2
(Mat 1:18-25)
1 Acu lio ah Khumpi Augustasnote 2:1 A min ngai cu Gaius Octavius a ii, Khumpi dinhmun in Rom ram cu kum 37 BC in AD 14 tiang a ukih, kum 27 BC ah Augustas timi min an pia. ni Rom Khumpi ramsung hmawhhmawh milusiar minkhumnak vuak ding thu a pia.
2 Ahihi Kurinias ni Siria ram a uksin lio caan ih milusiar minkhum peitatleng a ii.
3 Milusiar minkhum dingah mi zate cu an suahkehnak khua vek ah an tat.
4 Josef khaw Siangpahrang David hrinsar ih citlaang a ik ruangah, Galilee peng sungih Nazareth khua in Judea peng sungih Bethlehem khua ah a tat ve.
5 Milusiar minkhum dingah piit dingih a hammi, acu lio ih naupaimi Mari rum an tat.
6 Acunangih an ik lio ah a nau hrin caan a pha vel.
7 Culeh a tia peitleng tiapa cu a hringih, khualbuk ah anmah ca-ih hmun a om lo ruangah, naute cu puanleng in a tuam, cun sumhnam cawkuang sung ah an thlim.
8 Acu hrialkam ah tukhal hrekkhat cu an turual zan ah kilin khua pawn hramlak ah an om.
9 Cutikah Bawipa ih vanmi pakhat cu an hmakaah a ding, cun Bawipa ih sunlawinak cu an velkim ah a tle, culeh an hrul ngaite.
10 Ihmansela vanmi ni, “Òih hlah uh; icatile mi hmawhhmawh caah lungawinak ngaite a i mi thuthang Žha ka tan phurhta hngai!
11 Nihinni ahhin David ih khuapi ah Messiah, Bawipa a i mi Rungtu nan caah a suak.
12 Nan caah minhlinnak ding cu hihi a i thok: puanleng in tuammi leh sumhnam cawkuang sungih thlimtia mi naute pakhat nan hmu thok,” tiah a ti hngai.
13 Avoikhatah cui vanmi rum, van ralkap bupi an omih, Pathian thangŽhatin,
14 “Van sangtleng ah Pathian
sunparsak i kau seh,
cun vulei par, mithmaiŽha
a piak hngai mi le lakah
remdaihnak leng seh,”
tiah an ti.
15 Vanmi le ni matain van ih an kirŽhan tikah, tukhalle cu pakhat leh pakhat, “Bethlehem khua ah atu tat le hu khawh, Bawipa ih man tiahsakmi thi thilcangmi hi zoh hnik le hu maw,” tiah an ti tia.
16 Caltiangai in an tatih Mari leh Josef, cun sumhnam cawkuang sungih naute mekau cu an hmu.
17 Acucu an hmuh tikah vanmile ih hi naute thu an simmi cu mi an tiahsaksin,
18 culeh tukhalle ih thusimmi a za tu hmawhhmawh cu an don a har.
19 Ihmansela Mari ni cu hi thupawl hi a thinlung sungah a cingkengih, a ruatthuk hngai.
20 Tukhalle cu an kirŽhan, an zakmi leh an hmuhmi hmawhhmawh cu vanmile ni an hemih an simtakmi mang rori a ik ruangah Pathian an thangŽhat.
21 A ni riatnak ah naute cu a phaw zim Žhawh caan a pha; culeh amah pai a ik hlanin vanmi ih piaktakmi min Jesuh tiin an vawh.
22 Moses ih Daan mangin an thiantiaknak caan a phat tikah, naute cu Bawipa hemih ap dingin Jerusalem ah an tahpi,
23 Bawipa ih Daan sungah: “Tiapa peitleng pohpoh cu a thianghlim tiin Bawipa hemah ap thok a ii,”Ref 2:23 Suah(Ex)13:2,12 tiih ngan a ik mangin,
24 culeh Bawipa ih Daan sungih “thunu khuah khat iklole laileeng no pahnih” timi mangin rai an hri.
25 Acu lio ah a min Simeon timi pa cu Jerusalem ah a om. Amah cu a dingfelmi leh biaknakla a zuamtiami a ii; Israelpawl hnem an ik ding lakhlah ringring tu a ii, cun Thiang Thlarau ni a ompi.
