20
(Mat 28:1-10; Mar 16:1-8; Luk 24:1-12)
1 Zarhkhat ih ni peitatleng mawpan, khua a mawt rih lio ah, Mari Magdalene cu thlaan ah a pha ih, thlaan khar lung cu thawntia romin a hmu.
2 Curuangah Simon Piter leh Jesuh ih dawtmi kaizul pace hemah zuangin, “Bawipa cu thlaan in an thiar romih khawnangih an siah cu kan tiah lo,” tiah a ti hngai.
3 Cutikah Piter leh kaizul pace cu poksuakin thlaan laah an tat.
4 An pahnih an zuang khat, ihmansela kaizul pace ni Piter cu a lonih thlaan a pha peita.
5 A sung zoh dingah a kuumih ruak zawlnak sianglaraang puannem cu acunangah om kauin a hmu, ihmansela, thlaan sung cu a lut lo.
6 Cuhnukah Simon Piter ni a dungin a pha ih, thlaan sung ah a lut. Ruak zawlnak puannem acunangih a om kau leh,
7 Jesuh lu an zelhnak puan cu a ruakzawlnak puan hemah om loin, amah ceu zawltia in a om ti a hmu.
8 Cutikah, thlaan a pha peita tu kaizul pace khaw thlaan sung ah a lut ve, culeh a hmu ih a zum.
9 Icatile mithi lakin a tho thok timi Lai Thianghlim cu an tiahthiam rih lo.
10 Cuhnukah kaizulle cu an inn ah an Žiin.
11 Ihmansela Mari cu thlaan pawnla ah dingin a Žap berbo. A Žahthah ah thlaan sung zoh dingin a kuum;
12 culeh vanmi pahnih puan raang sinin, Jesuh ih ruak an thlim nak ahcun, a lu la ah pakhat, a ke la ah pakhat, toin a hmu hngai.
13 Vanmi le ni Mari cu, “Minu, icaah na Žap rero?” tiah an ti. Ani ni, “Ka Bawipa an thiarta mianmi ih, khawnangih an siah ka tiah lo,” tiah a ti hngai.
14 Acuti a ti hnukah a mertia ih, Jesuh cu acunangah dingin a hmu, ihmansela Jesuh a ik a tiah lo.
15 Jesuh ni, “Minu, icaah na Žap rero? Ahu a ii na hrawl?” tiah a ti. Dumkiltu ah ruatin, “Sayapa, nang ni a ruak na la ta i taw ah na siahnak ma sim la, cun kei ni ka la mianmi thok,” tiah a ti.
16 Jesuh ni, “Mari,” tiah a ko. Mari ni mertia in, Hebru aan in, “Rabbouni,” tiah a ti (a cucu Zirhtu tican a i).
17 Jesuh ni, “Pa hem ka kai rih lo ruangah ma tlai berbo hlah. Ka unaule hemah tatin, ‘Ka Pa leh an Pa, ka Pathian leh an Pathian hemah ka tat thok tiah a ti’ tiin sim hngai tu,” tiah a ti.
18 Mari Magdalene cu tatin kaizulle cu, “Bawipa ka hmu rom,” tiah a than; culeh hi thupawl hi Jesuh ni a hemah a ang hngai ti a sim hngai.
(Luk 24:36-43; 1Kor 15:5)
19 Zarhkhat ih ni peitatleng simla ri, Judah thungeitule Žih ruangih kaizulle ni an tuahtiaknak inn sangka an kharmi ah, Jesuh cu a pha ih, an lakah dingin, “Nan hemah nangamnak om seh,” tiah a ti hngai.
20 Ahihi a aan hnukah a kut leh a naak a hmuh hngai. Kaizulle cu Bawipa an hmuh tikah an lung a awi ngaite.
21 Jesuh ni, “Nan hemah nangamnak om kau seh. Pa ni ama thlah mangin, kei khaw ka tan thlah hngai,” tiah a ti hngai Žhan.
22 Ahihi a sim uh tikah an parah a hmut hngai ih, “Thiang Thlarau co uh.
23 Ahumaw ih sualnakpawl nan ngaidam ahcun ngaidam an ii; ahumaw ih sualnakpawl nan tlaihtaan ahcun ngaidamlo an ii,” tiah a ti hngai.
24 Ihmansela Thomas (Miphiir tiih kawhmi), Hleihnihle lakih pakhat, cu Jesuh a phat ah a om ve lo.
25 Curuangah kaizul pace ni, “Bawipa kan hmu rom hekhawh,” tiah an sim. Ihmansela, “A kut an khennak maphe hmuin ka kutzung in ka tham lo leh, ka kut in a naak ka tham lo ahcun ka zum thok lo,” tiah a ti hngai.
26 Zarh khat hnukah a kaizulle cu inn sungah an om Žhanih Thomas a om ve. Sangkapawl cu an khar kau nain, Jesuh a pha ih, an lakah dingin, “Nan hemah nangamnak om seh,” tiah a ti hngai.
27 Cuhnukah Thomas cu, “Na kutzung cu hinangah sia la ka kut hi zoh hngai. Na kut suah la ka naak ma tham hnik. Zum loin om hlah, zum vel,” tiah a ti.
28 Thomas ni, “Ka Bawipa leh ka Pathian!” tiah a sawn.
29 Jesuh ni, “Ama hmuh ruangah maw ama zum? Hmuh ngah na loin a zum tu cu mithluasuak an ii,” tiah a ti.
30 Hi laibu sungih a ngan tia lo mi a pace donharŽha hmuhsaknakpawl tlungpi Jesuh ni a kaizulle hmuhngan ah a vuata hngai.
31 Ihmansela hipawl hi ngan an iknak cu Jesuh hi Messiah, Pathian Tiapa, a ii ti nan zumih, nan zumnak thawngin amah ih min ah nun nan ngeih nak dingah a ii.