18
(Mat 26:47-56; Mar 14:43-52; Luk 22:47-53)
1 Jesuh ni ahipawl ang hngai in thla a cam hnukah Kidron thlawng an tanih, duum pakhat omnak hmun ah an lut.
2 Jesuh cu a kaizulle rum acunangih an tuahtiak bil ruangah, amah leirawitu Judas ni khaw cui hmun cu a tiah.
3 Curuangah Judas ni ralkap buur khat leh, tlangbawi upapawl leh Farisipawl hemin biakinn kiltu palikle a pita hngai ih, meiinn, detmei leh siihaarpawl rum an pha.
4 Cutikah Jesuh cu a parih cang thokmi zate a tiah ruangah, hmai ah suakin, “Ahu hemaw nan hrawl?” tiah a dil hngai.
5 Anmimi ni, “Nazareth khuami Jesuh,” tiah an sawn. Jesuh ni, “Kei hi amah cu ka ii,” tiah a sawn hngai. Amah leirawi tu Judas cu an hemah a diing.
6 Jesuh ni, “Kei hi amah cu ka ii,” a ti hngai tikah dung an tolh ih khur ah an ngal.
7 “Ahu hemaw nan hrawl?” tiah a dil hngai Žhan. Culeh anmimi ni, “Nazareth khuami Jesuh,” tiah an sawn.
8 Jesuh ni, “Kei hi amah cu ka ii tiah ka tan sim hngai rom hin. Curuangah ama hrawl i taw cu ah hile hi cu thlah uh,” tiah a sawn hngai.
9 Ahihi, “Nang ni ama piakmi pakhat hman ka tlauban sak hngai lo,” tiah a aanmi thu kimsak dingah a ii.
10 Cutikah, Simon Piter, ralreen a ngeitu ni a ralreen cu a phawi, tlangbawipa ih sal cu a thawi, cun a vorhla na Žotkau a set.
11 Jesuh ni Piter cu, “Na ralreen cu a kawng sung ah thun Žhan. Pa ih ma tulh mi hai cu ka ding thok lo hmen maw?” tiah a ti.
12 Curuangah ralkaple, an bawipa leh Judah palikle ni Jesuh cu ponin hreng an khuah.
13 Peitatlengah acui kum ih Tlangbawi Saang a i mi Kaiafas ih nupi ih pa Annas hemah an tahpi.
14 Kaiafas cu mipi caah mi pakhat thih a Žhasawn tiin Judah thungeitule ruahnak pia hngai tu khi a ii.
(Mat 26:69-75; Mar 14:66-72; Luk 22:54-62)
15 Simon Piter leh kaizul pace ni Jesuh cu a dung an zul. Acui kaizul cu Tlangbawi Saang ih mitiah a ik ruangah a tuallai tiang Jesuh rum an tat.
16 A inain Piter cu pawnla, kotka hramah a ding. Curuangah Tlangbawi Saang ih mitiah dungzul pace cu vasuakin, kotka kiltu numi a bia ih Piter cu a luh sak.
17 Numi nu ni Piter cu, “Nang khaw hi pa ih dungzul pakhat na i ve lo hena im?” tiah a ti. Piter ni, “Ka i lo ee,” tiah a ti.
18 I a sih ruangah salpawl leh palikpawl ni meiril in mei an tikih a velkim in an ai. Piter khaw an hemah dingin mei a ai ve.
19 Tlangbawi Saang ni Jesuh cu a kaizulle thu leh a thuzirhmi thu a dil.
20 Jesuh ni, “Vulei mipawl hemah langhngan in ka ang rom hin; Judahpawl zate an vontumtiak nak sinakok leh Biakinn sungah thu hmawh zirh cua ing ee. A thup le thli in ituhman ka sim tal lo.
21 Icaah ama dil hngai? An hemih ka simmi a za tupawl dil tuhmen uh; ka simmi an tiah kau hin,” tiah a sawn hngai.
22 Acuti a ti tikah a hrialih dingtu palik pakhat ni Jesuh cu a hmai beengin, “Ahihi Tlangbawi Saang na lehdaan cu a i maw?” tiah a ti.
