3
1 Pa ih man dawtnak itluk a nasa ti zohhman uh, Pathian ih tiale tiih kawh kan ik hi; culeh acucu kan iknak cu a ii! Vuleipi ni a man tiah lonak cu amah an tiah lo ruangah a ii.
2 Ka dawtmi le hngai, atu hi Pathian ih tiale kan ii; ii kan lawh lei cu phuanlan a i rih lo. Kan tiahmi cu: amah phuanlan a ik tikah amah mang kan i leh thok, icatile amah a ik mangin kan hmu thok.
3 Culeh amah sungah ahi ruahsannak a ngei tu hmawh ni amah a thianhlim mangin anmah leh anmah thianhlim tia uh seh.
4 Sualnak a vuatu cang daanzulh lonak in a sual; sualnak cu daanzulh lonak a ii.
5 Sualnakpawl lasuak tu dingah phuanlan a ik nan tiah kau, amah sungah sualnak a om lo.
6 Amah sungih a hmun tu ahuhman ni sualnakpawl an vua lo; a sual tu ahuhman ni amah a hmu dah lo, tiah khaw a tiah thah lo.
7 Tiale tete hngai, ahuhman ni tan deu hngai hlah seh. A dingmi a vua tu cang Amah a dingfel mangin midingfel an ii.
8 Sualnak a vua tu cang khawsia ih tia an ii; icatile khawsia cu a hramthawh in a sualberbo rom. Pathian ih Tiapa phuanlan a ik cu khawsia ih rianŽuanpawl siatsuah ding tumtah ahhin a ii.
9 Pathian ih hrinmipawl ni cu an sual peh lo; icatile Pathian ih thlaici an sungah a hmun; an sual peh kho lo, icatile Pathian ih hrinmi an ii.
10 Pathian ih tiale leh khawsia ih tiale cu hiti hin phuanlan an ii: adingmi a vua lo tu hmawh iseh, zumtu unaupawl a daw lo tupawl khaw iseh, Pathian ih tiale an i lo.
(Mat 22:39)
11 Icatile pakhat leh pakhat kan dawttiak awk a ii ti hi a hramthawh in nan zak rom mi thuthang cu a ii.
12 Amah cu miŽhalo pa hemin a ii ih a naupa a that tu Kain mang kan ik awk a i lo. Ituruangah a that? Amah ih thiltimi cu an Žhalo ih a naupa ih thiltimi cu an dingfel ruangah a i kau.
13 Vuleipi ni a tan huat hngai hi nan donhar hlah uh.
14 Pakhat leh pakhat kan dawt tiak ruangah thihnak lonin nunnak laah kan tat rom ti kan tiah. Mi a daw lo tupoh cu thihnak sungah a hmun.
15 Ulenaupawl a daw lo tu hmawh cu lainawng an ii, culeh lainawngpawl cu an sungah kumkhua nunnak a hmun lo ti nan tiah.
16 Dawtnak timi cu: a nunnak kan caah a liam – culeh keimi pakhat leh pakhat caah nun kan liam awk a ii – timi hin kan tiah.
17 Vuleipi ih thilpawl ngeiin a u iklole a nau sambau in a hmu na-ih bon ding a al tu ahumaw sungah khawti in helei Pathian ih dawtnak a hmun?
18 Tiale tete hngai, thu leh aan vial in daw tia loin, thutak leh Žuannak rum daw tia tu ung.
19-20 Ahi thawng hin thutak hemin kan ik leh kan thinlung ni sual a man puh tikpohah a hmaika ah kan thinlung cu a fiansakŽhan thok ti kan tiah; icatile Pathian cu kan thinlung van a hnemsawnih izongza a tiah.
21 Ka dawtmilehngai, kan thinlung ni sual a man puh lo ahcun Pathian hmaiah ralŽhatnak kan ngei;
22 culeh a thupiak kan zulih amah lungawisak tu kan Žuan ruangah kan dilmi itupoh a hemin kan ngah.
23 Culeh a thupiak cu: a tiapa Jesuh Khrih kan zumih, thu a man piak tak mangin pakhat leh pakhat kan dawt tiak thok hi a ii.
24 A thupiakpawl a zultu hmawh cu amah sungah an hmunih ani cu an sungah a hmun. Culeh a man piak tak mi Thlarau thawng hin kan sungah amah a hmun ti kan tiah.