1 Ahi hnukah Judahpawl ih puai pakhat a om ih, Jesuh cu Jerusalem laah a zong kai. 2 Jerusalem ih Tuu Kotka hramah Hebru aan in Betzatha tiih kawhmi tili a omih, a velkim ah zaudep panga a ngei hngai. 3 Acui zaudeppawl sungah tekthiamlole, mitcaw, kezawng, zeng ih tiak an thlimtia kau, [“tili hang tek hngakin an om; 4 icatile Bawipa ih vanmi pakhat imawmang caan ah zongŽum in ti hang tekin a vua. Ti a hang teh vete in a peet tu cu itumang titiak a ngeimi ni khaw a dam, curuangah mitiakpawl ni ti hang tek ding cu hngakin an om.”]note 5:4 Kutnganbu aŽim ah caang 4 hi a om lo. 5 Pakhat pa cu a cunangah kum 38 sung tiakin a om. 6 Jesuh ni acunangih a lumkau leh hlapi a om rom a hmuh tikah, “Dam daw cim?” tiah a ti. 7 Mitiak pa ni, “Sayapa, tii a hang teh tikah tili sungih ma paih tu ahuhman an om lo, ka tah lio fangah pakhatkhat ni ka hmala ah a ma Žum khel hngai liamlo,” tiah a ti. 8 Jesuh ni, “Hang tho, na ihthah la in vak,” tiah a ti. 9 Avoikhatah mi pa cu a dam, cun a ihthah la in a tat. Acu nii cu Sabbath a ii. 10 Curuangah Judah thungeitule ni damsakmia ‘damsak’ hi ‘sawmbawl’ a ti kan om pa cu, “Sabbath a ii hekhawh; na ihthah na put cu a phung a i tal lo,” tiah an ti reuri. 11 Ihmansela ani ni, “Ama damsak tu pa ni, ‘Na ihthah la in vak’ ama ti hepan,” tiah a sawn hngai. 12 An mimi ni, “‘La in vak’ a tan ti tu pa cu ahu a i hmen?” tiah an dil. 13 Damsakmi pa ni ahu a ik a tiahlo, icatile Jesuh cu a cunangih a ommi mibuur lakah a hma. 14 Hnukdeuh ah Jesuh ni biakinn sungah a hmu ih, “Ngaihnik! Atu hi na dam ngah kau. Sual ti hlah la, na parah thilsiasin cang lei-a,” tiah a ti. 15 Acu pa cu a tat mianmi ih amah a damsak tu pa cu Jesuh a ii tiin Judah thungeitule a sim hngai. 16 Curuangah Judah thungeitule ni Jesuh cu sabbath ni ah a cumang thil a vuak hngai ruangah hrem an thawh. 17 Ihmansela Jesuh ni, “Ka Pa cu rian a Žuan rih berbo ih kei khaw ka Žuan berbo ve,” tiah a sawn hngai. 18 Ahi thu ruangah a ii Judah thungeitule ni Jesuh thah an dawt hlehhlo nak cu, icatile Sabbath a buar ceu i loin Pathian cu amah rori ih Pa tiah koin Pathian tlukah a vua tia an ti.