23 Jesuh ni, “A sual in ang taw ing ah a sualmi cu lansakin sim tuhmen. A inain a hmaan in ka an ahcun icaah ama beeng?” tiah a ti.
24 Cutikah Annas ni amah cu hreng khuahin Tlangbawi Sang Kaiafas hemah a kuat.
25 Simon Piter cu dingin a emtia lio. “Nang hi a kaizulle lakih pakhat na i lo hena im?” tiah an dil. Acucu a phehih, “Ka i lo,” tiah a ti.
26 Tlangbawi Saang ih salle lakih pakhat; Piter ni a na Žotkau a seh mipa ih sungkhat ni, “Duum sungah Jesuh rum ka tan hmu hngai lo hmen maw?” tiah a ti.
27 Piter ni a pheh Žhanih, acui caan te ahcun ar a khuang.
(Mat 27:1-2; 11-14; Mar 15:1-5; Luk 23:1-5)
28 Cuhnukah Jesuh cu Kaiafas hemin Mangki Pilat ih thurelnak zung inn ah an tahpi. Acucu mawpan te ah a ii. Anmah ngaai cu, dotlaloi Rai thianglo tican. ik hrel ding leh Lontak puai caw aw kho dingah zung sung cu an lut lo.
29 Curuangah Pilat cu vasuakin, “Hi pa ralsanin itu sualpuhnak a ii nan kentak?” tiah a ti hngai.
30 Anmimi ni, “Hi pa hi thitlak misual i hlah sela na hemah ap rua tur hu im?” tiah an sawn.
31 Pilat ni, “Nanmah te pitain nan daan mangin a thu Žhen tuhmen uh,” tiah a ti hngai. Judahpawl ni, “Keimi hmawh mi pakhatkhat thah sen ka i lo pi,” tiah an let.
32 Ahihi Jesuh ni itu thihnak phun in a thih thok a lansakmi kimngah dingah a ii.
33 Cutikah Pilat cu zung ah lut Žhanin Jesuh cu a ko ih, “Nang hi Judah Siangpahrang na ii maw?” tiah a dil. Jesuh ni, “Ahihi namah te in ama dil maw? Iklole pakhatkhat ni ka thuhla an tan sim maw?” tiah a sawn.
34 Pilat ni, “Kei cu Judah mi ka i hmen maw? Na miphun leh tlangbawi upale ni nang hi ama ap hngai. Itu ti ta hmen ci?” tiah a let.
35 Jesuh ni, “Ka uknak hmawh hih vulei ih ta a i lo pi; Ka uknak cu hih vuleipi ih ta i sela cu kamah hi Judah thungeitule hemih ap i lo dingah ka kaizulle ni do hngen tur uh. A inain a iknak mangin cu, ka uknak cu hih vulei ih ta a i lo,” tiah a sawn.
36 Pilat ni, “Siangpahrang cu na i kau ti?” tiah a dil. Jesuh ni, “Siangpahrang ka ik cu nang ni na ti hin. Thutak dinpi dingah minung in suakin, ahi caah hih vuleipi ah hin ka pha. Thutak ah a om tu mipoh ni cu ka aw an ngai bil,” tiah a sawn.
37 Pilat ni, “Thutak cu itu a i hmen?” tiah a dil.
(Mat 27:15-31; Mar 15:6-20; Luk 23:13-25)
38 Ahihi a sim hnukah Judahpawl hemah vasuak Žhanin, “Amah sual puh awk ka hmu lo.
39 A inain Lontak Puai caan ah thawngtla pakhat ka tan thlah piak hngaimi daan nan ngei tak kovawh. Judah Siangpahrang tan thlah piak hngai ningla nan daw maw?” tiah a ti hngai.
40 An lehŽhannak ah, “Hi pa cu i loin, Barabbas tu ii seh,” tiah an au. Barabbas cu rokhmang a ita.