmah lakah ka om,” tiah a ti.
21 Cuhnukah Piter ni pha in, “Bawipa, ka unau pakhatkhat ni ka parih a sual ahcun voi zet ka ngaidam bil ah mawi na? Voi sarih zetzet maw?” tiah a ti.
22 Jesuh ni, “Voi sarih i hlah e, ka tan sim, voi sawmsarih let sarih tangmawh,”n Tangmawh ti hi ‘Bol’ tiih hmang kan om, Bol van aŽhadeuh, a kimdeuh. tiah a ti.
23 “Ahi ruangah a ii vancung uknak cu a salle rum cazin felfai ih vuak a dawtu siangpahrang pakhat rum tahŽhim khawh a ik.
24 Cazin siar a thawh tikah amah tangka talen thawng hranote 18:24 Talen thawng hra cu kum hleinga hlawhmi zet a ii. a ba tu pakhat a hem an phatpi;
25 culeh rul zo hlah khawh a bawipa ni a nutiapawl leh a ngeihsiah zate rum zuarin leiba rul dingah thu a pia.
26 Curuangah salpa ni a hmala ah a khukbilin, ‘Ka parah na thinsau hram law, a zate in ka tan rul kau thok’ tiah a dil ciamco.
27 Culeh amah naktiah ah, bawipa ni salpa cu thlahin a leiba khaw a daih.
28 A inain acui salpa cu a tat suakih amah hemih denarii za khat lei a ba tu a salpi pakhat hemah a pha; a or diipin, ‘Na leiba ma rul’ a ti.
29 Cutikah a salpi ni bokin, ‘Ka parah na thinsau hram, ka tan pia kau thok’ tiah naktiah a dil ciamco.
30 A inain a al; cuhnukah tatin a leiba a rulh hlansung thawng ah a thla.
31 A salpile ni thilcangmi cu an hmuh tikah an thin a nuamlo ngaite ih, tatin an bawipa hemah thilcangmi thu zate an sim.
32 Cutikah a bawipa ni a hemah koin, ‘Nang sal siava! Kei hmawh naktiah ma dil ci khawh na leiba zate tan daih ing ee.
33 Na parih naktiahnak ka ngeih mangin na salpi parah naktiahnak ngei ve mawi na i lo maw?’ tiah a ti.
34 Culeh a bawipa ni a thinsia in a leiba zate a rulh hlansung cu hrem tuar dingah a ap hngai.
35 Curuangah vancung ih ka Pa ni khaw, nan thinlung sungin nan unau nan ngaidam lo ahcun nan par vek ah acuti cun a vua ve thok,” tiah a ti.