26 Bawipa ih Messiah a hmuhtak hlanah cun a thih thok lo thu Thiang Thlarau ni a hemah a phuanglang.
27 Thlarau ih hruaiin Simeon cu Biakinn sung a pha; culeh Daan tangih tiikeel mangin vuak piak dingah naute Jesuh cu a nulepa ni Biakinn ah an luhpi.
28 Simeon ni a Žaang ah a cawi ih, Pathian thangŽhatin,
29 “Bawipa, ama tiamtak
mangin, atu ah na salpa hi
nadaite in na tahsak thok;
30 icatile ka mit rori ni
na rundamnak cu
a hmuh ngah,
31 mi zate omhnganih
na tuahtimmi,
32 Zentail-mipawl ca-ih
phuanlannak khuatle leh
na mi Israel ca-ih
sunlawinak cu!”
tiah a ti.
33 Jesuh thuhla Simeon ih simmi cu a nulepa an don a har.
34 Cutikah Simeon ni thluasuah hngai in a nu Mari cu, “Hi naute hi Israel mi tlungpi ngalhnak leh thawhdiin nak ding caah laihritan a i thok, cun dohkalhmi a ik thok minhlinnak a i thok,
35 cuticun mi tlungpi ih an sungla ruahnakpawl cu phuanlan an i thok – culeh ralreen ni na thinlung rori a tan suntlang ve thok,” tiah a ti.
36 Profet nu pakhat, Anna timi, Asher hrinlam in Fanuel ih tianu a om ve. Amah cu a kum a hram ngaite, a nawh lio ah pumah a ngei ih kum sarih sung an omkhat hnukah
37 a kum 84 tiang a hmei. Biakinn a mata dahlo, a sun leh zan caw ul leh thlacamin Pathian a bia.
38 Jesuh an ap lio fangah a pha ve ih, Pathian a thangŽhat; culeh Jerusalem runsuahnak lakhlah ih hngak tupawl hemah naute ih thu cu a sim hngai.
39 Bawipa ih Daan ni ti dingih a ngenmi thilzate an uh ngah tikah Galilee peng ih anmah omnak khua Nazareth ah an kirŽhan.
40 Naute cu a hanghnem ih midik a cang, tinnak rum a khat; cun Pathian ih mithmaiŽha a parah a om.
41 Lontak Puai hmang dingah Jesuh ih nulepa cu kumcang Jerusalem ah an tat bil.
42 Jesuh kum 12 a kim tikah an tah keel mangin puai ahcun an tat.
43 Puai a dengih inn laah tlung dingin an thawhtiak tikah tepangpa Jesuh cu Jerusalem ah a taangta, ihmansela a nulepa ni acucu an tiah lo.
44 A tlawnvakpawl buur lakah a tel rua tiah ruatin ni khat lamtat cu an tat rom. Cuhnukah an sungkhatpawl leh rualpipawl hemah hrawl an thawh.
45 An tuah lo tikah amah hrawl dingin Jerusalem ah an kirŽhan.
46 Ni thum hnukah Biakinn sungah, daanzirhtule lakah toin, an simmi ngai hngai leh thu dil hngai in an hmu.
47 Culeh amah a za tu hmawhhmawh ni a thutiahdan leh a thulehnak cu an don a har.
48 A nulepa ni an hmuh tikah an don a har; culeh a nu ni, “Ka tiapa, icaah ahiti hi a man vua? Zohhman, na pa leh kei hmawh dontiangai in kan tan hrawl ciamco hekhawh?” tiah a ti.
49 Jesuh ni, “Icaah ama hrawl rero hngai duh hmen? Kei cu ka Pa ih inn ah ka om thok ti nan tiah lo hmen maw?” tiah a ti hngai.
50 Ihmansela an hemih a sim hngai mi cu an tiahthiam lo.
51 Cuhnukah anmah rum an tatih Nazareth an pha, culeh an thu cangngai hngai in a om. A nu ni hi thil hmawhhmawh hi a thinlung sungah a cingkeng.
52 Culeh Jesuh cu tinnak leh punrua in, cun Pathian leh minung ih mithmaiŽha rum a Žhangsin.