5
1 Minungpawl lakin rilmi Tlangbawi Saang poh cu anmah can-ai ah Pathian rum pehtlaitiami thilpawl ah Žuanvo latu ding, thilhlupawl pia ding leh sualnakpawl caah raihri dingih siahmi an ii.
2 Amah hrimhrim ŽonŽaihnak tangih omsak a ik ruangah thutiah lomi leh lamhmami cu nemte in a doi hngai kho.
3 Culeh a hi ruangah hin amah ih sualnakpawl caah leh mipipawl ih sualnakpawl caah rai a hrik a Žul.
4 Ahi upatnak hi pakhat khat ni amahte lattiak phung a i lo, Aaron mangin Pathian ih kawh tikah ceu lat a ii.
5 Curuangah Khrih khaw Tlangbawi Saang a cannak ah amah leh mah a sunloih tia lo, amah hemah,
“Nang cu ka Tiapa na ii,
nihinni ah na Pa ah ka cang,”
tiah a ti tu ni a ril.
6 Hmun pace ah hitiin khaw a ti,
“Melkhizedek ih tlangbawi
ikdan mangin tlangbawi
na i thluangthluan.”
7 Tiksa in a nun lio ah Jesuh ni thihnak in amah a rung kho tu hemah dakpiih heh leh mitthli rum thlacam in a ngeenih, upat ih thuzulh a thiam ruangah zakpiak a ita.
8 Tiapa ita hmansela a tuarnak thawngin thuzulh a zir;
9 culeh tlamtlinsak a ikngah in amah thu a zultu zate caah kumkhua rundamnak hrampi ah a cang.
10 Culeh Pathian ni Melkhizedek ih tlangbawi ikdan mangin Tlangbawi Saang a thiah.
Ngal lo dingih Ralrinpiaknak
11 Hih thu ah hin sim awk tampi kan ngei, ihmansela thutiahnak laah nan tuung tukih simfiang a har.
12 Icatile atu caan ahcun zirhtule ik nan mawi nain nanmah la Pathian thu a hrampipawl mi pakhatkhat ih zirhŽhan nan Žul. Caw hak iloin hnawiti nan Žul.
13 Hnawiti ring ih nung rih tupoh tepangte an i rih ih, dingfelnak thuhla ah ituhman a thiam lomi an ii.
14 Ihmansela caw hak cu mi picang, an hmuhtuahnak thawngin an khuaruahnak ni sia le Žha ngenŽhen thiam dingah zirh a i mi le caah a ii.