19 Jesuh ni, “Thungaite in ka tan sim hngai, Tiapa ni cu amah thuthu in ituhman a ti zo lo, Pa ni ti in a hmuhmi ceu a ti zo; icatile Pa ih timi itupoh Tiapa ni acumang in a ti. 20 Pa ni Tiapa a daw ih amah rori ih vuakliomi thil zate a hmuh; culeh nan donhar leh nak dingah ahile van pipasawnmi rianŽuanpawl a hmuh lai thok. 21 Angaingai ah, Pa ni mithi thawhsakin nunnak a piak hngai mangin, Tiapa ni khaw a dawtmi ahupoh nunnak a pia. 22 Pa ni ahuhman thu a Žhen lo, thuŽhennak hmawhhmawh cu Tiapa hemah a pia, 23 cucu mi hmawhhmawh ni Pa an upat mangin Tiapa an upat nak dingah a ii. Tiapa a upat lo tupoh ni amah a thlah tu Pa a upat lo. 24 Thungaite in ka tan sim hngai, ka anka za ih ama thlah tu a zum tu cu kumkhua nunnak a ngei, culeh thuŽhennak tangah a pha lo, thihnak lontain nunnak ah a lut rom. 25 “Thungaite in ka tan sim hngai, mithile ni Pathian Tiapa ih aw an zakih a za tupawl cu an nun thok caan pha leh lei, atu hinangah a ii. 26 Icatile Pa ni amahte sungah nunnak a ngeih mangin Tiapa khaw amahte sungah nunnak ngeih tia ve dingin a pia; 27 culeh ani cu Mi Tiapa a ik ruangah thuŽhen dingih thungeihnak a pia. 28 Ahihi nan donhar hlah uh; icatile an thlaan sungih om tu hmawhhmawh ni Mi Tiapa ih aw zain 29 thilŽha a vua tule cu nung dingih thawhŽhannak ah, thil Žhalo a vua tule cu sualthuŽhen tuar dingih thawhŽhannak ah an vasuah caan pha leh lei.

30 “Kei cu kamah te in ituhman ka ti zo lo, ka zakmi mangin thu ka Žhen; culeh ka thuŽhen cu a dinghman, icatile kamah dawtzawng vuak khai loin ama thlahtu ih dawtzawng vuak ka khai. 31 “A inain kamah thuhla ka simphuan ahcun ka simmi cu a hmaan lo. 32 Kamah can-ah ka thuhla a simtu pace a omih ka thuhla a simmi cu a hmaan ti ka tiah. 33 Johan hemah thuphurtule thlah cu khawh ani ni thuhmaan thu a sim. 34 Acumang minung thusim cu kei ni ka pon tinak a i lo, a inain hi thilpawl ka aan hi run nan iknak dingah a ii. 35 Amah cu a alh leh a tlemi meiinn a ii, cun a tleunak sungah caangkhat cu lungawiih omtiak nan daw. 36 A inain Johan van a pipasawnmi thutiahpitu ka ngei. Pa ni Žuan uk dingih ama piakmi rianŽuanpawl, atu ih ka Žuan reromi hi, Pa ni ama thlah ti thu kamah canih a simtu cu an ii. 37 Culeh ama thlahtu Pa amah rori ni kamah can-ah ka thu a sim. A aw khaw nan za thah lo, a ruangthang khaw nan hmu thah lo, 38 culeh a thlahmi pa nan zum lo ruangah a thusim nan sungah a hmun lo. 39 “An sungah nunnak ngah thokin nan ruah ruangah Lai Thianghlim nan zingzoi; anmah hi kovawh kamah can-ah ka thuhla a sim tu cu. 40 A inain nunnak ngah dingah ma phat hmawh nan al Žung. 41 Minungpawl hemin sunloihnak ka cosang lo. 42 A inain nan lakah Pathian ih dawtnak nan ngei lo ti ka tiah. 43 Ka Pa ih min in pha ing khawh ama cosang hngai lo; mipace ni amah ih min in pha sela cu cosang hngen tur cu. 44 amah ceu Pathian a i mi hemin a phami sunlawinak hmawh nan hrawl lo ih, pakhat leh pakhat hemin sunlawinak hmawh nan cosaan tiak ah, khawti in hilei ama zum hngai thiam? 45 Pa hmaiah sual tan puh hngai thok cu ma ruat hlah uh; nangmi sualpuhtu cu nan ruahsanmi Moses a ii. 46 Moses nan zum taak ahcun kei khaw ama zum hngai kau thok, icatile amah ni ka thuhla a ngan ta. 47 A inain a ngantakmi nan zum lo ahcun khawti in hilei ka simmi nan zum?” tiah a ti hngai.